Morgunblaðið - 18.08.2018, Side 4

Íslensku landsliðin í blaki verða í eld-
línunni á morgun þegar tekinn verður
upp þráðurinn í annarri umferð und-
ankeppni Evrópumótsins. Kvenna-
landsliðið tekur á móti landsliði Sló-
vena í íþróttahúsinu í Digranesi
klukkan 15 og þremur stundum síðar
verður flautað til viðureignar karla-
liðs Íslands og Moldóvu.
Landslið Slóvena vann landslið Ísr-
aels, 3:0, í fyrstu umferð á miðviku-
daginn á sama tíma og íslenska liðið
lá fyrir Belgíu, sem er með langöflug-
asta liðið í riðlinum.
Mikil endurnýjun hefur orðið á
kvennalandsliðinu á síðustu miss-
erum og sem dæmi má nefna að fjór-
ar konur léku sinn fyrsta landsleik
gegn Belgum á dögunum.
Lítið er vitað um styrkleika lands-
liðs Moldóva sem íslenska karlalands-
liðið mætir. Þó er vitað að Moldóvar
unnu Svartfellinga, 3:2, á mið-
vikudagskvöldið. „Möguleikar okkar
liða liggja í heimaleikjunum,“ sagði
Stefán Jóhannesson, varaformaður
Blaksambands Íslands, í samtali við
Morgunblaðið í vikunni.
Þetta er í fyrsta sinn sem íslensku
landsliðin eru með í undankeppni
Evrópumóts í blaki.
iben@mbl.is
Morgunblaðið/Eggert
EM Íslenska landsliðið í blaki mæta liði Moldóvu á morgun í Digranesi.
Blaklandsliðin standa í
stórræðum í Digranesi
Eitt mesta krabbamein í
yngriflokkaþjálfun á Íslandi er
sigursýki. Margir þjálfarar virð-
ast vera með þá ranghugmynd
að gæði þjálfunar séu mæld í
því hversu marga leiki og bikara
viðkomandi vinnur.
Ég hef reyndar áreiðanlegar
heimildir fyrir því að yfirþjálfari
yngriflokkaliðs af höfuðborgar-
svæðinu hafi tilkynnt þjálfurum
og leikmönnum flokks að
frammistaða þeirra yrði metin
út frá því í hvaða sæti þeir lentu
á keppnistímabilinu. Þetta eru
algerlega glórulaus skilaboð.
Ímyndið ykkur stöðuna sem
hann setur þjálfarann sinn í.
Mun þjálfari sem fær þau skila-
boð að hann sé metinn út frá
því hversu marga leiki hann
vinnur leyfa öllum leikmönnum
að spila? Mun sá þjálfari þora
að spila efnilegum leikmanni
sem er tæknilega góður en sein-
þroska? Mun sá þjálfari leggja
upp leikina með þeim for-
sendum að sem flestir bæti sig í
fótbolta en ekki bara fljóti
maðurinn frammi sem fær allar
löngu sendingarnar?
Og hvað með leikmanninn?
Þorir ungur leikmaður sem fær
þau skilaboð að það eina sem
skiptir máli sé sigur að taka
áhættu í erfiðum stöðum? Er
ekki hætta á að sá leikmaður
muni alltaf fara auðveldu leiðina
og sparka boltanum fram?
Eigum við ekki einmitt að hvetja
leikmenn til þess að þora að
gera erfiða hluti, gera mistök og
læra af þeim?
Auðvitað skiptir máli að
vinna. En það þarf að vinna á
réttum forsendum. Það sem
skiptir máli er að ungir leikmenn
nái framförum en ekki að egó
þjálfara sé kitlað. Getum við
ekki bara farið að eyða þessu
krabbameini sem fyrst?
BAKVÖRÐUR
Guðjón Þór Ólafsson
gudjon@mbl.is
KÖRFUBOLTI
Guðjón Þór Ólafsson
gudjon@mbl.is
„Þetta verður skemmtilegt ævin-
týri og spennandi verkefni í vet-
ur,“ sagði körfuknattleiksmað-
urinn Kári Jónsson í samtali við
Morgunblaðið, en hann er nýgeng-
inn til liðs við spænska stórveldið
Barcelona, þar sem hann skrifaði
undir eins árs samning. Fréttir af
vistaskiptum Kára til Barcelona
komu mörgum á óvart enda er það
ekki á hverjum degi sem Íslend-
ingur gengur til liðs við eitt af öfl-
ugustu félögum heims. Ljóst er að
verkefnið verður ærið. Barcelona
er margfaldur Spánar-og Evr-
ópumeistari og Kári þarf að nýta
þetta ár vel til þess að sýna sig og
sanna.
Aðdragandinn að félagsskiptum
Kára var ekki langur. Kári sagði
að þetta hefði gengið fljótt fyrir
sig enda væri erfitt að segja nei
þegar lið eins og Barcelona bank-
aði á dyrnar: „Þetta gerðist mjög
fljótt. Einn daginn var umboðs-
maðurinn í sambandið við okkur og
sagði að þeir væru að sýna áhuga.
Og það leið kannski vika þangað til
það kom tilboð og þá fékk maður
nokkra daga til umhugsunar.“
Æfir og spilar með Barcelona B
Til að byrja með mun Kári æfa
og spila með Barcelona B, sem
leikur í næstefstu deild á Spáni, en
með góðri frammistöðu getur hann
fengið tækifæri með aðalliðinu:
„Ég verð að æfa og spila með
Barcelona B. En ef ég stend mig
vel og geri góða hluti er tækifæri á
því að vera kallaður upp í aðalliðið
og ég er enn á þeim aldri að ég
telst ekki sem útlendingur, þannig
það er alltaf möguleiki. En til að
byrja með og eitthvað inn í tíma-
bilið hugsa ég að ég verði með B-
liðinu og æfi með því á fullu og
spili. Þetta er mjög fínn staður fyr-
ir mig og góð deild sem við erum
í.“
Umgjörðin allt
önnur en heima
Æfingar eru hafnar hjá Barce-
lona B en Kári mætti á sína fyrstu
æfingu daginn eftir að hann lenti í
Barcelona. Kári sagði að gæðin og
umgjörðin væru allt önnur en
heima: „Það er allt önnur gæði á
körfuboltanum hér en heima. Þetta
minnir mig smá á þegar ég var í
háskólaboltanum í Bandaríkjunum.
Þá var haldið svakalega vel utan
um allt. Það var allt annað bragur
á æfingum og allt utanumhald er
til fyrirmyndar. Það eru margir
þjálfarar og mikið verið að segja
manni til.“
Góð auglýsing
Spurður hvort hann hafi sett sér
einhver markmið áður en hann fór
til Spánar segir Kári að stefnan sé
á að standa sig vel og skapa sér
nafn í körfuboltaheiminum: „Þetta
opnar klárlega fleiri glugga og
möguleika fyrir næsta ár. Maður
þarf að byrja að búa sér til nafn í
þessum bransa. Ég er bara
spenntur og það verður gaman að
sjá hvernig þetta þróast í ár. Það
er erfitt að segja hvernig þetta fer
af því að ég er svo nýbyrjaður
hérna. En þetta er spennandi
verkefni.“
Stefnir á að skapa sér
nafn í körfuboltanum
 Vel haldið utan um allt hjá stórliði Barcelona að sögn Kára Jónssonar
Morgunblaðið/Kristinn Magnússon
Gegnumbrot Kári Jónsson mun glíma við atvinnumenn á æfingum og í leikjum á Spáni næsta vetur.
Kári Jónsson
» 21 árs gamall Hafnfirðingur.
» Landsliðsmaður í körfu-
knattleik og var lykilmaður í
U20 ára landsliðinu sem komst
í 8 liða úrslit á EM í fyrra.
» Gerði á dögunum eins árs
samning við Barcelona.
» Lék með Haukum en var auk
þess eitt tímabil hjá Drexel-
háskólanum í Philadelphia.
» Var kjörinn efnilegasti leik-
maður Íslandsmótsins árið
2016.
4 ÍÞRÓTTIR
MORGUNBLAÐIÐ LAUGARDAGUR 18. ÁGÚST 2018
–– Meira fyrir lesendur
NÁNARI UPPLÝSINGAR:
Katrín Theódórsdóttir
Sími: 569 1105 kata@mbl.is
Í blaðinu verður kynnt fullt
af þeim möguleikum sem
í boði eru fyrir þá sem
stefna á heilsuátak og
bættan lífsstíl.
PÖNTUN AUGLÝSINGA:
Fyrir þriðjudaginn 21. ágúst
fylgir Morgunblaðinu föstudaginn 24. ágúst 2018
Heilsa& lífsstíll
SÉRBLAÐ