Morgunblaðið - 10.01.2018, Qupperneq 1

MIÐVIKUDAGUR 10. JANÚAR 2018
ÍÞRÓTTIR
Veigar Páll Gunnarsson Skórnir komnir á hilluna eftir 22 ára feril í meistaraflokki og þar af tíu ár
í atvinnumennsku. Sjöundi markahæstur af íslenskum atvinnumönnum erlendis frá upphafi. 3
Íþróttir
mbl.is
og færði mér fleiri valkosti,“ segir
Teitur, sem fór til að skoða aðstæður
hjá Kristianstad nú í desember.
Bærinn snýst um þetta lið
„Eftir þá dvöl var ég alveg heill-
aður. Þetta er geggjaður klúbbur og
frábær umgjörð í kringum allt
þarna. Keppnishöllin sjálf er alveg
sérstaklega flott. Þetta er alveg ein-
stakt og það hafa allir talað um það
hvernig bærinn snýst um þetta
handboltalið. Svo skemmir ekki fyrir
að vera í Meistaradeild Evrópu. Það
heillaði mig rosalega – að fá að reyna
mig á móti ennþá stærri og sterkari
leikmönnum,“ segir Teitur. Kristi-
anstad hefur átt sæti í Meistara-
deildinni síðustu ár, enda þrefaldur
Svíþjóðarmeistari.
Ólafur Guðmundsson er fyrirliði
Kristianstad og þeir Gunnar Steinn
Jónsson og Arnar Freyr Arnarsson
leika einnig með liðinu, svo Teitur er
fjórði Íslendingurinn. En má hann
reikna með stóru hlutverki strax?
„Albin Lagergren, aðalskyttan
hægra megin í sænska landsliðinu,
er á förum frá félaginu næsta sumar.
Þarna er hins vegar líka Norðmað-
urinn Stig-Tore Moen Nilsen, sem
er hrikalega góður. En leikjaálagið
hjá liðinu er svakalegt og maður
mun alltaf fá sinn spiltíma, og svo tel
ég mig alveg færan um að keppa við
hann um þessa stöðu,“ segir Teitur.
Teitur hefur farið á kostum í Olís-
deildinni í vetur og er þar marka-
hæstur með 107 mörk í 14 leikjum:
„Ég mun klára tímabilið með Sel-
fossi og við höldum okkar mark-
miðum óbreyttum. Við ætlum að
halda okkur í toppbaráttunni og
klára þetta tímabil með stæl.“
Andrea einnig í Kristianstad?
Andrea Jacobsen, fyrirliði Fjölnis
og landsliðskona, er kærasta Teits.
Samkvæmt heimildum Morgun-
blaðsins fer hún einnig út og gengur
í raðir úrvalsdeildarfélags sem einn-
ig ber nafn Kristianstad. Teitur vildi
ekki staðfesta það og sagði Andreu
samningsbundna Fjölni.
Markakóngurinn hafði
tug kosta að velja úr
 Teitur heillaðist af Kristianstad og samdi til 2020
Morgunblaðið/Hanna
Landsleikur Teitur Örn Einarsson tekur víti í leik með B-landsliði Íslands
gegn Japan í síðustu viku. Teitur varð markakóngur á HM U19-ára í fyrra.
HANDBOLTI
Sindri Sverrisson
sindris@mbl.is
„Ég hef verið í miklu sambandi við
félagið og hef farið út og skoðað að-
stæður hjá því. Eftir HM síðasta
sumar hafði ég úr rúmlega 10 fé-
lögum að velja, bæði í Danmörku og
Þýskalandi, og svo í Svíþjóð. Mér
leist langbest á Kristianstad,“ segir
Teitur Örn Einarsson, handknatt-
leiksmaður frá Selfossi, sem skrifað
hefur undir samning til tveggja ára
við Svíþjóðarmeistara Kristianstad.
Samningur Teits við Kristianstad
tekur gildi næsta sumar og hann
mun því klára leiktíðina með Selfossi
hér heima. Teitur, sem er 19 ára,
varð markakóngur HM U19-
landsliða í Georgíu síðasta sumar,
þar sem hann skoraði að meðaltali
9,5 mörk í leik. Eftir það var í raun
aðeins tímaspursmál hvenær hann
færi í atvinnumennsku:
„Það hjálpaði manni mjög mikið
Markahrókurinn Viðar Örn
Kjartansson var í aðalhlutverki
þegar Maccabi Tel Aviv vann
góðan 3:0-sigur á Maccabi Net-
anya í ísraelsku úrvalsdeildinni
í knattspyrnu í gær. Eftir sig-
urinn eru Viðar og félagar í 4.
sæti, en aðeins tveimur stigum
frá toppnum og nú átta stigum
á undan næsta liði, sem er ein-
mitt Maccabi Netanya.
Viðar skoraði tvö mörk í
leiknum og fiskaði andstæðing af velli með rautt
spjald snemma leiks. Hann nýtti þó ekki víta-
spyrnu sem dæmd var við sama tækifæri.
Viðar örlagavaldur
í mikilvægum sigri
Viðar Örn
Kjartansson
Aron Pálmarsson gat tekið
fullan þátt í síðustu æfingu ís-
lenska landsliðsins í handbolta
í gærkvöld, áður en hópurinn
hélt frá Þýskalandi til Split í
Króatíu þar sem Ísland mætir
Svíþjóð í fyrsta leik á EM á
föstudag. Þetta staðfesti Óskar
Bjarni Óskarsson, aðstoðar-
landsliðsþjálfari, við RÚV.
Aron, sem missti af leik við
Þýskaland á sunnudag vegna
bakmeiðsla, var ekki með á æfingu landsliðsins í
gærmorgun og meiðsli hans verða metin að nýju
eftir ferðina til Króatíu í dag.
Aron æfði kvöldið
fyrir Króatíuferðina
Aron
Pálmarsson
Framherjinn Arnór Sveinsson,
sem leikið hefur fyrir U18- og
U16-landslið Íslands í körfu-
bolta, hefur skipt um félag í
Reykjanesbæ. Hann yfirgefur
þar með uppeldisfélag sitt,
Keflavík, og gengur í raðir
Njarðvíkur. Það er karfan.is
sem greinir frá þessu.
Arnór hefur tekið þátt í sjö
leikjum með Keflavík á þessu
keppnistímabili en komið sára-
lítið við sögu. Hann lék með U18-landsliðinu á EM
í Eistlandi í fyrra og skoraði þá 9 stig og tók 3 frá-
köst að meðaltali í leik.
Arnór söðlar um
í Reykjanesbæ
Arnór
Sveinsson
grönnum sínum og gestgjöfum
mótsins, Króötum, í fyrstu umferð-
inni á föstudagskvöldið.
Serbar spila því alls fjóra leiki á
einni viku rétt fyrir mót en þeir
mættu Sádi-Arabíu og Makedóníu
á heimavelli á fimmtudag og föstu-
dag.
Ljóst varð um helgina að línu-
maðurinn reyndi Rastko Stojkovic,
leikmaður Meshkov Brest í Hvíta-
Rússlandi, yrði með Serbum á EM.
Serbar, síðustu andstæðingar Ís-
lendinga í riðlakeppni Evrópumóts
karla í handknattleik, hafa ekkert
gefið eftir á lokasprettinum fyrir
mótið. Þeir hafa dvalið í Slóveníu
síðan á sunnudag og mættu þar
heimamönnum í vináttulandsleik í
gærkvöld sem endaði með sigri Sló-
vena, 36:32.
Liðin mætast aftur í kvöld en
Serbarnir halda síðan til Split á
morgun þar sem þeir mæta ná-
Til stóð að hann færi í uppskurð á
hné en Stojkovic ákvað sjálfur að
fresta honum og freista þess að
spila í Króatíu.
Vont að enda á Íslandi
Stojkovic segir að fyrsti leik-
urinn, gegn Króötum, skipti ekki
máli. Það séu seinni tveir leikirnir í
riðlinum sem ráði úrslitum.
„Við byrjum gegn gestgjöfunum
sem stefna á verðlaunasæti og þeir
munu hafa áhorfendur og dóm-
arana á sínu bandi. Við gerum okk-
ar besta en verðum að einbeita
okkur að leikjunum við Svíþjóð og
Ísland. Svíar hafa spilað frábær-
lega undanfarið og gætu verið
besta lið riðilsins. Það er vont að
eiga Ísland í síðasta leiknum því þá
gætu meiðsli og þreyta verið farin
að segja til sín,“ sagði Stojkovic á
vef serbneska handknattleiks-
sambandsins í gær. vs@mbl.is
Serbarnir standa í ströngu
 Fjórir leikir fyrir EM  Mæta Króatíu á föstudag og Íslandi í næstu viku
Hörður Björgvin Magnússon og fé-
lagar í Bristol City eiga enn von um
að komast í úrslitaleik enska
deildabikarsins í knattspyrnu, á
Wembley, eftir fyrri leik sinn við
Manchester City í gær. Heimamenn
í Manchester City kreistu fram 2:1-
sigur með marki Sergio Agüero í
uppbótartíma, eftir að Bristol hafði
komist yfir í leiknum. Hörður var í
liði Bristol fram á 72. mínútu.
Liðin mætast að nýju í Bristol 23.
janúar. Hafa má í huga að útivall-
armörk gilda ekki meira en heima-
vallarmörk í þessari keppni, nema
að lokinni framlengingu ef til henn-
ar kemur. Bristol, sem leikur í B-
deild, hefur þegar slegið út fjögur
úrvalsdeildarlið í keppninni.
Enn möguleiki
á Wembley-
för hjá Herði
AFP
Góðir Hörður Björgvin Magnússon í
baráttu við Kevin de Bruyne í gær.