Morgunblaðið - 01.02.2018, Side 12

12 MORGUNBLAÐIÐ FIMMTUDAGUR 1. FEBRÚAR 2018SJÓNARHÓLL
Skiptirofi fyrir rafstöðvar.
Sjálfræsibúnaður í skáp
gangsetur rafstöðina
sjálfkrafa við rof veitu.
Rofarnir eru frá 40A til
2000A
Ekki bíða eftir næsta óveðri
- hringdu núna.
Frá 1940
www.velasalan.is
Sími 520 0000, Dugguvogi 4 , 104 Reykjavík
C44 D5 / 35 kW
C90 D5 / 72 kW
Vélasalan býður upp á mikið úrval af rafstöðvum
frá Cummins. Rafstöðvarnar eru fáanlegar
frá 17 kW til 440 kW 50-60Hz, opnar eða í
hljóðeinangruðu húsi með innbyggðan olíutank.
GTEC
KRISTINN MAGNÚSSON
Í málefnasáttmála ríkisstjórnarinnar kemur orðið „ný-sköpun“ fyrir á átján stöðum. Þessi áhersla kemurlíklega ekki á óvart enda er öllum ljóst að sköpun
nýrra verðmæta er grundvallarforsenda áframhaldandi
velmegunar og velsældar í samfélaginu. Enn fremur
eykst stöðugt umræða um svokallaða fjórðu iðnbyltingu
sem líkleg er til þess að umturna atvinnuháttum á
mörgum sviðum, með tilheyrandi óvissu og umbreyt-
ingu á atvinnuháttum.
Ísland er vitaskuld ekki eina landið sem stendur
frammi fyrir þeirri framtíðaróvissu sem tækniframfarir
bera með sér. Ríkisstjórnir víða
um lönd keppast við að sníða
stefnu sína þannig að hún leggi
sem traustastar stoðir undir
efnahags- og atvinnulíf þjóðanna.
Í Danmörku hefur forsætis-
ráðherra til að mynda komið á
fót svokölluðu „Disruptionrådet“
– eins konar straumhvarfaráði,
sem hefur það hlutverk að vera
samstarfs- og samvinnuvett-
vangur til að tryggja að Dan-
mörk verði samkeppnishæf í stafrænum heimi.
Í Eistlandi hafa yfirvöld gengið svo langt að skil-
greina sig sem „stafræna þjóð“ til þess að undirstrika
að öll opinber ákvarðanataka skuli taka mið af kröfum
hins stafræna samfélags. Eistlendingar bjóða til dæmis
upp á svokallaða stafræna búsetu (e-residency) sem
gerir netfyrirtækjum kleift að skrá starfsemi sína þar í
landi óháð landfræðilegri legu, öll samskipti hins opin-
bera við borgarana eru á stafrænu formi og 95% allra
heilbrigðisupplýsinga hafa verið færð á stafrænt form
með tilheyrandi hagræði. Eistnesk stjórnvöld hafa enn
fremur verið fljót að tileinka sér nýjustu tækni, til
dæmis í öryggismálum gagna, þar sem þeir nýta dul-
kóðunaraðferðina blockchain. Eistlendingar skera sig
að því leyti verulega frá þeirri staðalmynd sem gjarnan
er um ríkisvald að það sé ætíð nokkrum skrefum á eftir
nýjustu þróun.
Eins og dæmin frá Danmörku og Eistlandi sýna hef-
ur hugtakið „nýsköpun“ smám saman vaxið úr því að
vera innantómt skrautyrði stjórnmálamanna í raun-
verulegan áttavita sem allir þurfa að taka mið af.
Áherslan á hugtakið nýsköpun í stjórnarsáttmálanum
íslenska bendir eindregið til þess að sama hugsun hafi
skotið rótum meðal íslenskra stjórnmálamanna og að
einlægur vilji sé til þess að tryggja að Íslendingar verði
ekki eftirbátar annarra þjóða í undirbúningi fyrir þær
tækni- og samfélagsbreytingar sem eru yfirstandandi.
Fyrirtæki sem byggja á þekkingu og sköpun munu
standa undir sívaxandi hluta verðmætasköpunar í
heiminum, og það verður í þannig fyrirtækjum sem
áhugaverðustu og bestu störfin
verða til. Þess vegna leggja flest-
ar þjóðir áherslu á að skapa
hvata og umhverfi sem auðveld-
ar slíka starfsemi, til að mynda
með endurgreiðslu á rann-
sóknar- og þróunarkostnaði. Til
þess að tryggja að fyrirtæki,
sem geta verið staðsett hvar sem
er í heiminum, velji starfsemi
sinni vettvang á Íslandi þarf um-
gjörð nýsköpunarstarfsemi að
vera samkeppnishæf. Þar skiptir meðal annars miklu
máli að fjárhagslegir hvatar laði þau að frekar en fæli
frá.
Flest þau ríki sem við eigum í samkeppni við hafa
gripið til þess ráðs að bjóða upp á endurgreiðslur til
fyrirtækja sem leggja stund á rannsóknir og þróun.
Þetta gera íslensk stjórnvöld einnig, en þó í töluvert
minni mæli en mörg önnur ríki. Ef Ísland á að vera
samkeppnishæfur vettvangur fyrir stór nýsköpunar-
fyrirtæki þarf að afnema hámark á slíkum endur-
greiðslum þróunarkostnaðar (sem nú er 300 milljónir),
og ef Ísland vill vera ákjósanlegur staður fyrir sprota-
fyrirtæki þarf að hækka það hlutfall kostnaðar sem
fæst endurgreiddur (er nú 20%).
Efnahagsaðstæður á Íslandi eru nú með allra besta
móti. Slíkt góðæri þarf að nýta til þess að tryggja þær
undirstöður sem hægt er að treysta á þegar í harð-
bakkann slær. Rétti tíminn til þess að standa við hin
góðu fyrirheit stjórnarsáttmálans er því núna.
VIÐSKIPTALÍF
Ásta Sigríður Fjeldsted
framkvæmdastjóri Viðskiptaráðs Íslands
Nýtum góðærið
til nýsköpunar
”
Hugtakið „nýsköpun“
hefur smám saman vax-
ið úr því að vera innan-
tómt skrautyrði stjórn-
málamanna í raunveru-
legan áttavita sem allir
þurfa að taka mið af.
FORRITIÐ
Óvæntar afbókanir eru vandamál
hjá mörgum fyrirtækjum og valda
því að aðstaða, tæki og kraftar
starfsfólks eru ekki nýtt sem skyldi.
Læknar, lögfræðingar, hárgreiðslu-
fólk, einkaþjálfarar og sálfræðingar
eru stéttir sem þekkja þennan vanda
vel og hafa, til þessa, haft um fáa
aðra kosti að velja en að sætta sig
við tekjutapið og að reyna að sinna
einhverjum öðrum verkum á meðan
beðið er eftir næsta gesti – eða kíkja
á Facebook.
Nú er mögulega komin lausn, því
forritið OpenSeat (http://open-
seat.io) hefur verið þróað gagngert
til að fylla öll göt sem skapast í
vinnudeginum.
Forritið reynir að gera það eins
auðvelt og hægt er að senda skeyti á
viðskiptavini sem vilja nýta næsta
lausa pláss. Notandinn tilgreinir
tíma, og lengd lausa plássins, og er
skeytið sent sem SMS. Þeir sem
vilja nýta gatið þurfa svo bara að
senda stutt skeyti til baka til að stað-
festa bókunina sjálfkrafa.
Höfundar OpenSeat lofa því að
viðskiptavinir svari hratt og vel,
enda flestir með farsímann við hönd-
ina öllum stundum. Þá er notandinn
ekki rukkaður fyrir þjónustu Open-
Seat nema þegar hann þarf að fylla
laust pláss. ai@mbl.is
Engin glufa í degin-
um fer til spillis