Fylkir - 25.05.2018, Blaðsíða 2

°
°
2 FYLKIR - 25. maí 2018
Útgefandi:
Eyjasýn ehf. fyrir hönd
Sjálfstæðisfélaganna
í Vestmannaeyjum.
Umbrot: Eyjasýn ehf.

Prentun: Stafræna Prentsmiðjan.

Upplag: 1800 eintök.
Ritnefnd:
Trausti Hjaltason, ábm.,
Arnar Sigurmundsson,
Jarl Sigurgeirsson
Sindri Ólafsson
Páll Marvin Jónsson
Kröftugt og metnaðarfullt
samfélag eins og okkar krefst
fjölbreytts atvinnulífs. Undir
forystu sjálfstæðismanna hefur
Vestmannaeyjabær haft kröftuga
aðkomu að atvinnulífinu. Áhersla
hefur verið lögð á samstarf við
einkaaðila og stuðning við
menntun sem skapar frjóan
jarðveg fyrir nýsköpun og
hugmyndir.
Samstarfið við alþjóðlega
stórfyrirtækið Merlin hefur þegar
skilað verkefni sem valda mun
straumhvörfum í ferðaþjónustu og
skapa sterkan segul sem draga
mun að ferðamenn og auka
þjónustu við þá. Allt er það án
nokkurar fjárhagslegrar aðkomu
Vestmannaeyjabæjar.
Sjálfstæðisflokkurinn hefur nú
kynnt hugmynd sína um næsta
stóra samstarfsverkefni en það er
fólgið í því að koma upp baðlóni í
nýjahrauninu. Þar er stefnt að því
nýta þann mikla varma sem verður
til þegar hafin er brennsla á sorpi á
ný með því að hita baðlón sem þó
verður staðsett í góðri fjarlægð frá
brennsluofninum.
Undirbúningur er þegar hafinn
og hafa fyrstu hugmyndir að
hönnun lónsins verið kynntar. Þá
liggur fyrir vilji Bláa lónsins til að
leiða verkefnið. Sem fyrr eru
hagsmunir Vestmannaeyjabæjar
að leiðarljósi og engin fjárhagsleg
aðkoma að verkefninu.
Baðlón í nýja hraunið
Bláa lónið og Vestmannaeyjabær á leið í samstarf
Vestmannaeyjar eru íþróttabær og
árangur íþróttafólksins okkar
einstakur. Við vitum að íþrótta- og
tómstundastarf er mikilvægur
þáttur í forvarnarstarfi ungmenna
og því er nauðsynlegt að tryggja
öflugt starf á þessu sviði. Við erum
stolt af því að geta með sanni sagt
að aðstaða til íþróttaiðkunar er ein
sú besta á öllu landinu og að vel er
stutt við bakið á íþróttafélögum
hér í bæ.

Fái Sjálfstæðisflokkurinn til þess
umboð mun hann ráðast í næstu
skref og er þar meðal annars horft
til þess að setja gervigras á einn af
knattspyrnuvöllunum, bæta
búningaðstöðu við Hásteinsvöll og
stórbæta æfingaaðstöðu fyrir
afreksfólk.
Gervigras, nýir búningsklefar og sér-
hæfð æfingaaðstaða fyrir afreksfólk