Landshagir - 01.11.2010, Page 317

LANDSHAGIR 2010 STATISTICAL YEARBOOK OF ICELAND 2010 317
Hagtölur um heilbrigðismál og félags­
vernd eru unnar úr gögnum frá ýmsum
stofnunum, heilbrigðisráðuneytinu,
félags­ og tryggingamálaráðuneytinu,
svo og frá sveitarfélögum. Hagstofan
tekur saman upplýsingar um útgjöld
til heilbrigðis mála samkvæmt uppgjöri
þjóðhags reikninga, en auk þess eru útgjöld
til félagsverndar reiknuð samkvæmt
NOSOSKO/ESSPROS­flokkunarkerfinu.
Útgjöld til félagsverndar
Útgjöld til félagsverndar 2008 námu 325,6
milljörðum króna eða 22,1% af lands­
framleiðslu. Til samanburðar námu þessi
útgjöld 21,6% af landsframleiðslu 2007
og 21,1% 2006. Um 40% af útgjöldum til
félagsverndar árið 2008 voru vegna slysa
og veikinda (heilbrigðismála). Til verk­
efna vegna öldrunar fóru rúmlega 22%
útgjaldanna. Þá vega útgjöld vegna örorku
og fötlun ar og sömuleiðis fjölskyldna og
barna þungt, en ríflega 13% útgjaldanna
runnu til hvors verkefnasviðs.
Vistrýmum fyrir aldraða fækkar
Í desember 2009 voru 3.369 vistrými fyrir
aldraða hér á landi. Af þeim voru 2.315
hjúkrunarrými á dvalar­ og hjúkrunar­
heimilum, 68,7% vistrýma. Dvalarrýmum
fækkaði um 45 og hjúkrunarrúmum
á sjúkrastofnunum fækkaði um 42
milli áranna 2008 og 2009. Liðlega
helming ur allra vistrýma aldraðra er á
höfuðborgarsvæðinu.
Rúmlega 3.000 manns bjuggu á stofnun­
um með vistrými fyrir aldraða í desember
árið 2009, þar af voru tæp 64% konur.
Rúmlega 9% 67 ára og eldri bjuggu á
stofnun um fyrir aldraða í desember 2009
og tæplega 23% 80 ára og eldri.
Fleiri heimili fá fjárhagsaðstoð
Árið 2009 fengu 5.994 heimili fjárhags­
aðstoð frá sveitarfélögum og hafði heimil­
um sem þáðu slíkar greiðslur fjölgað um
965 (16,1%) frá árinu áður. Fjölmennustu
hópar þeirra sem fengu fjárhagsaðstoð
árið 2009 voru sem fyrr einstæðir
barnlausir karlar (42,2% heimila) og
einstæðar konur með börn (29,3%
heimila).
Hjarta- og æðalyf algengustu lyfin en
söluverðmæti tauga- og geðlyfja mest
Á hverja 1.000 íbúa var mest selt af
hjarta­ og æðalyfjum árið 2009, en næst­
mest af tauga­ og geðlyfjum. Sama ár
var söluverðmæti tauga­ og geðlyfja
mest, 7.139 milljónir króna, og því næst
krabbameinslyfja, 4.227 milljónir króna.
17Heilbrigðismál og félagsverndHealth and social protection