Landshagir - 01.11.2010, Page 82

Laun, tekjur og vinnumarkaður
LANDSHAGIR 2010 STATISTICAL YEARBOOK OF ICELAND 2010
3
82
Regluleg laun á almennum
vinnumarkaði 334.000 krónur
Regluleg laun á almennum vinnumark­
aði voru 334.000 krónur að meðaltali
árið 2009. Algengast var að regluleg laun
væru á bilinu 175.000 til 225.000 krónur
og var rúmlega fimmtungur launamanna
með laun á því bili. Regluleg laun full­
vinnandi launþega voru 366.000 krónur
á mánuði að meðaltali. Regluleg heildar­
laun voru 391.000 krónur að meðaltali og
heildarlaun voru 423.000 krónur. Greiddar
stundir voru að meðaltali 43,1 á viku.
Dreifing launa á almennum vinnumarkaði
hefur minnkað á milli ára en fjórðunga­
stuðull heildarlauna var 2,8 árið 2009 og
hafði lækkað úr 3,3 frá fyrra ári. Á árinu
mátti einnig greina breytta samsetn­
ingu vinnumarkaðar í gagnasafninu, til
dæmis dróst vægi byggingariðnaðar og
mannvirkja gerðar saman frá fyrra ári og
fór úr 14% í 8%.
Hlutfall starfandi aldrei mælst minna
Á árinu 2009 voru 180.900 á vinnumark­
aði. Af þeim voru 167.800 starfandi
en 13.100 án vinnu og í atvinnuleit.
Atvinnuþátttaka mældist 80,9%, hlut­
fall starfandi var 75,1% og atvinnuleysi
7,2%. Hlutfall starfandi hefur ekki mælst
minna en árið 2009 og atvinnuleysi ekki
verið meira frá því að reglulegar mælingar
Hagstofunnar hófust árið 1991. Á árunum
1991 til 2009 var atvinnuþátttaka og hlut­
fall starfandi mest meðal þeirra sem hafa
lokið háskólaprófi en minnst meðal fólks
með grunnmenntun eingöngu.
Heildarvinnutími karla hefur dregist
saman úr 51,3 klukkustundum árið 1991 í
43,8 klukkustundir árið 2009 en vinnutími
kvenna hefur haldist tiltölulega stöðug­
ur í kringum 35 klukkustundir. Hlutfall
kvenna í fullu starfi jókst frá árinu 1991
úr 51,6% í 63,1% árið 2009 en hlutfall karla
hefur verið í kringum 90%.
Heimilum sem fá greidda fjárhagsaðstoð fjölgar
Árið 2009 fengu 5.994 heimili fjárhags­
aðstoð sveitarfélaga og hafði heimilum
sem þáðu slíkar greiðslur fjölgað um 965
(16,1%) frá árinu áður og um 1.714 (40%)
frá 2007. Fjölmennasti hópurinn árið
2009 sem fékk fjárhagsaðstoð var sem
fyrr einstæðir barnlausir karlar (42,2%
heimila) og einstæðar konur með börn
(29,3% heimila).
Á heimilum sem fengu fjárhagsaðstoð árið
2009 bjuggu 10.427 einstaklingar eða 3,3%
þjóðarinnar, þar af voru 3.892 börn (17
ára og yngri) eða 4,8% barna á þeim aldri.
Árið 2007 bjuggu 7.997 einstaklingar eða
2,6% þjóðarinnar á slíkum heimilum, þar
af voru 3.284 börn eða 4,1% barna.