Feykir - 27.08.2015, Blaðsíða 4
4 32/2015
Taktu þátt í að gera Feyki enn skemmtilegri
Lumarðu
á frétt?
Feykir er frétta- og
dægurmálablaðið
á Norðurlandi vestra
ÍÞRÓTTAFRÉTTIR FEYKIS
Dagana 16.-22. ágúst var rúmum 228 tonnum landað á Skagaströnd. Þá var landað tæpum 75
tonnum á Hofsósi, rúmum sex tonnum á Hvammstanga og 691 tonnum á Sauðárkróki. Alls gera
þetta um 1.094 tonn á Norðurlandi vestra. /KSE
Aflatölur 16. - 22. ágúst
75 tonnum landað á Hofsósi
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HVAMMSTANGI
Harpa HU 4 Dragnót 6.136
Alls á Hvammstanga 6.136
SKAGASTRÖND
Alda HU 112 Landbeitt lína 2.254
Bergur sterki HU 17 Landb.lína 2.957
Dúddi Gísla GK 48 Lína 12.929
Eydís HU 344 Handfæri 5.080
Grímsey ST 2 Dragnót 3.201
Guðmundur á Hópi Landb.lína 7.151
Hafrún HU Dragnót 6.090
Katrín GK 266 Landb.lína 19.021
Kristbjörg SH 112 Lína 18.583
Kristinn SH 812 Landb.lína 36.959
Maggi Jóns ÍS 38 Handfæri 4.438
Magnús HU 23 Handfæri 11.681
Muggur HU 57 Landb.lína 14.696
Ólafur Magnússon Handfæri 3.807
Óli á Stað GK 99 Lína 51.170
Stella GK 23 Landb.lína 9.532
Sæfari HU 200 Landb.lína 145
Vestri BA 63 Rækjuvarpa 19.075
Alls á Skagaströnd 228.769
HOFSÓS
Ásmundur SK 123 Landb.lína 1.911
Bíldsey SH 65 Lína 35.578
Geisli SK 66 Línutrekt 4.824
Þorleifur EA 88 Dragnót 32.114
Alls á Hofsósi 74.427
SAUÐÁRKRÓKUR
Bryndís SK 8 Handfæri 4.999
Fannar SK 11 Lína 4.745
Gammur II SK 120 Handfæri 1.748
Hafborg SK 54 Þorskfisknet 5.552
Klakkur SK 5 Flotvarpa 89.497
Málmey SK 1 Botnvarpa 193.746
Nordvag SK 54 Rækjuvarpa 386.253
Óskar SK 13 Handfæri 5.050
Alls á Sauðárkróki 691.590
Varstu eða varstu ekki -
enginn held ég þar til þekki,
höfundurinn heiðurskrýndi,
hiklaus máls ég á því vek,
hann sem leiki sína sýndi
og sjálfur í þeim lék?
Ég verð að spyrja – varstu hann,
eða nafn fyrir annan mann?
Varstu eða varstu ekki -
glatast margt við gleymskuhlekki,
sá er frægður er af öllum,
orðstír hefur bestan gist,
hann sem átti í anda snjöllum
ótrúlega mikla list?
Ég verð að spyrja – varstu hann,
eða nafn fyrir annan mann?
Rúnar Kristjánsson
SHAKESPEARE:
AÐSENT RÚNAR KRISTJÁNSSON
Tindastólsstúlkur sátu eftir
þrátt fyrir sigur á Hömrunum
Bragðdauf frammistaða Stólanna í fallbaráttunni
Mfl. kvenna Mfl. karla
Síðustu leikirnir í C-riðli 1.
deildar kvenna fóru fram
síðastliðið föstudagskvöld.
Völsungur Húsavík hafði fyrir
löngu tryggt sér sigurinn í
riðlinum og voru þar með
komnar í úrslitakeppni um
sæti í efstu deild. Baráttan
um annað sæti riðilsins og
sömuleiðis þátttöku í
úrslitakeppninni stóð á milli
Tindastólsstúlkna og
Fjarðabyggðar.
Fjarðabyggð hafði skotist upp
fyrir Stólana í riðlinum með sigri
á Sauðárkróksvelli fyrr í
mánuðinum og var með þriggja
stiga forskot fyrir lokaumferðina.
Þær spiluðu við Sindra á
heimavelli sínum á
Norðfjarðarvelli en Tindastóll
sótti Hamrana heim í Bogann á
Akureyri.
Lið Hamranna náði foryst-
unni um miðjan fyrri hálfleik
með marki Andreu Daggar
Kjartansdóttur og hafði for-
ystuna í hálfleik. Ólína Sif
Einarsdóttir jafnaði metin á 60.
mínútu og á 84. mínútu gerði
Laufey Rún Harðardóttir, sem
vanalega er í markmannsbún-
ingnum en ekki í þetta skiptið,
sigurmark Stólastúlkna. Loka-
tölur 1-2.
Á sama tíma sigraði hinsvegar
lið Fjarðabyggðar gesti sína frá
Hornafirði með sömu markatölu
og skildi því lið Tindastóls eftir
með sárt ennið. Frammistaða
Stólastúlknanna í sumar var
alveg ágæt en liðið var lengst af í
öðru til þriðja sæti riðilsins. Þær
náðu ágætum úrslitum gegn
Völsungi sem vann alla leiki sína
í riðlinum nema heimaleikinn
gegn Tindastóli. Lið Fjarða-
byggðar hafði hinsvegar tak á
Tindastólsliðinu, vann báða leiki
liðanna og það varð dýrkeypt.
Akkilesarhæll liðsins í sumar var
sóknarleikurinn og þá aðallega
að koma boltanum í mark
andstæðinganna. /ÓAB
Tindastóll og Sindri frá Höfn í
Hornafirði mættust í
fallbaráttuslag í 2. deild
karla á Sauðárkróksvelli sl.
laugardag. Leikmenn buðu
upp á leik í takt við veðrið –
þokudrunga og stillu – þrátt
fyrir mikilvægi leiksins fyrir
bæði lið. Lokatölur urðu 1-1
sem gerði lítið fyrir liðin og
þó sérstaklega Stólana sem
þurfa nauðsynlega að sækja
stig.
Fjarðabyggð hafði skotist upp
Það var fátt um fína drætti í fyrri
hálfleik en gestunum hélst þó
betur á boltanum. Leikmönnum
Tindastóls gekk illa að hemja
boltann og spilið var ákaflega
dapurlegt. Undir lok hálfleiksins
fengu Hornfirðingar þó upplagt
færi en settu boltann rétt
framhjá.
Tindastólsmenn mættu
ferskir inn á völlinn fyrir síðari
hálfleik, staðráðnir í að láta
sverfa til stáls, og Haukur
Eyþórsson átti efnilegt skot
strax í upphafi sem sveif yfir
markvinkilinn. Eftir það tóku
gestirnir hreinlega öll völd á
vellinum og Stólarnir komu
boltanum varla yfir miðju nema
með tilgangslitlum lang-
spyrnum. Blönduósingurinn
Kristinn Snjólfsson kom bolt-
anum í mark Stólanna með
glæsilegu skoti en hafði lagt
boltann fyrir sig með hendinni
þannig að markið stóð ekki.
Skömmu síðar var annar
Blönduósingur á ferðinni,
Hilmar Kárason, og hann náði
að dúndra boltanum í mark
Tindastóls og gestirnir komnir
með forystuna. Eftir þetta þéttu
Sindramenn pakkann og færðu
sig aðeins aftar. Stólarnir fengu
því að láta boltann ganga aðeins
en komust lítt áleiðis gegn vörn
Sindra. Gestirnir fengu hins
vegar 2–3 færi til að gera út um
leikinn en Hlynur stóð sína vakt
í markinu og hélt Stólunum inni
í leiknum. Jöfnunarmark
Tindastóls kom því eins og
skrattinn úr sauðarleggnum á
85. mínútu. Jóhann Ólafsson
átti sendingu inn á teig þar sem
Haukur komst í boltann en
varnarmaður Sindra keyrði í
bakið á honum og framherjinn
lá í valnum. Ben Griffiths tók
vítið og skilaði boltanum af
öryggi í markið. Bæði lið reyndu
að tryggja sér sigur í lokin en
höfðu ekki erindi sem erfiði.
Lokatölur 1-1. Flestir leikmanna
Tindastóls áttu dapran dag og í
raun aðeins Bjarki Már og
Hlynur sem að áttu góðan leik.
Ekki er ólíklegt að leikmenn séu
stressaðir í botnbaráttunni og
það bitni á spilinu. Það er síðan
skarð fyrir skildi að í liðið
vantaði einn besta leikmann
síðustu um-ferða, Pál Sindra og
breiddin í Tindastólsliðinu er
ekki með þeim hætti að liðið
þoli að missa sína bestu menn.
Þá var Arnar Skúli meiddur og
sömuleiðis Konni og lítið við því
að gera. Stólarnir eru í 10. sæti,
stigi frá fallsæti, og alveg ljóst að
leik-menn verða að bretta upp
ermarnar og gera betur í næstu
leikjum. /ÓAB
Baldur og Aðalsteinn mæta grimmir til leiks
Rallý
Þriðja keppni ársins í
Íslandsmeistaramótinu í rallý,
Rally Reykjavík, fer fram 27.
- 29. ágúst. Þeir Baldur
Haraldsson og Aðalsteinn
Símonarson hafa yfirfarið
bifreið sína eftir hrakfarir í
síðustu keppni. Munu þeir
mæta grimmir til leiks, tilbúnir
í slaginn, eins og segir í
fréttatilkynningu.
Samkvæmt tilkynningunni
er keppnin í ár ein sú stærsta og
erfiðasta á tímabili rallöku-
manna og eru í ár eknir rúmlega
1.000 km á tæpum tveimur
sólarhringum, þ.a. um 300 á
sérleiðum. Hefst keppnin við
Perluna klukkan 16:00 á
fimmtudag og endar kl. 14:15 á
laugardag á sama stað. Verður
ekið víða, m.a. í nágrenni
höfuðborgarsvæðisins, farið
suður á land að Heklurótum og
á laugardaginn verður m.a. ekið
í Borgarfirði þegar farið verður
um Tröllháls og Kaldadal.