Velferð - 01.12.1995, Blaðsíða 8

Leyst úr mörgum
félagslegum vandamálum
11 fengu styrk úr Styrktarsjóði félagsins á árinu.
Eins og áður hefur verið
skýrt frá geta félagsmenn
innan LHS leitað til skrifstofu
félagsins til að fá félagslega
aðstoð eða leiðbeiningar.
Skrifstofan er opin alla virka
daga, sími 562 5744 og 552
5744.
Sigurður Helgason, formaður
samtakanna, sagði að hann og skrif-
stofan hefðu leyst úr ýmsum málum
fyrir félagsmenn, t.a.m. nokkur
skattamál, sem öll væru farsællega
afgreidd. Einstaka mál hefðu farið
dómstólaleið, eða verið afgreidd hjá
Félagsmálastofnun. Helst væru þetta
mál þar sem hlutaðeigendur ættu rétt á
meiri bótum eða aðstoð en látið hefur
verið í té.
Eg var að ganga frá einu slíku máli
fyrir Bæjarþingi í dag, sagði Sigurður,
og þar er að nást sátt. Hjón höfðu
fengið 83 þús. kr. á mánuði úr opin-
berum sjóðum en áttu rétt á 96 þús. kr.
sem þau munu fá framvegis. Enn-
fremur hafði hússjóður þeirra hækkað
þjónustugjöld sín upp úr öllu valdi og
mér tókst að fá vexti og annan
aukakostnað felldan niður. Málið
semsagt allt afgreitt á félagslegum
grundvelli. Annars finnst mér að þeir
sem minna mega sín í þjóðfélaginu
eigi í miklum erfiðleikum.
Sigurður sagði að íbúð LHS og
Rauða krossins við Lokastíg hefði
verið vel nýtt undanfarna mánuði og
vonandi yrði svo áfram.
Eins og kemur fram á öðrum stað í
blaðinu hafa samtökin og Reykjavíkur-
félagið úthlutað náms- og farar-
styrkjum á árinu, en þar að auki hefur
um 450 þús. kr. verði úthlutað úr
Sjúkrasjóðnum, en í sjóðinn hafa
runnið um 900 þús. krónur á þessu ári.
Uthlutað var m.a. til þeirra sjúklinga
sem hafa fengið líffæraígræðslu á
erlendri grund.
Þarftu ekki að bæta þrekið ?
Mundu HL stöðina
Um þessar mundir njóta um 300 hjarta- og
lungnasjúklingar endurhæfingar á HL stöðinni í
Reykjavík. Að jafnaði eru átta hópar hjarta-
sjúklinga að æfa, tveir hópar lungnasjúklinga og
einn blandaður hópur. Þá eru starfandi tveir hópar
sjúklinga á Stigi 2 en það er fólk nýkomið úr
hjartaskurði eða blásningu og undir nánu eftirliti.
Þó aðsókn sé jöfn og góð er oftast hægt að bæta
við þátttakendum með litlum fyrirvara. Ástæða er
til að benda mökum á að taka þátt í endurhæfing-
unni.
• Norska fréttastofan NTB skýrði nýlega frá því
að milli 12-18 þúsund manns fái árlega
heilablóðfall í Noregi og eru um 1500 á aldrinum
30-40 ára. Um þriðji hver sjúklingur deyr fjótlega
af völdum skaðans, en um 30% þeirra, sem lifa
heilablóðfallið af , verða svo hressir á ný að þeir
geta aftur tekið upp þráðinn þar sem frá var
horfið.
Fréttastofan segir að bjarga megi fjölda fólks
frá alvarlegum skaða og jafnvel dauða ef strax er
tekið mark á þeim einkennum, sem boða að
heilablóðfallið sé í nánd.
Við minnstu lömunartilfinningu, og þótt þú sért
orðinn jafngóður tveimur til þrem mínútum eftir
einkennin, skaltu strax leita læknis. Alvarleg
tíðindi kunna að vera framundan ef þú missir
mátt í hendi, missir t.d. kaffibollann, getur ekki
skrifað, ekki hreyft fætur eða sjónin hverfur á
öðru auganu nokkrar mínútur.
(Heimild Trygd og Arbeid)
8