Landshagir - 01.11.2011, Page 427

LANDSHAGIR 2011 STATISTICAL YEARBOOK OF ICELAND 2011 427
Eftir hverjar alþingiskosningar, sveitar­
stjórnarkosningar og forsetakjör gefur
Hagstofa Íslands út kosningaskýrslu
þar sem greint er frá fjölda kjósenda og
kosninga þátttöku, framboðum, kosninga­
úrslitum og kjörnum fulltrúum. Þá hefur
Hagstofan á sama hátt unnið skýrslur um
þjóðaratkvæðagreiðslur sem fram hafa
farið.
Hlutur kvenna í stjórnmálum eykst
Kosið var til Alþingis 25. apríl 2009. Við
kosningarnar voru 227.843 á kjörskrá,
71,4% landsmanna, og kosninga þátttaka
var 85,1%. Kosningaþátttaka kvenna
var 85,8% á móti 84,5% hjá körlum. Í
kosningun um buðu sjö stjórnmálasamtök
fram lista í öllum kjördæmum. Hlutfall
kvenna meðal kjörinna þingmanna var
42,9% en kjörnar voru 27 konur og 36
karlar. Aldrei fyrr hafa svo margar konur
verið kjörnar á þing, en þeim fjölgaði um
sjö frá kosningunum 2007.
Sveitarstjórnarkosningar fóru fram 29.
maí 2010 og náðu til allra 76 sveitarfélaga á
landinu. Í 58 sveitarfélögum með 99% kjós­
enda var bundin hlutfallskosning og þar
af var sjálfkjörið í fjórum sveitarfélögum
þar sem aðeins var borinn fram einn listi.
Kosning var óbundin í 18 sveitarfélögum
þar sem rúmt 1% kjósenda var á kjörskrá.
Kjósendur á kjörskrá fyrir sveitarstjórnar­
kosningarnar 2010 voru 225.855, 71,0%
landsmanna. Kosningaþátttaka var 73,5%.
Fjöldi frambjóðenda í sömu sveitarfélögum
var 2.846, þar af 1.513 karlar (53,2%) og
1.333 konur (46,8%). Í kosningunum var
fjöldi gildra atkvæða 154.899 en auðra og
ógildra 10.339, 6,3% greiddra atkvæða,
sem er hærra hlutfall en venja er. Alls voru
kjörnir 512 sveitarstjórnarmenn á landinu
öllu, 308 karlar (60,2%) og 204 konur
(39,8%). Hefur hlutfall kvenna af kjörnum
fulltrúum aldrei verið hærra, en það var
35,9% árið 2006.
22KosningarElections