Morgunblaðið - 25.05.2018, Page 24

24 UMRÆÐAN
MORGUNBLAÐIÐ FÖSTUDAGUR 25. MAÍ 2018
Borgarstjórnarmeirihlutinn lofar nú
fyrir kosningar að byggja nokkur
þúsund íbúðir í Reykjavík. Því lofaði
þessi sami meirihluti reyndar líka
fyrir kosningarnar 2014. Er þetta
ekki að endurtaka sig?
Svona er þetta á fleiri sviðum í
sambandi við borgarmálin. Meira er
um orð en efndir. Lofaði ekki VG
gjaldfríum leikskóla fyrir kosningar
2014? Borgarstjóri er í essinu sínu
þegar hann sýnir glærur sem eiga að
sannfæra borgarbúa um, hvað allt sé
í góðu lagi í borginni.
Hann er jafnframt lítið fyrir að
svara fyrir erfið mál, sem upp koma.
Er ekki kominn tími til að þessi ráð-
villti meirihluti vinstrimanna fái að
taka pokann sinn og nýir aðilar taki
við?
Sigurður Guðjón Harðarson.
Skoðanakannanir
Ég var að lesa forsíðu Fréttablaðs-
ins 8. maí sl. þar sem fyrirsögnin er:
Afgerandi forysta Samfylking-
arinnar. Mig langar að spyrja hverj-
ir eiga Fréttablaðið? Félagsvísinda-
stofnun og Gallup gera skoðana-
kannanir fyrir hina og þessa.
Hverjir geta sannað fyrir mér að all-
ar þessar kannanir séu réttar eða
sannar? Aldrei hef ég lent í úrtaki
hjá þeim. Ég vil banna þessar kann-
anir tveimur vikum fyrir kosningar.
Fullorðnir kjósendur eiga rétt á að
vera látnir í friði rétt fyrir kosn-
ingar.
Virðingarfyllst.
Kjósandi.
Leitar að bókum
Mig langar til að fá allar bækurnar
sem heita Hugmyndabanki heim-
ilanna, nema Málað á tré og gler og
Leikið með leir. Síðan vantar mig
Vegastafrófið eftir Þorstein Valdi-
marsson og loks tvær bækur með
Svala og félögum, Kall frá Arisóna
og Sævarborgin, þ.e. bækur nr. 11
og 18. Æskilegt er að bækurnar séu í
góðu ásigkomulagi. Áhugasamir hafi
samband við Árna Hauk í síma 587
6997 og 777 8223.
Velvakandi Svarað í síma 569-1100 frá kl. 10-12 velvakandi@mbl.is
Loforð og efndir
Reykjavík Á laugardag þurfa kjósendur að gera upp hug sinn í kjörklefunum.
Borgarskipulag hef-
ur verið til langs tíma
eftir pólitískum
áherslum hvers kjör-
tímabils, sem er slæmt,
því slíkt skipulag þarf
að vera byggt á fram-
tíðarsýn varðandi
íbúða- og þjónustu-
byggð með góðu
umferðarflæði þannig
að uppbyggingin nýtist
öllum sem best.
Samhliða þarf að vernda gamlar og
fallegar byggingar, þær gefa borg-
inni mikinn svip og gera hana áhuga-
verða á ýmsa vegu sem og snyrtileg
opin svæði.
Byggð hefur verið þétt um of á
vissum svæðum í borginni, sem dreg-
ur úr íbúðargæðum og skapar auk
þess þenslu á íbúðamarkaði fyrir
yngri sem eldri borgara.
Í þess stað þarf að byggja á hent-
ugri svæðum ódýrar íbúðir til fyrstu
íbúðarkaupa sem og íbúðir miðsvæðis
í borginni fyrir eldri borgara á hóf-
sömu verði með aðgengi að góðri
þjónustu sem myndi skapa meira
framboð af íbúðum fyrir barna-
fjölskyldur í grónum hverfum.
Lækka þarf gjöld í borginni sem
verið hafa að hækka til langs tíma
með ýmsum útfærslum.
Sem dæmi þá er fasteignagjald og
tengd gjöld af millistórri eign um 6
milljónir á 10 árum. Þessar hækkanir
hafa ekki skilað sér sem skyldi í betri
þjónustu og framkvæmdum fyrir
borgarbúa, en vonandi verður bætt
þar úr eftir kosningar með góðu sam-
starfi hjá einhverjum af framboð-
unum 16.
Reykjavíkurborg á að geta verið
ein áhugaverðasta borg á norður-
slóðum að búa í og sækja heim,
snyrtileg, örugg og mannvæn, prýdd
upplýstum listaverkum, byggingum
o.fl.
Þrifum í borginni hefur verið
ábótavant, í reynd er borgin frekar
óhrjáleg, t.d. miðborgin, nema þá rétt
yfir fallegustu sumarmánuðina. Frá-
gangur á lóðum og stéttum í miðborg-
inni og víðar virðist vart endast nema
rétt meðan á framkvæmdum stendur,
úrbóta er þörf.
Útleiga íbúða í stórum stíl til ferða-
manna í íbúðakjörnum
er orðin vandamál og
hefur skapað mikla
óánægju meðal íbúa,
t.d. vegna ónæðis og bif-
reiðastæða, það sama á
við um hótelbyggingar í
íbúðahverfum. Auk
þess virðast þessar út-
leigur ekki skila sér
sem skyldi í gjöldum til
borgarinnar.
Skerpa þarf reglur
varðandi dýrahald í
borginni, víða er óþrifn-
aður vegna þessa með-
fram göngustígum og víðar og gengið
hefur á fuglalíf með fallegum vor- og
sumarsöng vegna lausra katta.
Grisja þarf gróður í borginni, t.d.
asparsvæði sem byrgja víða útsýni,
auk þess sem laufblöð frá þeim stífla
gjarnan niðurföll á haustin og valda
með því tjóni. Bæta þarf aðstöðu og
leiksvæði barna og ungmenna í borg-
inni, t.d. í Húsdýragarðinum, með
stórbættum tækjabúnaði sem og
setja upp fjölbreyttara afþreying-
arsvæði í Nauthólsvík og víðar.
Ferðamenn eru því sem næst búnir
að yfirtaka miðborgina. Að þessu þarf
að huga með bættu samgönguflæði
að miðborginni og efla þar versl-
unarrekstur áður en svæðið koðnar
frekar niður.
Göngu- og hjólastígar hafa verið
stórbættir í borginni, sem er af hinu
góða.
Bæta þarf götu- og stígalýsingu,
t.d. með því að skipta þéttar um perur
í ljósastaurum og stoppa af þessa síð-
búnu götulýsingu í skammdeginu
sem skapar slysahættu, t.d. vegna
skólabarna. Bæta þarf öryggi/
löggæslueftirlit í hverfum borg-
arinnar í samvinnu við stjórnvöld og
íbúa. Gæti hugsanlega hentað lög-
reglumönnum eftir hefðbundin
starfslok, þeir þekkja umhverfið og
hvar að kreppir.
Götur borgarinnar hafa verið í
mikilli viðhaldsþörf til margra ára,
reyndar hættulegar yfirferðar á köfl-
um, og valdið skemmdum á ökutækj-
um.
Mengun er oft veruleg í borginni af
ýmsum orsökum, úrbóta er þörf.
Bæta þarf öruggt og greiðfært um-
ferðarflæði um borgina með innri
Sundabraut, mislægum gatnamótum
þar sem þess er þörf, með brú yfir
Fossvog og huga að jarðgöngum
gegnum Öskjuhlíð að flugvallarsvæð-
inu með tengingu frá Kringlumýr-
arbraut og Bústaðavegi og huga síð-
an að brú yfir Skerjafjörð.
Jafnframt þarf að bæta almenn-
ingssamgöngur í samvinnu við nálæg
sveitarfélög og ríkið. Í þá fram-
kvæmd á að vera hægt að ráðast
strax, t.d. með tíðari ferðum á álags-
tímum. Það sama á við stýringu um-
ferðarljósa og kanna þarf með meiri
breytileika varðandi mætingu til
vinnu og í skóla.
Heildarborgarlína er dýr fram-
kvæmd sem leysir ekki þann umferð-
arvanda sem við er að fást nema þá
að hluta, gott almennt umferðarflæði
þarf einnig að koma til.
Að þessu þarf að huga með góðri
yfirsýn varðandi nýtingu og kostnað.
Ýmsar aðrar útfærslur er vert að
skoða, t.d. einstefnu á vissum umferð-
aræðum á vissum tímum dags og
fjölgun akreina á vissum köflum eftir
umferðarþunga með færslu vegriða á
rafrænum meiðum.
Þeir tímar koma innan tíðar að
hægt verður að nýta ódýrari tækni
varðandi almennar samgöngur, t.d.
með sérútbúnum vögnum eða lestum
með mikla flutningsgetu sem líða um
hljóðlaust með og ofan við umferð-
argötur.
Miklabraut í stokk bætir ekki um-
ferðarflæðið, gefur helst meira rými
fyrir þéttingu byggðar.
Áríðandi er að Reykjavíkur-
flugvelli verði ekki raskað frekar fyrr
en önnur lausn finnst á því mikilvæga
samgöngu- og öryggismáli. Varðandi
nýjan spítala, þá hefði átt að byggja
vissar hátæknieiningar við Borg-
arspítalann og/eða Landspítalann og
huga síðan að framtíðar-hátækni-
sjúkrahúsi jafnvel vestan Öskjuhlíð-
ar. Snyrtileg og örugg borg er hagur
allra borgarbúa.
Borgarbúar vilja
mannvæna borg
Eftir Ómar G.
Jónsson »Reykjavíkurborg á
að geta verið ein
áhugaverðasta borg á
norðurslóðum að búa í
og sækja heim, snyrti-
leg, örugg og mannvæn
á öllum sviðum.
Ómar G.
Jónsson
Höfundur er fulltrúi.
Einmitt þegar búast
hefði mátt við því að
samgöngumálin í
Reykjavík gætu ekki
orðið meira rugl en
svokallaðar „hljóðvist-
arbætur“ við Miklu-
braut um Hlíðahverfið
nýverið, þá tilkynnir
borgarstjórinn og odd-
viti Samfylkingarinnar
að stefnt skuli að því á
næsta kjörtímabili að rífa þetta allt
upp á nýtt og leggja brautina í
„stokk“ neðanjarðar og bæta við
„Borgarlínunni“. Ofanjarðar skilst
mér.
Merkilegt má það teljast að hann
skuli ekki útmála kostnaðinn og
óþægindin sem fylgja munu því að
bæta húseigendunum við Miklubraut
eignarnámið sem óhjákvæmilega
mun koma til, ef hrinda á þessu í
framkvæmd án þess að valda óbæri-
legum töfum á þessari aðalbraut
borgarinnar. Það gæti hins vegar
hlíft blokkinni við Lönguhlíð sem
næst stendur þessari ósæð umferð-
aræðakerfis þjóðfélagsins. Þetta ligg-
ur ljóst fyrir flestum leikmönnum.
Það verður sérstakur sjónarsviptir
að raðhúsinu sem byggt var í bresk-
um stíl innan um hin heldur ómerki-
legri fjölbýlishúsin sem eru þó í eðli
sínu yndisleg. Erfiðara mál er með
blessað fólkið sem býr í öllum þessum
húsum. Heimili þess og varnarþing.
Kannski búið að festa þarna rætur og
ekki tilbúið til að fara út með góðu,
þrátt fyrir mengunarkófið og umferð-
argnýinn. Ætli málaferlin og eðlilegir
frestir tefji ekki verkið lungann úr
kjörtímabilinu og síðan þurfa að líða
enn eitt eða tvö önnur, áður en öllu
þessu er lokið – ógurlegum kostnaði
síðar. Framtíðarbyrði barnanna í
dag.
Mörgum öldruðum mun ugglaust
einnig blæða í augum að sjá erfiði for-
feðranna bara mokað burt – en það
mun hafa þurft til á
þeim tíma áratuga stór-
framkvæmd; að moka
upp mýrarjarðveginum
og leggja grús eða möl
niður á fast berg.
Skyldu menn ekki ætla
að sprengja sig enn
dýpra núna?
Skynsamlegra virðist
vera að fara að ráðum
Sjálfstæðisflokksins og
auka ekkert meira
byggingamagnið á
þessu ágæta nesi sem Reykjavík
stendur á og færa heldur uppbygg-
inguna á önnur svæði. Keldnalandið
liggur í augum uppi og Geldinganes
er gríðarstórt. Úlfarsárdalur á mikið
inni, auk þess að bent hefur verið á
Viðey með vegtengingu við hið
spennandi Gufunes.
Nú þarf nýtt fólk í stjórn borg-
arinnar okkar allra Íslendinga. Ekki
þröngsýna kjána sem ímynda sér að
Reykjavík geti orðið í stíl flatlendra,
evrópskra, þéttbýlla borga sem una
jafnan við blíðviðri.
Við Íslendingar erum í raun skyld-
ari Bandaríkjamönnum, hvort sem
okkur líkar betur eða verr. Gat ekki
öðruvísi farið í ljósi sögunnar. Þeir
sáu strax á stríðsárunum hvernig ein-
att viðrar á Fróni og við vitum það
líka vel sjálf. Bílaborgaskipulag varð
því auðvitað ofan á. Almennilegt fólk
(les: skattgreiðendur) hefur af eðli-
legum ástæðum vanist bílum, hvar
sem það býr á landinu. Allt skipulag
hvarvetna lýtur að þeirri staðreynd
og fásinna er að berjast gegn því. Ég
hvet því fólk til að fella núverandi
meirihluta í höfuðborginni.
Ekki áfram
ófremdarástand
Eftir Pál Pálmar
Daníelsson
Páll Pálmar Daníelsson
»Ég hvet fólk til að
fella núverandi
meirihluta í höfuðborg-
inni.
Höfundur er leigubílstjóri.
Grunnskólabörn
eiga að standa jöfn
þegar kemur að þjón-
ustu innan grunnskól-
anna. Einmitt þess
vegna skora ég á þá
sem fara með stjórn
Reykjanesbæjar
næstu fjögur ár að láta
það hafa forgang að
bjóða upp á endur-
gjaldslausar skóla-
máltíðir strax í upphafi skólaárs
haustið 2018.
Verum þess minnug að börnin
okkar eru framtíð bæjarfélagsins og
í þá framtíð eigum við að leggja allan
okkar metnað og tryggja, t.d. á þann
hátt að létta fjárhagslega undir með
foreldrum grunnskólabarna.
Eflaust myndu einhverjir spyrja
hvar skuli taka fjármuni til að
tryggja slíkt. Svarið er einfalt, það
er löngu tímabært að við förum í þá
vinnu að forgangsraða rétt þeim
fjármunum sem bæjarsjóður RNB
hefur úr að spila, t.d. með því að end-
urskoða hvað er í raun grunnþjón-
usta og hvað eru gæluverkefni. Sem
dæmi má nefna að eina safn bæj-
arins sem er lögbundin
þjónusta bæjarfélags-
ins er bókasafn
Reykjanesbæjar, allt
annað eru gæluverk-
efni og atkvæðakaup.
Gerum viðsnúning í
þessum málaflokkum,
sýnum það enn betur í
verki en gert hefur ver-
ið fram að þessu að við
erum fjölskylduvænt
sveitarfélag á öllum
sviðum. Ekki bara þeg-
ar kemur að frábærum
skólum, íþróttahúsum og sparkvöll-
um, sem allt er gott til síns brúks.
Þegar fólk horfir í grunninn þá sér
það að þar er brotalöm, það þurfum
við að uppræta og gerum það með
því að finna lausnir til handa þeim
sem minnst hafa milli handanna. Til
þess að allir standi jafnt tel ég lausn-
ina liggja í því að prófa, þó ekki væri
nema til að byrja með, að bjóða upp
á eitt skólaár sem tilraunaverkefni
með endurgjaldslausar skóla-
máltíðir í öllum grunnskólum
Reykjanesbæjar.
Að lokum, ágætu bæjarbúar, höld-
um áfram að hafa skoðanir og vera
gagnrýnin, það er okkur öllum hollt.
En myndum okkur skoðanir að vel
athuguðu máli, við höfum sýnt það,
íbúar Reykjanesbæjar, að þegar
harðnar á dalnum þá stöndum við
saman og það eigum við að gera þeg-
ar kemur að því að vinna að heildar-
hagsmunum barna hér í grunn-
skólum Reykjanesbæjar, þar sem öll
börn eiga að standa jöfn þrátt fyrir
misjafna stöðu foreldra.
Mín von og ósk okkur öllum til
handa er sú að við getum átt mál-
efnalegar samræður um hagsmuni
bæjarins, slíðrum sverðin og látum
heildarhagsmuni Reykjanesbæjar
vera ofar pólitískri orrahríð sem
engum er til gagns. Vinnum saman
að lausnum okkur öllum til góða.
Endurgjaldslausar skólamáltíðir
í grunnskólum Reykjanesbæjar
Eftir Sigurjón
Hafsteinsson » Byrja mætti á því að
bjóða upp á eitt
skólaár sem tilrauna-
verkefni með endur-
gjaldslausar skóla-
máltíðir í grunnskólum
Reykjanesbæjar.
Sigurjón Hafsteinsson
Höfundur er 5. maður á lista Mið-
flokksins í Reykjanesbæ.
molikarlinn@simnet.is