Norðurslóð - 26.05.1992, Qupperneq 1

Svarfdælsk byggð & bær
16. árgangur
Þriðjudagur 26. maí 1992
5. tölublað
Nemendur söngdeildar Tónlistarskólans með kennara og undirleikara
Skólahurð al'tur skeUur
Nú er kominn sá tími ársins er
skólahurðir skella í lás, og vor-
glaður æskulýðtirinn skokkar
út í sólskinið. Hér á svæðinu
eru skólarnir þessa dagana
hver af öðrum að Ijúka störf-
um vetrarins með prófum og
tilheyrandi og eins og jafnan
áður reynir Norðurslóð að
greina frá því helsta sem frétt-
næmt má teljast í því samb-
andi.
Sjávarútvegsdeild Dalvíkur-
skóla var sagt upp laugardaginn
16. maí og útskrifuðust þar 12
nemendur af öðru stigi skips-
stjórnarbrautar, 12 nemendur af
fyrsta stigi og 7 af fiskvinnslu-
braut. Þær breytingar verða á
starfsmannahaldi deildarinnar í
vor að Ómar Karlsson sem veitt
hefur henni forstöðu undanfarin
tvö ár hættir og sömuleiðis Krist-
ján Önundarson sem kennt hefur
þar í vetur. Ekki er enn búið að
ráða nýja menn í stöðurnar. Að
sögn Þórunnar Bergsdóttur hefur
verið stefnt að því að gera rekst-
ur deildarinnar sem mest sjálf-
stæðan og færa hann frá Dalvík-
urskóla m.a. með því að kennar-
ar kenndu alfarið á öðruhvorum
staðnum en ekki báðum og hefur
það gefið góða raun.
Hú.sabakkaskólu var sömu-
leiðis sagt upp með pompi og
pragt laugardaginn 16. maí. I vet-
ur voru 44 nemendur við skólann
í 1.- 9.bekk og útskrifuðust 3
nemendur úr efsta bekk að þessu
sinni. Við útskriftarathöfnina var
Björn Daníelsson kennari sér-
staklega heiðraður eftir 30 ára
heilladrjúgt starf við skólann og
honum færðar gjafir frá hrepps-
nefnd og foreldrafélaginu. For-
eldrafélagið hafði auk þess látið
útbúa lista með öllum þeim
nemendum sem Björn hefur átt
þátt í að koma til manns á löng-
um starfsferli og taldi sá listi um
330 hausa. Þá fylgdi listanum
svohljóðandi vísa.
Pó þurfirðu að heyja þúsund stríð
þú hefur betur.
Fyrst þér tókst að kenna þessum
lýð
f þrjátíu vetur.
Þær breytingar verða á kennara-
liði skólans að Aðalsteinn Hjart-
arson sem verið hefur leiðbein-
andi í vetur hverfur til frekari
náms í Peking en í hans stað
kemur Þóra Rósa Geirsdóttir frá
Dalvík.
Dalvíkurskóla verður form-
lega sagt upp á uppstigningadag
28. maí kl 5.00. Að sögn Þórunn-
ar Bergsdóttur voru 254 nentend-
ur við skólann í vetur og verða 27
nemendur brautskráðir úr 10.
bekk. „Útskriftaraðallinn" er
þessa dagana í skólaferðalagi til
Lundar í Svíþjóð sem er vinabær
Dalvíkur. Höfð verður viðkoma í
Kaupmannahöfn þar sem góður
og gegn Dalvíkingur og góð-
kunningi krakkanna, Arnar Sí-
Lúórasveitin á leiö um borö í Grímseyjarför.
Ljósmyndir: Hj.Hj.
Vorkoman á Dalvík
Nú um helgina héldu Lions-
menn á Dalvík sína árlegu
„Vorkomu“ með sem skipað
hefur sér sess sem einn helsti
listviðburður í bæjarlífinu á
Dalvík ár hvert. Að þessu sinni
fór mest fyrir myndlistinni og
listiðnaði ýmiskonar. Kom þar
upp úr dúrnum að við hér höf-
um á að skipa mörgum mikil-
hæfum og frumlegum ungum
listamönnum sem vænta má
mikils af í framtíðinni.
Listsýningarnar voru húsnæði
nýja skólans og sýndu þar sex
listamenn verk sín af margvísleg-
um gerðum. í einum sal sýndi
Gunnlaug Siguðardóttir málverk
í kompaníi við tvær textílkonur,
þær Lene Zacharíssen og Guð-
rúnu Höddu Bjarnadóttur. Verk
Lenu eru af fjölbreyttum toga í
orðsins fyllstu merkingu. Þarna
voru skartgripir unnir úr hross-
hári og einnig bandhespur úr
refahári, hundahári og geitahári
svo eitthvað sé nefnt.
Guðrún Hadda sýndi þarna
bæði skartgripi úr lituðu bandi og
eins stærri textílverk og málverk.
Sitt í hvorum salnum sýndu Anna
Guðlaug Jóhannsdóttir og Har-
aldur Sigurðsson málverk. Har-
aldur var auk þess með myndir
málaðar með bleki.
Þá sýndi Jenný Valdimarsdótt-
ir keramikmuni af ýmsum gerð-
um í einni stofu og á öðrunt stað
var dálítil steinas ýning á vegum
Félags norðlenskra steinasafn-
ara.
A laugardaginn var konsert í
Víkurröst þar sem eldri félagar
úr karlakórunum Geysi á Akur-
eyri og Fóstbræðrum í Reykjavík
fluttu söngdagskrá og fyrir börn-
in var sýnd kvikmyndin „Skjald-
bökurnar" í Ungó þann sama
dag. Ágæt mæting var á tónleik-
ana og sömuleiðis komu margir
til að skoða sýningarnar í Skólan-
um. Flest verkanna voru til sölu
og virtist salan á heildina litið
vera mjög góð og undirtektir
gesta allar á besta veg.
Mike Jacques stjúrnandi lúðrasveit-
arinnar.
monarson, mun leiða hópinn um
þennan gamla höfuðstað íslands.
Svona ferðir eru dýrt fyrirtæki en
krökkunum tókst í vetur með
mikilli eljusemi að safna í ferða-
sjóð þó nokkuð umfram ferða-
kostnað. Aðrir bekkir skólans
fara einnig í styttri skemmtiferðir
í vor, hver með sínum bekkja-
kennara ásamt foreldrum. Hefur
foreldrasamstarfið verið mjög á
þeim nótum í Dalvíkurskóla að
foreldrar tækju þátt í uppákom-
um í bekkjardeildum sinna barna
og verður samstarfið þannig nán-
ara en ella. Fimm kennarar
hverfa frá kennslu í vor og hafa
margar umsóknir borist um laus-
ar stöður en ekki er enn búið að
ráða í þær. Þóra Rósa Geirsdóttir
hefur eins og áður sagði fært sig
fram í sveitina þó enn búi hún á
Dalvík. Dóróþea Reimarsdóttir
og Sveinbjörn Njálsson fara í
launalaust leyfi í eitt ár en Gísli
Bjarnason, Elísabet Guðmunds-
dóttir og Guðbjörg Ringsted hafa
sagt upp störfum. Þá mun Jóhann
Daníelsson hætta tónmennta-
kennslu og helga sig allan bóka-
safni skólans. Að sögn Þórunnar
skólastjóra hefur nýja skólahúsið
reynst mjög vel í vetur og hefur
augljóslega tekist vel til með það.
Þá er að segja frá Tónlistar-
skóla Dalvíkur. í vetur voru þar
um 140 nemendur við hvers kyns
hljóðfæranám. Engin formleg
uppsögn var við þann skóla en
þess í stað héldu nemendur eina
sex tónleika í Dalvíkurkirkju og í
Árskógarskóla. í vetur stunduðu
10 nemendur söngnám við skól-
ann og hélt söngdeildin tónleika í
Dalvíkurkirkju sunnudagskvöld-
ið 11 maí. Kontu rnargir að hlusta
á söngvarana og var gerður góður
rómur af söng þeirra. Nokkrar
mannabreytingar verða við skól-
ann í vor. Valva Gísladóttir fer í
ársleyfi og sömuleiðis láta Jónína
Hjaltadóttir og Michael Jacques
af störfum. Enn vantar píanó-
kennara og kennara á tréblást-
urshljóðfæri en búið er að ráða
tvo kennara við skólann, þau
Maríu Gunnarsdóttur sem tekur
að sér forskólakennsluna auk
tónmenntakennslu í Dalvíkur-
skóla og Eirík Stephensen sem
kennir á málblásturshljóðfæri og
e.t.v. fleira. Eiríkur hefur undan-
farin ár stjórnað Lúðrasveit
Reykjavíkur svo ekki ætti að
vefjast fyrir honum að taka við
lúðrasveit Tónlistarskólans. Sú
sveit er skipuð krökkum af
Dalvík, Svarfaðardal, Árskógs-
strönd og Ólafsfirði og hefur eftir
tveggja vetra starf undir stjórn
Mikes Jacques náð undraverð-
um árangri. Mánudaginn 18. maí
fór sveitin í tónleikaferðalag til
Grímseyjar.
Fjölskylduhátíð hjá
SvarfdæUngum syðra
Samtök Svarfdælinga í Reykja-
vík og nágrenni stóðu fyrir
fjölskyldudegi sunnudaginn 17.
maí í Sóknarsalnum Skipholti.
Var þeim sem orðnir eru 67 ára
sérstaklega boðið til samkom-
unnar. Veitingar voru á borðum
og til skemmtunar var boðið upp
á söng fyrrverandi félaga úr
Karlakór Reykjavíkur undir
stjórn Snæbjargar Snæbjarnar-
dóttur. Þá var mættur til leiks
Haraldur Hjaltason með nikkuna
sína og þandi hana af kappi auk
þess sem Kári Gestsson lék undi
almennan söng. Hátt á annað
hundrað manns mættu til sam-
kom unnar og létu vel af sér.
Samtökin fyrirhuga nú að efna til
grillveislu í Saltvík á Kjalarnesi
laugardaginn 27. júní næstkom-
andi.