Landshagir - 01.11.2010, Page 445

LANDSHAGIR 2010 STATISTICAL YEARBOOK OF ICELAND 2010 445
Alþjóðlegar hagtölur eru sóttar til
hagstofu Evrópusambandsins (Eurostat),
Sameinuðu þjóðanna og Efnahags­ og
framfarastofnunarinnar (OECD). Birtar
eru tölur um mannfjölda, efnahagsmál,
útgjöld hins opinbera og vinnumarkað.
Tölunum er ætlað að varpa ljósi á stöðu
Íslands í alþjóðlegu samhengi.
Mannfjöldi í heiminum 6,7 milljarðar
Mannfjöldi í heiminum er um 6,7 millj­
arðar. Fjölmennasta heimsálfan er Asía
en þar búa rúmlega fjórir milljarðar, um
60% jarðarbúa. Næstfjölmennasta heims­
álfan er Afríka með um 14% af íbúum
jarðar og þriðja í röðinni er Evrópa með í
kringum 11%. Kína er fjölmennasta land
heims með um 1,3 milljarða íbúa, Indland í
öðru sæti með rúmlega 1,1 milljarð íbúa og
Bandaríkin í þriðja sæti með rúmlega 300
milljónir.
Verðbólga mest á Íslandi af OECD-ríkjunum
Verðbólga á Íslandi var 12,4% frá apríl
2008 til apríl 2009, en það er mesta
verðbólga í ríkjum OECD. Hlutfall starf­
andi á aldrinum 15–64 ára í OECD­
löndunum er hæst á Íslandi, 84,2%, en
lægst í Tyrklandi, 44,9%. Atvinnuleysi
var mest á Spáni (11,4%) innan OECD en
minnst í Noregi (2,5%). Atvinnuleysi á
Íslandi var þriðja minnsta meðal ríkja
OECD (3,0%).
Útgjöld hins opinbera til mennta stofnana
hæst á Íslandi af OECD-ríkjunum
Útgjöld hins opinbera til menntastofnana
er 7,2% af landsframleiðslu hér á landi, en
það er hæsta hlutfall innan OECD­ríkjanna
þar sem meðaltalið er 4,9%. Útgjöld hins
opinbera til heilbrigðismála eru einnig há
á Íslandi eða 7,7% af landsframleiðslu, en
meðaltal ríkja OECD er 6,4%. Íslendingar
verja 16,9% af landsframleiðslu til félags­
mála en það er nokkuð lægra hlutfall en
víðast hvar í OECD­ríkjunum þar sem
meðaltalið er 20,6%.
23Alþjóðlegar hagtölurInternational statistics