Litli Bergþór - 01.08.2015, Blaðsíða 13
Litli-Bergþór 13
Samantekt:
Kristófer Tómasson
Geysir hefur starfað með ágætis þreki síðustu misserin.
Segja má að nokkuð fastar skorður séu í verkum og
viðburðum. Eiginleg áramót í störfum Lionsklúbba
eru um mánaðamótin júní – júlí ár hvert. Sér nú brátt
fyrir endann á 31. starfsári klúbbsins.
Á síðasta ári eignaðist klúbburinn afkvæmi, Lions-
klúbbinn Dynk í Skeiða- og Gnúpverjahreppi, og
dafnar það vel.
Fyrsti fundur starfsársins er jafnan um miðjan
september og eru fundir að öllu jöfnu fyrsta og þriðja
miðvikudag í mánuði fram í maí. Farið var í haustferð
með mökum í október og var ekið austur í Rangárþing
ytra og Holta– og Landsveit heimsótt með viðkomu
á nokkrum bæjarhlöðum. Birtust þar sjónarhorn yfir
í Árnessýslu sem voru mörgum nýstárleg. Gersemar
í Þjórsárdal voru einnig litnar augum og kvöldverður
snæddur í Árnesi. Af höfðingsskap var, í nóvember,
tekið á móti klúbbnum og Lionsklúbbnum Dynk
í glæsilegu garðyrkjustöðinni í Gufuhlíð. Jón
Sigurðsson, fyrrum formaður Framsóknarflokksins
og fyrrum rektor á Bifröst, var fyrirlesari á fundi í
desember. Valtýr sveitarstjóri og Helgi oddviti greindu
okkur frá gangi mála hjá sveitarfélaginu í nýrri
veitustöð í febrúar. Villimannakvöldið svonefnda,
sem klúbburinn stendur fyrir í Aratungu á Þorraþræl,
er orðinn stærsti viðburður klúbbsins og umtalsverð
fjáröflun. Þar koma saman um 150 karlar úr nokkrum
Lionsklúbbum á Suðvesturhorninu ásamt vinum, eta
hrossaket og skemmta sér. Vorverk klúbbsins eru
tvenn. Hreinsun með helstu vegum í sveitarfélaginu
fyrir Vegagerðina og útplöntun í Rótarmannatorfum.
Það hefur tekist að reyta saman nokkru fé á hverju
ári og er það notað til góðra mála. Heilsugæslan,
skólinn og íþróttamannvirki hafa notið stuðnings frá
klúbbnum. Einnig hefur verið lagt fé til sameiginlegs
hjálparsjóðs í héraðinu auk alþjóða hjálparsjóðs Lions.
Félagar telja vel á þriðja tuginn um þessar mundir og
er það þéttur hópur sem líklegur er til að halda sínu
striki vel við að leggja góðum málum lið um ókomin
ár.
Þegar þessar línur eru settar á blað höfum við nýlega
horft á eftir félaga okkar, Hallgrími Magnússyni lækni,
yfir móðuna miklu. Mikill söknuður er í hjörtum
okkar klúbbfélaganna. Hann var með okkur í sjö ár
í klúbbnum og setti sitt mark á hann. Mörg fróðleg
erindi flutti Hallgrímur okkur og lá ekki á skoðunum
sínum. Þeim miðlaði hann til okkar á uppbyggjandi og
mildan hátt. Undirritaður skynjaði fljótt manngæsku
hans og umhyggju fyrir náunganum. Hugur okkar
hefur leitað mjög til hans nánustu.
Núverandi stjórn skipa Kristófer Tómasson for-
maður, Helgi Guðmundsson ritari og Snorri Guð-
jónsson gjaldkeri. Sú stjórn sem tekur við völdum í
sumar er skipuð Guðmundi Ingólfssyni formanni,
Þorsteini Þórarinssyni ritara og Snorra Guðjónssyni
gjaldkera.Við erum þakklátir fyrir góðan hug íbúa
sveitarfélagsins til klúbbsins. Við fyllumst stolti þegar
við fáum að heyra að það muni um okkur í samfélaginu.
Fyrir hönd klúbbsins,
Kristófer Tómasson.
Lionsstarf Tungnamanna
um þessar mundir