Feykir - 22.04.2015, Blaðsíða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
15
TBL
22. apríl 2015 35. árgangur
Frétta- og dægurmálablað á Norðurlandi vestra : Stofnað 1981
Listgrein að raða bútunum saman
Í komandi Sæluviku verður
haldin bútasaumssýning í
Kakalaskála á Kringlumýri í
Blönduhlíð. Um er að ræða
sýningu sjö vinkvenna sem
hafa í tuttugu ár haldið
hópinn í öflugum
bútasaumsklúbb sem þó
hefur aldrei hlotið neitt
nafn. Um er að ræða
sýningu á munum sem allir
eru í einkaeign.
Þennan skemmtilega vinkvenna-
hóp mynda sjö konur; Anna
Kristinsdóttir á Hjalla í Blöndu-
hlíð, Anna Pála Þorsteinsdóttir á
Sauðárkróki, Helga Friðbjörns-
dóttir í Varmahlíð, Ingibjörg
Sigfúsdóttir í Álftagerði, María
Guðmundsdóttir á Kringlumýri,
Svanhildur Pálsdóttir á Stóru-
Ökrum og Þórdís Friðbjörns-
dóttir í Varmahlíð. „Við misstum
tvær góðar klúbbkonur til
Reykjavíkur þær Önnu Siggu
Hróðmarsdóttur og Ingu Guð-
bjartsdóttur, en sem betur fer
heimsækja þær okkur við og við.
Við höfum haldið hópinn ansi
lengi eða í tuttugu ár,“ sögðu þær
stöllur í samtali við Feyki nú í
vikunni. Þessi sýning er því í
raun afmælissýning og er þetta
er í annað sinn sem hópurinn
heldur sýningu. Árið 2005 voru
þær með sýningu í Minjahúsinu
á Sauðárkróki, sem tókst að
þeirra sögn mjög vel.
„Upphaf klúbbsins má rekja
til þess að við fórum allar á
bútasaumsnámskeið til Helgu
sem var lengi handmennta-
Bútasaumssýning í Kakalaskála
kennari í Varmahlíðarskóla.
Allar kolféllum við fyrir bútun-
um svo ekki varð aftur snúið,
höfum haldið hópinn síðan með
Helgu sem guðmóður klúbbsins.
Það er nauðsynlegt að vera í
svona félagsskap, hann gefur svo
mikið. Oft fer mikill tími hjá
okkur í að ráðlegga hver annarri,
skoða og meta o.s.frv. Við höfum
líka farið saman á mörg búta-
saumsnámskeið, ekki hvað síst á
Löngumýri, hjá Kristrúnu Geirs-
dóttur sem rak Quiltbúðina á
Akureyri. Kristrún, sem því
miður féll frá fyrir skömmu,
langt um aldur fram, var mikill
eldhugi í þessu fagi og átti
auðvelt með að hrífa konur með
sér. Við minnumst hennar með
miklu þakklæti,“ segja þær
stöllur.
„Gegnum árin erum við
búnar að sauma æðimikið en
trúlega eigum við minnst af því
sjálfar, oftast er stykkið gefið um
leið og það er tilbúið, það er svo
skemmtilegt.“ Sýningin opnar á
sumardaginn fyrsta, 23. apríl og
verður opin frá kl. 14-17, dagana
23.-26. apríl; 1.–3. maí og 9.–10.
maí. Einnig er hægt að hafa
samband við Maríu í síma
8658227 ef annar tími hentar
fólki betur. Sýningin verður í
Kakalaskálanum, sem ein úr
hópnum, María, á ásamt eigin-
manni sínum, Sigurði Hansen.
„Skálinn er skemmtilegur sýn-
ingarsalur og það er búið að vera
mjög gaman að setja sýninguna
upp þar,“ segja vinkonurnar.
„Oft höfum við verið spurðar
af því hvernig okkur detti í hug
að klippa efni sundur og sauma
þau saman aftur en það er nú
einmitt galdurinn við bútasaum,
að sjá hvað úr verður þegar
efnisbútum er raðað saman á
breytilegan hátt. Þetta er í raun
listgrein, það sáum við svo
sannarlega á stórri bútasaums-
sýningu í Birmingham fyrir
nokkrum árum. Þar er árlega
haldin ein stærsta bútasaums-
sýning sem fyrirfinnst. Þarna
mættu konur í þúsundatali og
eyddu mörgum dögum í að
skoða verk sem komu hvaðan-
æva að úr heiminum. Það var
hrein upplifun fyrir okkur að
fara þangað og sjá hvað er hægt
að gera. Þarna gaf á að líta
ótrúleg listaverk sem maður
hafði varla hugmyndflug til að
ímynda sér að hægt væri að búa
til, allt úr efnisbútum. Ferðin
varð að sjálfsögðu mikill
innblástur fyrir okkur og nú
erum við farnar að skima í kring-
um okkur eftir næstu stór-
sýningu. Það eru allir velkomnir
á sýninguna og gaman að sjá
sem flesta,“ segja vinkonurnar
að lokum.
/KSE
Sæluvika2015
O P N U N A R H Á T Í Ð
SÆLUVIKA SKAGFIRÐINGA 26. APRÍL – 2. MAÍ
Sæluvika Skagfirðinga verður sett í Húsi frítímans
við Sæmundargötu á Sauðárkróki sunnudaginn 26. apríl kl. 14:00.
D A G S K R Á
Setningarávarp
Tónlistaratriði
Úrslit í Vísnakeppni
Safnahúss Skagfirðinga kynnt
ALLIR VELKOMNIR
1
LISTA- OG MENNINGARHÁTÍÐ Í SKAGAFIRÐI
26. apríl – 2. maísæluvika
2015
Ert þú ekki
búin/n að fá
Sæluviku-
dagskrána?