Barnablaðið - 10.12.2017, Blaðsíða 4

BARNABLAÐIÐ4
Hvernig kom það til að þú ákvaðst að taka
þátt í Jólastjörnunni?
Af því að ég hef svo rosalega gaman af því að
syngja. Mig hefur langað til að taka þátt síðustu
tvö ár. Það heillar mjög mikið að fá að
koma fram á svona stóru sviði.
Og hvað átti maður að gera?
Ég sendi inn myndskeið af mér
að syngja. Ég ákvað að syngja
lagið Á annan stað úr leikritinu
Í hjarta Hróa hattar.
Mamma sagði mér svo að ég
væri kominn í úrslit ásamt 11
öðrum. Þannig að ég var að fara
að syngja í sjónvarpinu.
Voru margir sem tóku þátt?
Já, ég held að það hafi verið um 230 krakkar.
Hvað tók svo við?
Við áttum að syngja tvö lög í úrslitunum. Annað
varð að vera jólalag. Ég valdi Ég hlakka svo til
og Heyr mína bæn.
Hverjir eru dómarar í þáttunum?
Gunni Helga, Katrín Halldóra og sjálfur Bó.
Vissirðu alveg hvaða fólk þetta var?
Já, ég vissi alveg hver Björgvin var. Ég hafði
farið í prufur hjá Gunna Helga og ég hafði séð
Katrínu í Elly og Í hjarta Hróa hattar.
Hvenær verða svo stóru tónleikarnir?
Þeir verða sunnudaginn 10. desember kl. 17 og
21 og generalprufa um morguninn. Svo verða
tónleikar á mánudagskvöld kl. 21 og þriðjudags-
kvöld kl. 20. Tónleikarnir fara fram í Eldborg í
Hörpu í fyrsta skipti.
Hvað ætlar þú að syngja?
Lagið Dag einn um jólin, sem er
Someday at Christmas á ensku.
Hinar 11 jólastjörnurnarr
taka líka undir með mér. Við
komum svo öll fram í fleiri
atriðum, t.d. með Björgvini
Halldórs í laginu Nei, nei,
ekki um jólin.
Hvernig fréttir þú af sigrinum?
Gunni Helga var að lesa úr nýju
bókinni sinni í skólanum hjá okkur.
Það var búið að ákveða það með talsverð-
um fyrirvara þannig að það var algjör tilviljun.
Þegar hann var búinn að lesa kviknuðu ljósin
og Björgvin mætti á sviðið. Ég hoppaði upp á
svið og byrjaði að gráta. Þá tilkynnti hann að ég
yrði jólastjarnan. Mamma og pabbi og allir voru
þarna líka.
Og hvað tók þá við hjá jólastjörnunni?
Þá fór ég í hár og förðun og svo keyptum við þrjú
dress og fórum í myndatöku. Síðan fórum við að
skoða sviðið í Hörpu.
Hvernig ganga æfingar fyrir tónleikana?
Þær ganga vel. Við byrjuðum á þriðjudaginn og
það er æft á hverjum degi.
Ertu ekkert stressaður að stíga á svið í Hörpu?
Eiginlega ekki, kannski verður maður smá
stressaður þarna rétt fyrir en þetta verður bara
gaman.
Áttu þér einhvern uppáhaldssöngvara?
Mér finnst Ed Sheeran mjög flottur og líka Friðrik
Dór.
Hverjir koma fleiri fram á jólatónleikunum?
estgjafinn Björgvin Halldórs, Júníus Mey-
nt, Páll Óskar, Ragga Gísla, Svala, Jóhanna
uðrún, Katrín Halldóra, Gissur Páll, Sturla
las, Stefán Karl og Arnaldur Halldórsson. Svo
lar hinar jólastjörnurnar, karlakór, gospelkór,
arnakór, dansarar, leikhópur og fleiri og fleiri.
etta verður flott sýning og vonandi mæta sem
estir.
Áttu þér eitthvert uppáhaldsjólalag?
Þau eru nokkur, t.d. Ég hlakka svo til, Jólin
eru að koma, Dag einn um jólin, Ef ég nenni,
Þú komst með jólin til mín, Nei, nei, ekki um
ólin. Ég held að þetta séu þau helstu.
Arnaldur Halldórsson, 11 ára, er
Jólastjarnan 2017. Hann stóð uppi
sem sigurvegari úr rúmlega 200
krakka hópi og mun syngja með
Björgvini og félögum á Jólagest-
um á fernum tónleikum í Hörpu.
Arnaldur ætlar að verða söngvari,
dansari, leikari eða rappari þegar
hann verður stór. Barnablaðið hitti
þessa rísandi stjörnu í vikunni.
Myndir: Hari
„Kannski
verður maðu
r
smá stressað
ur
þarna rétt fy
rir en
þetta verður
bara
gaman.“
ÆFIR
BALLETT
OG RAPPAR
MEÐ PÖNDUNUM
G
va
G
At
al
b
Þ
fl
j