Morgunblaðið - 18.06.2018, Side 2

2 ÍÞRÓTTIR
MORGUNBLAÐIÐ MÁNUDAGUR 18. JÚNÍ 2018
Íþróttir Morgunblaðsins Hádegismóum 2, 110 Reykjavík, sími 5691100, netfang sport@mbl. is
Útgefandi Árvakur hf. Umsjón Víðir Sigurðsson, vs@mbl. is Auglýsingar sími 5691111 netfang
augl@mbl. is Bréfsími 5691110 Prentun Landsprent ehf.
„Við tökum margt frá þessum leik við Argentínu sem við
getum bætt okkur í eins og kringum föstu leikatriðin
sem við höfum oft gert betur í heldur en í gær. Það er
alltaf hægt að bæta sig en þetta var eðlilegt í fyrsta leik á
HM og það gegn liði eins og Argentínu. En við tökum
líka með okkur fullt af góðum hlutum. Skipulagið á liðinu
var gott, við vörðumst vel einn á móti einum og leikurinn
var góð raun á marga,“ sagði Helgi Kolviðsson, aðstoð-
arþjálfari karlalandsliðsins í knattspyrnu, eftir æfingu í
Kabardinka í gær.
„Við afgreiðum þennan leik í kvöld með strákunum, á
morgun gefum við þeim frí þar sem þeir hlaða batteríin
og svo hefst bara undirbúningur fyrir leikinn gegn Níg-
eríu,“ sagði Helgi Kolviðsson en viðtalið við hann í heild
má sjá á HM-vefnum á mbl.is. gummih@mbl.is
Getum margt betur
Kátur Helgi Kolviðsson.
„Planið var að ég myndi spila þar til ég væri gjör-
samlega sigraður og síðustu skrefin af vellinum voru
svolítið þung,“ sagði Aron Einar Gunnarsson landsliðs-
fyrirliði í Kabardinka í gær en hann lék í 75 mínútur
gegn Argentínu í fyrsta leiknum á HM í Rússlandi á
laugardaginn. Hann hafði þá verið frá keppni vegna
meiðsla síðan í lok apríl.
„Ég er góður og mér líður vel. Ég er með smá harð-
sperrur og það er stífleiki en ég er ánægður með hvern-
ig þetta þróaðist. Ég er virkilega ánægður að hafa náð
að spila í tæpar 75 mínútur og nú hefst endurheimtin
áður en maður keyrir þetta aftur í gang,“ sagði Aron
Einar, ánægður með úrslitin og frammistöðu liðsins
gegn Argentínu, en viðtalið við hann í heild sinni má sjá
á HM-vefnum á mbl.is. gummih@mbl.is
„Góður og líður vel“
Hress Aron Einar Gunnarsson.
Í KABARDINKA
Sindri Sverrisson
sindris@mbl.is
Heimir Hallgrímsson segir úrslitin
ein og sér í leik Nígeríu og Króatíu
gefa sér gagnlegar upplýsingar í
undirbúningnum fyrir föstudag en
þá stýrir landsliðsþjálfarinn Íslandi
gegn Nígeríumönnum í Volgograd, í
öðrum leik liðsins á HM í knatt-
spyrnu.
Heimir var glaðbeittur og gaf sér
góðan tíma til að ræða við fjölmiðla-
menn í Kabardinka í gær, sem flestir
voru þá nýkomnir á svæðið aftur eft-
ir ferðalagið frá Moskvu. Heimir og
íslenski landsliðshópurinn yfirgáfu
Moskvu nánast strax eftir sinn leik
og var róleg æfing hjá liðinu í gær og
frídagur í dag.
Eftir að Ísland náði í 1:1-jafnteflið
frábæra við Argentínu vann Króatía
2:0-sigur á Nígeríu í hinum leik D-
riðils:
„Ég er vísvitandi ekki búinn að sjá
þann leik. Við ætlum að „klára“ okk-
ar leik í dag og á morgun einbeitum
við okkur algjörlega að Nígeríu,“
segir Heimir þegar ég spyr hann út í
stöðuna í riðli Íslands.
„Úrslitin eru hins vegar þannig að
þau hjálpa okkur til að vita hvað
Nígería þarf að gera í næsta leik.
Nígeríumenn verða að taka áhættu
og vinna leikinn ef þeir ætla áfram í
keppninni. En svo skoðum við núna
leik þeirra við Króatíu vel og höfum
auðvitað verið að leikgreina þá lengi.
Ég er hrikalega ánægður með þjálf-
arateymið, hvernig það leikgreindi
þennan Argentínuleik, og við vissum
nákvæmlega hvað þeir myndu reyna
gegn okkur og höfðum undirbúið
okkur fyrir allt. Við náðum að stoppa
ansi margar uppbyggingar í fæð-
ingu. Það er vísbending um að menn
hafi verið búnir að vinna vinnuna
sína,“ segir Heimir, vongóður um að
undirbúningsvinnan skili einnig góð-
um árangri á föstudag.
Reynir á allt aðra eiginleika
gegn Nígeríumönnum
Nú er allt útlit fyrir að Heimir
þurfi að breyta sínu byrjunarliði fyr-
ir föstudag, einfaldlega vegna þess
að Jóhann Berg Guðmundsson
meiddist. Þá má leiða að því líkum að
leikáætlun liðsins verði ólík og það
gæti haft í för með sér frekari breyt-
ingar, þrátt fyrir að allir geti verið
afar stoltir af frammistöðu sinni
gegn Argentínu.
„Við erum alltaf með einhverja
leikáætlun fram í tímann en það er
nægur tími til að skoða málin og
hvernig leikmenn koma út úr síðasta
leik. Við getum ekki verið annað en
glaðir með það hvernig leikurinn við
Argentínu spilaðist og hvað við gerð-
um í þessum leik, en auðvitað vitum
við að næsti leikur verður öðruvísi.
Þar verður um að ræða allt annan
mótherja, allt annan leikstíl, og það
reynir kannski á allt aðra eiginleika
hjá okkur eins og kraft, hlaupagetu
og bardagasemi. Nú þurfum við að
slökkva á þessum Argentínuleik og
hugsa um þann næsta,“ segir Heimir
og tekur undir að leikmenn hafi ef til
vill brugðist öðruvísi við því að ná
jafntefli við stórþjóð í fyrsta leik á
HM en á EM fyrir tveimur árum.
Nú vita menn hvað þetta þýðir
„Já, núna vita menn bara hvað
þetta þýðir. Þetta þýðir að við erum
inni í myndinni, á pari við það sem
við ætluðum okkur. Það hefði verið
ofmat að gefa sér þrjú stig fyrir fram
gegn Argentínu, svo ég held að við
séum allir sáttir við eitt stig þó að
möguleikinn á þremur stigum hafi
verið fyrir hendi. Það var líka mögu-
leiki á að við misstum þetta stig.
Núna förum við í leik þar sem við vit-
um að Nígería þarf að vinna, jafn-
tefli gerir lítið sem ekkert fyrir þá,
svo við vitum hvernig þeir leggja
þann leik upp. Það hjálpar okkur að-
eins,“ segir Heimir.
Spurður nánar út í frammistöðuna
gegn Argentínu hrósaði hann varn-
arleik sinna manna mikið, og sér-
staklega að menn skyldu halda út í
90 mínútur:
Vörnin eins góð og hægt er
„Í fyrsta lagi eru þetta sterk úrslit
fyrir okkur, í fyrsta leik á HM. Þetta
er ákveðin reynsla sem við þurftum
að öðlast. Þetta minnti mig á margan
hátt á Portúgalsleikinn á EM. Báðir
enduðu 1:1, í þeim leik fékk Ronaldo
aukaspyrnu á hættulegum stað í lok-
in en núna Messi, svo ég hafði engar
áhyggjur af að hann myndi skora.
Þetta var svona „déjà vu“ frá Frakk-
landi. Leikurinn spilaðist svipað. Við
vorum svolítið stressaðir með bolt-
ann og fókusinn var á varnarleikinn.
Ef maður hugsar um varnarleikinn í
þessum leik þá var hann eins góður
og hann getur verið gegn svona liði,
bæði þegar við vörðumst einn gegn
einum en líka liðssamvinnan, hjálp-
arvörnin og svæðin þar sem við lok-
uðum á þá. Og ekki síst vinnusemin,
aginn og einbeitingin allan leikinn,
því ef maður gleymir sér eina sek-
úndu gegn svona liði þá eru þeir
búnir að refsa okkur,“ segir Heimir
og bætir við:
Miklu meira afrek en menn
gera sér grein fyrir
„Þessi varnarleikur var geggj-
aður. Það að missa ekki einbeit-
inguna þegar menn eru orðnir svona
þreyttir í lokin er bara miklu meira
afrek en menn gera sér grein fyrir.
Þegar maður þreytist er „höfuðið“
það fyrsta sem fer. Við vorum sem
betur fer búnir að spila leik við Gana
fyrir mótið þar sem við gáfum eftir í
lokin og fundum ákveðin hættu-
merki. Að ef „þetta“ gerðist þá
þyrftum við að vakna og gera
ákveðna hluti. Við gerðum þetta
gríðarlega vel. Menn tæmdu alveg
batteríið og þess vegna erum við
með stig í dag.“
Verða nú að taka áhættu
 Heimir bætti við sig gagnlegum upplýsingum um Nígeríu án þess að horfa á
tap liðsins gegn Króatíu  Leikurinn við Argentínu var „déjà vu“ frá Frakklandi
Morgunblaðið/Eggert
Brosmildur Heimir Hallgrímsson hafði fulla ástæðu til að brosa á æfingu landsliðsins í Kabardinka um hádegið í
gær enda dýrmætt stig í höfn. Hólmar Örn Eyjólfsson var hins vegar einbeittur í undirbúningi fyrir næsta verkefni.
 Freyr Alexandersson þjálfari
kvennalandsliðsins í knattspyrnu
sagði í ítarlegu viðtali sem birtist á
mbl.is í gær að Argentínumenn hefðu
líklega ekki áttað sig á því að Íslend-
ingar hefðu nýtt sér ýmislegt sem þeir
sögðu í viðtölum eftir vináttulandsleiki
ársins til undirbúnings fyrir leik þjóð-
anna í Moskvu á laugardaginn. Freyr
sá um að útvega þjálfurum karlalands-
liðsins ítarlegar upplýsingar um leik-
stíl Argentínumanna, hátterni og hug-
arfar.
 Freyr sagði ennfremur að það sem
mest hefði komið á óvart við leik Arg-
entínumanna á laugardaginn hefði
verið að þeir hefðu aldrei reynt að
brjóta upp leikinn þrátt fyrir að þeim
hefði ekkert gengið að vinna á varn-
arleik Íslands, og þeir hefðu haft öll
vopn til þess.
 Á HM í Rúss-
landi er í fyrsta
skipti leyft að vera
í sambandi frá
stúku og niður á
varamannabekk
og senda þangað
myndefni. Freyr
Alexandersson
var í því hlutverki
en hann sat uppi í stúku og var í beinu
sambandi við Guðmund Hreiðarsson
markvarðaþjálfara og Helga Kol-
viðsson aðstoðarþjálfara.
 Aron Einar Gunnarsson og Ólafur
Ingi Skúlason voru teknir í lyfjapróf
eftir leikinn gegn Argentínu en jafnan
eru 2-4 leikmenn úr hverju liði kallaðir
í próf eftir hvern leik. Þetta seinkaði
flugi íslenska liðsins frá Moskvu til
Gelendzhik á laugardagskvöldið um
klukkutíma.
 Lionel Messi fyrirliði Argentínu
sagði í viðtölum við fréttamenn eftir
leikinn við Ísland að íslenska liðið
hefði nánast ekkert gert í leiknum,
annað en að verjast og byggja sókn-
arleikinn á löngum innköstum. „Ís-
lenska liðið er líkamlega sterkt og við
vissum að þetta yrði erf-
iður leikur. Ég er ábyrg-
ur fyrir því að við tók-
um ekki stigin þrjú.
Með því að skora
úr vítinu hefðum
við unnið leik-
inn,“ sagði Messi
en Hannes Þór
Halldórsson
varði frá honum
vítaspyrnu um
miðjan
síðari
hálfleik.
Eitt
ogannað