Litli Bergþór - 01.08.2015, Blaðsíða 27

Litli-Bergþór 27
Unglingaflokkur
Karitas Ármann og Blökk frá Þjóðólfshaga
Sigríður Magnea Kjartansdóttir og Fróði frá Bræðra-
tungu
Ungmennaflokkur
Jón Óskar Jóhannesson og Óðinn frá Áskoti
Finnur Jóhannesson og Sproti frá Sauðholti 2
B-flokkur
Sólon Morthens og Ymur frá Reynisvatni
A-flokkur
Valdimar Bergstað og Krapi frá Selfossi
Bjarni Sveinsson og Baugur frá Bræðatungu
Hestamannafélagið Logi fékk Sylvíu Sigurbjörnsdótt-
ur til að kenna yngstu knöpunum og fara yfir helstu
reglur og önnur atriði sem þarf að hafa í huga fyrir
Landsmót.
Árangur Logafélaga var til fyrirmyndar og sérstaklega
verður að geta um yngstu knapana sem lentu í efstu
sætum í sínum flokki, Sölvi Freyr Freydísarson lenti
í 10. sæti og Rósa Krístín Jóhannesdóttir í 14. sæti.
Sannarlega frábær árangur hjá yngstu keppendum
lítils félags.
Hestaþing Loga
Hestaþing Loga fór fram um versl-
unarmannahelgina 2014 í Hrísholti
í blíðskaparveðri. Forkeppni í gæð-
ingakeppni og kappreiðar fóru fram á
laugardaginn og tölt og úrslit í öllum
greinum á sunnudaginn. Glæsilegasti
hestur mótsins var valin Kolbrá
frá Kjarnholtum I í eigu Magnúsar
Einarssonar sem Daníel Jónsson sat en
Kolbrá og Daníel sigruðu í A-flokki
gæðinga. Finnur Jóhannesson frá Brekku
var valinn knapi mótsins.
Uppskeruhátíð æskunnar var haldin í
reiðhöllinni að Flúðum þann 9. október
og þar fékk Sölvi Freyr Freydísarson
Feykisskjöldinn fyrir góðan árangur á
árinu og miklar framfarir.
Skipt var um stjórn að hluta í reiðhöllinni
á Flúðum á aðalfundi í maí 2014. Einar
Á.E. Sæmundsen hætti sem formaður
stjórnar reiðhallarinnar og Bjarni H.
Ásbjörnsson tók við formennsku. Fulltrúi
Loga var valinn Hólmfríður Ingólfsdóttir
og hefur hún ásamt fleirum staðið að því
góða starfi sem Hollvinir reiðhallarinnar
standa að. Reiðhöllin hefur sannað sig
sem mikilvægur hlekkur í starfi hestamannafélaganna
og eru félagar hvattir til að standa með og styðja við
starfið í höllinni á allan hátt.
Firmakeppni var haldin að venju í byrjun júní og var
ágæt þátttaka. Þessi fjáröflun er mikilvæg félaginu og
nauðsynlegt að halda vel utan um þetta mót.
Logafélagar fjölmenntu í kirkjureið í Skálholt í ágúst
2014 og var gerður góður rómur að þeirri ferð. Góðar
veitingar voru í boði í Skálholti eftir messu.
Sameiginleg árshátíð Loga, Trausta og Smára var hald-
in í Aratungu undir lok október og var þokkalega sótt
og góður rómur gerður að mat. Skemmtu hestamenn
sér ágætlega saman. Árshátíð 2015 verður í umsjón
Loga og verður stefnt að mikilli skemmtan í október.
Landsþing hestamanna var haldið á Selfossi í byrjun
nóvember og fóru þrír fulltrúar Loga á þingið Einar Á.E.
Sæmundsen, Sólon Morthens og Líney Kristinsdóttir.
Landsþingið varð sögulegt þegar tekist var á um tillögu
Skagfirðinga um að halda skyldi til streitu viðræðum
við Gullhyl um samninga um landsmót í Skagafirði.
Boðað var til framhaldsaðalfundar þann 8. nóvember
þar sem ný stjórn var kjörin.
Stjórn Loga þakkar öllum þeim sem lögðu starfi
félagsins lið á árinu 2014 fyrir vel unnin störf.
Logafélagar fagna góðum árangri. Rósa Kristín Jóhannesdóttir,
Sigríður Magnea Kjartansdóttir, Karitas Ármann, Sölvi Freyr
Freydísarson, Eva María Larsen og Þórhildur Júlía E. Sæmundsen.