Feykir - 29.08.2013, Síða 4

4 Feykir 32/2013
Mikil er eftirvæntingin á
hverjum fimmtudegi eftir
Sjónhorninu. Ef ekki er
Sjónhorn vitum við ekki hvað
við eigum af okkur að gera.
Viðburðir sem eru á döfinni
fara fram hjá okkur þegar
Sjónhornið fer í frí.
Á dögunum kom hingað
hópur sem kallar sig Alþýðu-
óperuna og var hér með sýningu
á bráðskemmtilegri gaman-
óperu, Ráðskonuríki. Aðstand-
endur óperunnar ætluðu að
stóla á póstþjónustuna og sendu
frá sér dreifibréf og auglýsingu.
Dreifibréfið komst því miður
ekki til skila í öll hús, reyndar
bara í sirka annað hvert hús og
tilkynning um að pakkinn með
auglýsingunum barst ekki á rétt-
um tíma og fékkst ekki afgreidd-
ur nema fyrir mikla eftirgrennsl-
an á Póstinum.
Við vitum það öll sem sækj-
um tónleika hér í Skagafirði að
þeir eru svo sem ekkert of vel
sóttir (nema Heimir) og ekki er á
bætandi að ef fólk ætlar sér að
vera með viðburði, að ekki sé
hægt að koma upplýsingum til
skila nema með Sjónhorninu,
sem aldrei bregst að bera út í
hvert hús, en því miður fór í
sumarfrí (og lái þeim það eng-
inn). Póstþjónustan er eitthvað
sem við viljum stóla á.
Guðrún Jóhannsdóttir
Víðihlíð 19, Sauðárkróki
Hugleiðing um mikilvægi
póstþjónustunnar
FRÁ LESENDUM GUÐRÚN JÓHANNSDÓTTIR SKRIFAR
Aflahornið 18. -24. ágúst 2013
Rækja úr Barentshafi
Í vikunni sem leið var landað 48 tonnum á
Skagaströnd, tæpum níu tonnum á Hófsósi,
326 tonnum á Sauðárkróki og tæpum fimm
tonnum á Hvammstanga.
Green ice var með rækju úr Barentshafi fyrir
Dögun, en Klakkur og Nökkvi voru með
síðustu löndun á makríl. Klakkur fór út
síðastliðinn mánudag til veiða og er væntanlegur
til löndunar 2. september. /KSE
Ásmundur SK-123 Landb lína 4.046
Hafdís SI-131 Handfæri 1.779
Þorgrímur SK-27 Landb.lína 3.011
Alls á Hofsósi 8.836 kg
Green Ice NO-36 Rækjuvarpa 246.198
Hafborg SK-54 Þorskfisknet 1.014
Klakkur SK-5 Flotvarpa 58.651
Nökkvi ÞH-27 Flotvarpa 20.475
Alls á Sauðárkróki: 326.338 kg
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Bjartur í Vík HU-122 Handfæri 685
Dúddi Gísla GK-48 Handfæri 10.719
Guðbjartur SH-45 Handfæri 7.726
Hafrún HU-12 Dragnót 11.263
Húni HU-62 Handfæri 2.538
Muggur KE-57 Handfæri 8.206
Sædís Bára GK-88 Handfæri 2.136
Sæfari HU-200 Handfæri 1.635
Víkingur KE-10 Handfæri 3.025
Alls á Skagaströnd: 47.933
Harpa HU-4 Dragnót 4.684
Alls á Hvammstanga: 4.684
Nýr og bættur Árskóli
Starfsemi skólans undir eitt þak
Fyrir um ári síðan hófust
framkvæmdir við stækkun
húsnæðis Árskóla við
Skagfirðingabraut á
Sauðárkróki og sér nú loksins
fyrir endann á þeim. Með
stækkuninni kemst allt
skólahald undir eitt þak með
tilheyrandi hagræðingu fyrir
starfsfólk skólans en einnig
ætti rekstrarkostnaður fyrir
sveitarfélagið að lækka þegar
til lengri tíma er litið enda
áætlað að gamli barnaskólinn
verði ekki í reikningum
sveitarfélagsins þegar fram
líða stundir.
Nú er skólastarfið hafið en
skólinn var settur sl. þriðjudag
eftir að athöfninni hafði verið
frestað um nokkra daga meðan
endasprettur iðnaðarmanna
stóð yfir í húsnæðinu. Blaða-
maður kíkti á nýtt og breytt
húsnæði með Óskari G.
Björnssyni skólastjóra sl.
mánudag en þá var matsalurinn
nýi vígður er starfsfólki skólans,
iðnaðar- og tæknimönnum
sem komið hafa að verkefninu
sem og fólki frá Sveitarfélaginu
Skagafirði var boðið í kaffi.
Með þessum áfanga færist
öll starfsemi skólans undir eitt
þak og u.þ.b. 120 nemendur og
20 starfsmenn munu flytja sig í
nýtt starfsumhverfi þar sem
meginhluti húsnæðisins hefur
verið endurnýjaður sem og
skólalóðin.
-Leiðarljósið er að bygg-
ingin henti fyrir sveigjanlegt
skólastarf og skóla framtíð-
arinnar. Öll aðstaða nemenda
og starfsfólks verður miklu
betri, segir Óskar sem er afar
sáttur við breytingar og hvernig
til hefur tekist. Hann vonast þó
til þess að haldið verði áfram
með lokaáfangann og skólinn
verði þá fullbúinn með verk-
greinastofum, tónlistarskóla,
hátíðarsal og skólavistun. En
það verður líklega að bíða um
sinn.
Óskar segir erfitt að benda á
hvort eitt sé mikilvægara en
annað í framkvæmdinni eða
hver mesta breytingin að hans
mati muni verða. Allt sé þetta
mikilvægt starfinu.
-Umferðarmálin við skól-
ann hafa verið endurskipu-
lögð, skólalóðin verður girt og
mikið endurbætt. Yngsta stigið
fær rúmgóðar kennslustofur
með nýjum húsgögnum. Að-
staða unglingastigsins verður
allt önnur, bæði kennslurými
og aðstaða í frímínútum. Við
fáum nýtt eldhús og rúmgóðan
matsal. Vinnuaðstaða starfs-
manna hefur verið stórbætt.
Síðast en ekki síst fáum við
loksins fullbúið skólasafn sem
mun breyta miklu í skóla-
starfinu, segir Óskar.
Nýju skólastofurnar eru
staðsettar á þaki búningsklefa
íþróttahússins og hefur
vinnuheiti hinnar nýju álmu
verið í-álma. Óskar segir að
það hafi þótt óþjált í munni,
t.d. að fara að kenna í í-álmu en
þá kom ágætis lausn úr góðri
átt, segir Óskar.
-Sigurður Jónsson kom
með þá tillögu að þar sem
álman væri byggð á þaki eða
þekju, því væri tilvalið að nýja
álma væri nefnd Þekja. Og þeir
sem ynnu þar væru úti á Þekju
í jákvæðum skilningi þess orðs.
Árvistin sem rekinn er í
tengslum við Árskóla hefur
búið við þröngan kost
undanfarin ár í húsi sem
staðsett er á skólalóð við
Freyjugötu. Árvistin er ætluð
börnum í 1. - 3. bekk en þar
geta foreldrar komið börnum
sínum í vistun utan skólatíma
og hefur verið mikið notuð.
Stefnt er að því að flytja
starfsemi Árvistar í gömlu
félagsmiðstöðina í skólahúsinu
við Skagfirðingabraut í haust.
Tímasetning er óákveðin en
þangað til verður starfsemin á
sama stað og áður.
Óskar er þakklátur öllum
þeim sem hafa gert þessa
framkvæmd að veruleika og
vill koma sérstökum þökkum
til iðnaðarmannanna sem hafa
unnið að byggingunni í góðri
sátt við skólasamfélagið og fær
bygginganefnd skólans þakkir
fyrir metnað og dug frá Óskari.
-Þá vona ég að þessi fram-
kvæmd sé tákn um farsæla
framtíð og metnaðarfulla sýn
samfélags okkar í Skagafirði.
/PF
Óhætt er að segja að vel hafi tekist til við breytingar á Árskóla. Nýja álman hefur fengið nafnið Þekja
og eru þeir sem þar starfa sagði „úti á þekju“ í jákvæðum skilningi.
Úti á Þekju. Frá vinstri: Konráð Gíslason kennari, Óskar G. Björnsson skólastjóri, Ragnar Þ. Einars-
son húsvörður, Bergmann Guðmundsson kennari, Ásta B. Pálmadóttir og Stefán Vagn Stefánson
formaður byggðarráðs.