Landshagir - 01.11.2011, Page 309

LANDSHAGIR 2011 STATISTICAL YEARBOOK OF ICELAND 2011 309
Hagtölur um heilbrigðismál og félags­
vernd eru unnar úr gögnum frá ýmsum
stofnun um, heilbrigðisráðuneytinu, félags­
og tryggingamálaráðuneytinu, svo og
sveitarfélögum. Hagstofan tekur saman
upplýsingar um útgjöld til heilbrigðismála
samkvæmt uppgjöri þjóðhagsreikninga,
en auk þess eru útgjöld til félagsvernd­
ar reiknuð samkvæmt NOSOSKO/
ESSPROS­flokkunarkerfinu.
Útgjöld vegna atvinnuleysis aukast verulega
Útgjöld til félagsverndar námu rúmum 380
milljörðum króna árið 2009, eða 25,3% af
landsframleiðslu. Þau hækkuðu verulega
frá árinu 2008 þegar þau námu 22% af
landsframleiðslu. Munar þar mestu um
útgjöld vegna atvinnuleysis sem hækkuðu
úr 5,4 milljörðum króna árið 2008 í 25,7
milljarða króna árið 2009. Þessi útgjöld
voru 1,7% af landsframleiðslu ársins, en
til samanburðar námu útgjöld vegna
atvinnuleysis 0,4% af landsframleiðslu árið
2008 og 0,2% árið 2007. Hlutur útgjalda
vegna atvinnuleysis var um 6,8% af heildar­
útgjöldum til félagsverndar árið 2009 en
var 1,7% árið 2008.
Heildarútgjöld til heilbrigðismála
9,3% af landframleiðslu
Heildarútgjöld til heilbrigðismála árið 2010
námu 142,5 milljörðum króna, eða 9,3% af
landsframleiðslu. Hlutur hins opinbera var
114,6 milljarðar króna, 80,4% af útgjöldun­
um, en hlutur einkaaðila 27,9 milljarðar.
Af heilbrigðisútgjöldum 2010 runnu um
54% til þjónustu sjúkrastofnana, þ.e.
sjúkrahúsa og hjúkrunarheimila, um 25%
til þjónustu við ferlisjúklinga, 18% til lækn­
inga­ og hjúkrunarvara fyrir ferlisjúklinga
og um 2,8% runnu til stjórnunar og
annarra heilbrigðisþátta.
Vistrýmum fyrir aldraða fækkar
Í desember 2010 voru 3.125 vistrými fyrir
aldraða hér á landi. Af þeim voru 2.217
hjúkrunarrými á dvalar­ og hjúkrunar­
heimilum, 70,9% vistrýma. Dvalarrýmum
fækkaði um 70 og hjúkrunar rúmum
á sjúkrastofnunum fækkaði um 98
milli áranna 2009 og 2010. Liðlega
helming ur allra vistrýma aldraðra er á
höfuðborgarsvæðinu.
17Heilbrigðismál og félagsverndHealth and social protection