Feykir - 21.08.2014, Side 6
6 Feykir 31/2014
Sigur á Haukastúlkum
1. deild kvenna : Tindastóll - Haukar 2-0
Meistaraflokkur kvenna hjá
Tindastóli tók á móti liði
Hauka á Sauðárkróksvelli sl.
sunnudag. Markalaust var í
hálfleik en Hrafnhildur
Björnsdóttir kom Tindastóls-
stúlkum yfir með marki á 47.
mínútu.
Ólína Sif Einarsdóttir bætti
svo við öðru marki fyrir Tinda-
stól á 67. mínútu. Kristján Guð-
berg Sveinsson þjálfari Hauka-
stúlkna fékk svo að líta rauða
spjaldið á 75. mínútu og var
sendur upp í stúku. Lokatölur 2-0
fyrir Tindastólsstúlkum.
Tindastólsstúlkur eru nú 5.
sæti riðilsins með 18 stig eftir 14
leiki. Haukar eru í 4. sæti með 20
stig eftir 15 leiki. Næsti leikur hjá
Tindastól er föstudaginn 22.
ágúst, en þá taka stelpurnar á
móti liði BÍ/Bolungarvíkur á
Sauðárkróksvelli kl. 18:30. /GSG
ÍÞRÓTTAFRÉTTIR
Ármann og Daníel fóru
með sigur af hólmi
Fyrsta vallarmótið í bogfimi
Laugardaginn 16. ágúst sl.
var haldið fyrsta vallarmótið í
bogfimi á Íslandi. Mótið fór
fram í Litla-skógi á Sauðár-
króki og voru keppendur alls
níu talsins, tveir úr Skagafirði,
tveir frá Akranesi og fimm úr
Reykjavík.
Mótið var haldið samkvæmt
IFAA (International Field
Archery Association) staðli, en
Bogveiðifélag Íslands er aðili að
Bogveiðisambandi Evrópu sem
er næststærsta bogveiðisamband
í heimi.
„Veðurguðirnir voru ekki
alveg með okkur, en veðurspáin
var alltaf að breytast á hverri
mínútu. Mótið átti að byrja kl. eitt
en þá kom einmitt hellidemba
svo það tafðist til svona hálf þrjú,“
segir Indriði Ragnar Grétarsson,
formaður Bogveiðifélags Íslands.
Leikfyrirkomulagið var með
einföldum hætti en keppt var í
tveimur flokkum og svo voru
nokkrir undirflokkar. Það var
Ármann Guðmundsson sem
sigraði í flokki boga án sigtis og
Daníel Sigurðsson sem sigraði í
flokki boga með sigti.
„Þetta er sú tegund bogfimi
sem er hvað vinsælust á meðal
almennings og þeirra sem stunda
íþróttina, meðal annars í Bret-
landi, Bandaríkjunum og víða í
Evrópu. Það er það að vera bara
úti í náttúrunni og skjóta á mörk
sem eru í mismunandi fjarðlægð,
skjóta upp eða niður, í gegnum
skóg eða runna eða hvað sem er.
Er meira krefjandi,“ segir Indriði.
Indriði segir keppendurna
ánægða með það hvernig mótið
var sett upp og allir hafi þeir
hrósað Litla-skógi, enda
aðstæðurnar þar góðar. Mótið
hafi tekist ágætlega vel til þó
veðurguðirnir hafi sett smá strik í
reikninginn. Hann vill að lokum
þakka öllum þeim sem sáu sér
fært að mæta og vonast til að
þetta verði alltaf stærri og stærri
viðburður, en bogfimi sem heild
er með mest vaxandi íþrótta-
greinum hér á landi og víðsvegar
í Evrópu. /GSG
Blóðugir og allsberir
á reykfylltu sviðinu
Gamlir paunk-hundar og elektró-artistar, thrash-metalhausar og
útbýaðir svartamálms áhangendur
Norðanpaunk hátíðin var haldin í fyrsta
skiptið á Laugarbakka um
verslunarmannahelgina. Aðsóknin á hátíðina
var góð og á laugardeginum þurftu
aðstandendur hátíðarinnar að senda út
tilkynningu því ekki var hægt að taka við
fleiri gestum. Feykir hafði samband við Árna
Þorlák Guðnason, einn af skipuleggjendum
hátíðarinnar.
Árni Þorlákur segir Norðanpaunk ævintýrið
búið að vera frábært ferðalag. Alveg frá því að
nokkrum vitleysingjum datt í hug að smala
skrýtnustu og erfiðustu hljómsveitum landsins
norður yfir heiðar um verslunarmannahelgi og
þangað til að síðustu dósirnar voru týndar upp á
tjaldstæðinu. „Strax í janúar vorum við komin
með fleiri hljómsveitir sem vildu taka þátt en
við gátum komið fyrir á dagskránni. Þar á
meðal tvær hljómsveitir frá Belgíu, þrjár frá
Þýskalandi, eina frá Hollandi auk vina okkar í
Mass frá Bretlandi sem reyndar eru búsettir hér.
Við héldum þónokkra fjáröflunar/
upphitunartónleika í Reykjavík um vorið,
aðallega á rokkbarnum Dillon, til að standa
straum af kostnaði við hátíðina og vorum mætt
á Laugarbakka á miðvikudeginum fyrir
verslunarmannahelgina til þess að stilla upp og
gera tilbúið. Okkur til ánægulegrar undrunar
voru fyrstu gestirnir mættir strax á fimmtudegi
en þeir einfaldlega slógust í hópinn með okkur
við að undirbúa. Þetta var lýsandi fyrir
stemninguna á svæðinu þegar hljómsveitir og
gestir komu á staðinn á föstudeginum. Gamlir
paunk-hundar og elektró-artistar, thrash-
metalhausar og útbýaðir svartamálms
áhangendur; allir lögðust á eitt við að hátíðin
væri þátttakendum og gestum til framdráttar,“
segir Árni Þorlákur.
Skipuleggjendur hátíðarinnar lögðu mikið
uppúr því að hafa tónlistina í fyrsta sæti, en ekki
eitthvað peningaplokk og höfðu þeir það að
leiðarljósi að það væru fyrst og fremst
hljómsveitameðlimir sjálfir og vinir þeirra sem
stæðu að undirbúningi og framkvæmd
tónleikanna. Árni Þorlákur segir gesti
hátíðarinnar að utan hafa haft orð á því hversu
mikill munur væri að spila á Norðanpaunki
miðað við aðrar tónlistarhátíðir sem þeir hafi
tekið þátt í. Fólk væri svo miklu hjálpsamara og
utanumhald betra en þau ættu að venjast, en
Árni telur að það stafi einmitt af því að
skipulagið hafi verið byggt upp af
hljómsveitarmeðlimum sjálfum sem dreifðu
ábyrgðinni sín á milli.
„Á föstudeginum var megin áherslan á paunk
af gamla skólanum og enduðu Pungsig og
Saktmóðigur kvöldið ásamt því sem að
villingarnir í Chainsaw Demons frá Bremen
enduðu blóðugir og allsberir á reykfylltu
sviðinu. Laugardagurinn var þéttsetinn
djöflarokkshljómsveitum á borð við Auðn,
Dynfara, Norn og fl. en kvöldið endaði á
Hardcore setti frá Logn, Muck og belgískum
vinum okkar í Deathseekers. Eitt af því sem kom
hvað skemmtilegast á óvart um helgina var svo
að sjá þennan litríka hóp dansa við DJ sett
Harry Knuckles fram á rauða nótt.
Sunnudagurinn var fjölbreyttasta kvöldið þar
sem á skiptust m.a. paunkararnir í Klikk og
vítamínsprauturnar í Skelkur í bringu. Hátíðina
endaði svo noise-ambient artisti frá Berlín sem
gengur undir nafninu Rvnes,“ segir Árni
Þorlákur.
Aðstandendur Norðanpaunks vilja þakka öllum
þeim sem lögðu sitt af mörkum við undirbún-
inginn og að gera hátíðina eins glæsilega og hún
var. Þeir sem vilja kynna sér Norðanpaunk betur
eða skoða myndir frá hátíðinni er bent á
www.facebook.com/nordanpaunk.
/GSG
Regnblautir bogfimikeppendur.
Taktu þátt í að gera Feyki enn skemmtilegri
Lumarðu
á frétt?
Feykir er frétta- og dægurmálablaðið á Norðurlandi vestra