Veðráttan - 01.04.2006, Blaðsíða 1

ISSN 0258-3836
VEÐRÁTTAN 2006
MÁNAÐARYFIRLIT SAMIÐ Á VEÐURSTOFU ÍSLANDS
Apríl
Tíðarfar í apnl var nærri meðallagi á landinu, en þótti heldur kalt og rysjótt miðað við fimm næstu aprílmánuði
á undan, sem allir voru mcð hlýjasta móti. Snjór var talsverður sums staðar norðanlands framan af mánuðinum
en sólríkt suðvestanlands. Sólskinsstundir í Reykjavík mældust 220 og er það 80 stundum umfram meðallag.
Ekki hefur oft verið sólríkara í Reykjavík í apríl, en þó var sólríkara í apríl árið 2000 og ámóta margar
sólskinsstundir og nú mældust bæði 1999 og 2001.1 lok mánaðarins voru tún lítið farin að grænka vegna rysjótts
tíðarfars.
Þ. 1. og 2. var hæð yfir Grænlandssundi og lægð langt suður og suðaustur af landinu. Hér á landi var
norðlæg átt, yfirleitt gola eða kaldi og dálítil él eða snjókoma norðan- og austantil á landinu, en annars léttskýjað.
Var 1. kaldasti dagur mánaðarins í heild, en lægsti hiti mánaðarins mældist á veðurstöð á Brúarjökli, -20,4 stig
aðfaranótt þ. 3., nóttina áður fór hiti niður í -17,8 stig á Torfum í Eyjafirði. Þ. 3. færðist hæðin suður fyrir land
og smálægð myndaðist við Vestfirði. Vindur var vestlægur með snjókomu og síðar éljum vestanlands, en þurrt
og bjart var austanlands. Þ. 4. dýpkaði lægðin við Vestfirði allhratt og það hvessti með rigningu um vestanvert
landið, og einnig um austanvert landið um nóttina. Þ. 5 snerist vindur í allhvassa norðvestanátt og sumstaðar
storm, það kólnaði og snjóaði norðanlands, en sunnantil féllu stöku él. Mesti vindhraði mánaðarins mældist á
Stórhöfða aðfaranótt þ. 6. 34,0 m/s. Þ. 6. og 7. var lægð fyrir austan land. Veður gekk niður á Vestfjörðum en
annars var áfram hvöss norðanátt og él, snjókoma eða skafrenningur. Þ. 8. lægði smám saman um allt land og
stytti upp að mestu. Síðdegis þ. 9. hlýnaði og hvessti af suðvestri þegar lægð kom inn á Grænlandshaf. Um
kvöldið og nóttina var sunnan stinningskaldi eða allhvasst með rigningu, en undir morgun þ. 10. snerist vindur
í allhvassa suðvestanátt með skúrum og austanlands létti til eftir hádegi.
Þ. 11. fór kröpp lægð austur yfir landið frá Vestfjörðum og var komin út af Langanesi um kvöldið. Það
kólnaði með allhvassri norðlægri átt og éljum, en suðaustanlands var léttskýjað. Þ. 12. og 13. voru lægðir suður
og austur af landinu. Vindur var yfirleitt norðanstæður og él norðan- og austanlands, en annars bjartviðri. Þ. 14.
fór lægð norður Grænlandshaf. Það hvessti og hlýnaði með austlægri átt og slyddu, fyrst suðvestanlands, en um
kvöldið snerist vindur í suðvestan kalda með skúrum suðvestantil, en norðanlands snjóaði. Þ. 15. var smálægð
suðvestur af landinu og vaxandi lægð skammt út af Norðausturlandi. Vindur var breytilegur og víða él, en um
kvöldið var komin allhvöss norðanátt. Næstu tvo daga var norðanátt, allhvöss á köflum og snjókoma eða él, en
þurrt og bjart suðvestantil. Þ. 18. til 20. var hægur vindur á landinu, en víða dálítil él, snjókoma eða skúrir og það
hlýnaði smám saman. Þ. 21. var lægð vestur af landinu á norðausturleið. Fyrst hvessti af suðri með rigningu um
allt land, en síðan snerist vindur í allhvassa eða hvassa suðvestanátt með skúrum. Um kvöldið lægði verulega. Þ.
22. voru lægðir fyrir austan landið. Um mestallt land var hvöss, norðlæg átt með éljum, en hægari og léttskýjað
suðaustanlands. Þ. 23. kom alldjúp lægð inn á Grænlandshaf. Fyrst var allhvöss sunnanátt og rigning um allt
land, en þegar skil lægðarinnar fóru yfir landið snerist vindur í hvassa suðvestanátt með éljum og norðaustanlands
létti til. Þ. 24. var lægðardrag út af Suðvesturlandi og því fylgdi suðlæg eða breytileg gola og kaldi. Stöku skúrir
eða él voru sunnanlands, en annars var þurrt. Þ. 25. fór lægðardragið austur með suðurströndinni. Vindur
snerist í norðvestan stinningsgolu með stöku éljum og vart varð við þrumur á Suðausturlandi. Dagana 26. til og
með 28. var hæð langt suður í haft, en hér á landi var aðgerðalítil vestlæg átt, milt og yfirleitt þurrt, en dálítil
þokumóða með suðvesturströndinni. Var 28. hlýjasti dagur mánaðarins að tiltölu. Hæsti hiti í mánuðinum mældist
á sjálfvirku stöðinni á Kollaleiru í Reyðarfirði, 19,7 stig þ. 28. Sama dag mældust 18,9 stig á mönnuðu stöðinni
á sarna stað. Þ. 29. fóru kuldaskil yfir landið frá vestri til austurs með sunnan stinningskalda og rigningu, en
þegar skilin voru farin hjá þ. 30. var hægari vestlæg eða breytileg átt og stöku skúrir um vestanvert landið og
úrkomulítið austanlands.
Loftvægi var 10,0 hPa undir meðallagi áranna 1971-2000, frá 8,5 hPa undir í Kvk, að 11,7 hPa undir á Dt.
Hæst stóð loftvog í Vm þ. 28. kl 3, 1028,9 hPa, og lægst var hún í Vm þ. 24. kl. 21, 972,7 hPa.
Vindáttir: Norðan-og norðvestanátt var algengari en í meðallagi áranna 1971-1980 en austanátt var fátíðari
en í meðallagi og logn var einnig fátíðara.
(25)