Feykir - 06.02.2014, Blaðsíða 3
05/2014 Feykir 3
Lesið í skóginn - tálgað í tré
Farskólinn
Um helgina hélt Skógræktin námskeiðið Lesið
í skóginn – tálgað í tré á Sauðárkróki í
samvinnu við Farskólann - Miðstöð
símenntunar á Norðurlandi vestra. Þar
kynntust þátttakendur því að tálga í ferskan
við með ólíkum hnífum og öxum og lesa í form
og eiginleika einstakra viðartegunda.
Unnið var með skeftingu ýmiss konar
áhalda, lært að kljúfa við, tálga smjörhnífa,
steikarspaða, ausur og sleifar til heimilisnota.
Notaður var viður úr birki, lerki, gljávíði,
viðju, ösp, stafafuru, aski, körfuvíði, blágreni
og sitkagreni.
Úr þessu lærðu þátttakendur að vinna
krúsir, skóhorn og ýmis konar snaga til nota
innanhúss eða utan sem blómahengi, fata-
hengi eða fyrir verkfæri eða áhöld. Sumir
gerðu göngustafi og aðrir létu sköpunarand-
ann koma sér í núvitund með því að láta
efniviðinn ráða för.
Konukvöld NFNV
Kætin við völd
Það ríkti mikil kátína á vel
sóttu konukvöldi sem
Nemendafélag FNV stóð fyrir
á miðvikudaginn í síðustu
viku. Stúlkur úr 10. bekk og
Fjölbrautaskólanum
fjölmenntu ásamt mæðrum
og fleiri konum og skemmtu
sér vel undir veislustjórn
Siggu Klingenberg.
Boðið var upp á óáfengan
kokteil og léttar veitingar og
einnig flutti Ása Svanhildur
Ægisdóttir tónlistaratriði.
Óhætt er að segja að Sigga hafi
farið á kostum og hélt hún uppi
feiknarstemmingu í salnum
allan tímann.
Gestir lögðu líka sitt af
mörkum og tóku virkan þátt í
fjörinu með Siggu, m.a. strákar
úr stjórn nemendafélagsins
sem voru einu karlmennirnir á
svæðinu. /KSE
Sigga Kling afhendir einum af gestum Konukvöldsins happdrættisvinning.
Aflahornið 26. janúar - 1. febrúar 2014
Tæp 200 tonn að landi
Í viku 5 var landað rúmum 84 tonnum á
Skagaströnd, tæpum 14 tonnum á Hofsósi, 83
tonnum á Sauðárkróki og rúmum fjórum
tonnum á Hvammstanga. Alls gera þetta um
185 tonn á Norðurlandi vestra, sem er um 40
tonnum minna en í síðustu viku. /KSE
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Harpa HU-4 4.359
Alls á Hvammstanga 4.359
Alda HU-112 Landb.lína 15.430
Arney HU-36 Lína 17.097
Blær HU- Landb.lína 7798
Dagrún HU-121 Net 1.858
Guðmundur á Hópi Handfæri 18.808
Guðrún Petr. GK-107 Landb.lína 4.656
Háey ÞH-275 Lína 15.202
Lágey ÞH-265 Lína 5.536
Sæfari HU-200 Landb. lína 5.455
Alls á Skagaströnd: 84.840
Ásmundur SK-123 Landb.lína 5.113
Skáley SK-32 Landb.lína 8.581
Alls á Hofsósi 13.694
Hafborg SK-54 Þorskfisknet 3.057
Klakkur SK-5 Botnvarpa 75.678
Már SK-90 Rauðmaganet 739
Nona SK-141 Landb.lína 2.222
Vinur SK-22 Handfæri 1.849
Alls á Sauðárkróki 83.545
Útrás í Eyjafjörð
og Borgarfjörð
Vinaliðaverkefnið í Skagafirði
Vinaliðaverkefnið, sem
starfrækt hefur verið í
skagfirskum skólum á
annað ár, er nú í útrás.
Árskóli á Sauðárkróki er
móðurskóli fyrir verkefnið
og hafa þeir Gestur Sigur-
jónsson og Guðjón Jóhanns-
son haldið leikjanámskeið
víðsvegar um landið í tengsl-
um við það. Á dögunum var
haldið námskeið á Þelamörk
sem m.a. var fjallað um á N4
og einnig var haldið nám-
skeið í Borgarnesi.
Báru námskeiðin bæði
verkefninu og þeim félögum
gott vitni, eins og sagt er frá á
heimasíðu Árskóla. /KSE
Heimsóttu Glaumbæ
í tilefni Þorrans
Þorrablót Varmahlíðarskóla
var í fyrradag. Þá mættu allir í
gamaldags fötum og voru
þjóðlegir „ í húð og hár“,
eins og segir á vef skólans.
Þorralög voru sungin og
þorramatur borðaður í
hádeginu.
Nemendur í 3. og 4. bekk
heimsóttu einnig safnið í
Glaumbæ í tilefni dagsins. „Þau
ætluðu svo að snæða ramm-
íslenskan súran, þurrkaðan,
kæstan, saltan og hanginn mat í
hádeginu. Alltaf er gaman að fá
hresst fólk í heimsókn og ekki
voru þau bangin við matinn sem
var í vændum,“ segir á fésbókar-
síðu safnsins, þaðan sem
meðfylgjandi mynd er fengin.
Nemendur Varmahlíðarskóla
Þátttakendur voru tólf; úr Skagafirðinum,
frá Skagaströnd og úr Langadal. Leiðbeinandi
var Ólafur Oddsson, verkefnisstjóri LÍS. /KSE
Ásta Ragnarsdóttir beitir öxi og hamri á námskeiðinu.
Mynd: af heimasíðu Árskóla
Nemendur úr 3. og 4. bekk Varmahlíðarskóla í heimsókn í Glaumbæ. Mynd: BSk.
Í iðnkynningu í FNV
Í nokkur ár hefur FNV boðið
elstu nemendum grunnskól-
anna á Norðurlandi vestra upp
á helgarnám í iðnkynningu.
Námið fer þannig fram að
nemendur mæta tvær helgar
yfir veturinn og fá innsýn í
mismunandi iðnnám sem í boði
er við skólann. Námið er síðan
metið sem valgrein í grunn-
skólunum.
Nemendur fá einnig gistingu
á heimavist FNV og kynnast því
heimavistarlífinu af eigin raun.
Um síðustu helgi voru nemend-
ur úr 9. og 10. bekk Húnavalla-
skóla í iðnkynningu og höfðu
bæði gagn og gaman af. /KSE
Nemendur Húnavallaskóla
Nemendur úr MTR
Þegar blaðamaður Feykis
átti leið í Fljótin fyrir rúmri
viku urðu á vegi hans
nokkrir nemendur úr
Menntaskólanum við
Tröllaskaga.
Dvaldi hópurinn á
Bjarnargili í Fljótum við
æfingar í ísklifri, klettaklifri,
sigi og ýmsu því tengdu.
Leiðbeinandi hópsins var
Rúnar Gunnarsson. Fram
kemur á heimasíðu MTR.is
að þau hafi fengið góðar
móttökur á Bjarnargili og að
þau hafi notað laugardaginn í
að klifra, síga og ýmislegt
fleira. /KSE
Æfðu
klifur og sig
í Fljótum