Morgunblaðið - 31.01.2019, Side 7

MORGUNBLAÐIÐ FIMMTUDAGUR 31. JANÚAR 2019 7
Snjall og snjöll
ný hugbúnaðarlausn
Upplýsingar
í skýinu
Tölvupóstur með
lotustýringu
Rauntíma-
skráning
hráefna
Gufunes, 112 Reykjavík
Sími 577 5757 – gamur@gamur.is
Tæknivæðum sorpmálin
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Jafnt og þétt fjölgar þeim sjávar-
útvegsfyrirtækjum sem hafa tekið
skinnpakkningatækni (e. Skin Pack) í
sína þjónustu. Blámar var með þeim
fyrstu til að bjóða upp á skinnpakk-
aða fiskbita en í dag selur fyrirtækið
íslenskan fisk í neytendapakkningum
í fjölda verslana í Hong Kong, og í
vor verða vörur Blámars komnar í
200 matvöruverslanir á meginlandi
Kína.
Valdís Fjölnisdóttir, framkvæmda-
stjóri Blámars, segir skinnpakkning-
arnar m.a. hafa þann kost að halda
óæskilegum efnum vel frá fiskinum.
„Það kemst ekkert inn í pakkninguna
og eykur það bæði ferskleika og leng-
ir hillulíf fisksins um allt að 2-4
daga,“ útskýrir hún og bætir við að
frá því Blámar hóf að nota skinn-
pakkningar árið 2015 hafi þessi teg-
und umbúða breitt hratt úr sér um
matvælageirann. „Ég man að þegar
fyrirtækið var nýstofnað og ég heim-
sótti sjávarútvegssýninguna í Bruss-
el þá sá maður þetta varla, en í dag er
allt morandi í skinnpökkuðum
vörum. Þróunin er ekki bara bundin
við sjávarútveginn og núna er hægt
að finna mikið af skinnpakkaðri kjöt-
vöru í kælum íslenskra matvöru-
verslana.“
Lengra hillulíf kemur sér vel þegar
flytja þarf fiskinn hinum megin á
hnöttinn en Valdís bendir á að við-
skiptavinurinn geti líka handfjatlað
vöruna með öðrum hætti og fengið
betri tilfinningu fyrir ferskleikanum
á meðan hann velur hvaða matvöru á
að raða í innkaupakörfuna. „Þá er
skinnpakkningin notendavæn og
verndar t.d. fiskbitann í afþíðingu, og
allt annað en við áttum að venjast í
gamla daga þegar mamma geymdi 5
kg poka af frosinni ýsu í frystinum og
tók út eitt flak á morgnana til að láta
þiðna yfir daginn ópakkað og óvarið.“
Ekki ný tækni
Magnús Sigurðsson er fram-
kvæmdastjóri Multivac ehf. en það er
þýska fyrirtækið Multivac sem fram-
leiðir Skin Pack-tæki Blámars og
plastumbúðirnar sem nota þarf við
pökkunina. Hann segir að tæknin sé
ekki ný af nálinni og að fyrstu Skin
Pack-vélarnar hafi komið á mark-
aðinn fyrir tæplega þremur áratug-
um. „Vinsældirnar hafa gengið í
bylgjum en á síðustu fimm árum hafa
þessar umbúðir náð miklu flugi.“
Pökkunarvélar Multivac virka
þannig að vörunni er komið fyrir á
stífri undirfilmu og mjúk yfirfilma
lögð yfir. „Um leið og pakkningin er
lofftæmd er yfirfilman hituð upp og
blásið yfir vöruna svo að hún mýkist
og leggst þétt upp að bæði vörunni og
undirfilmunni,“ útskýrir Magnús.
Hann segir skinnpakkningu m.a.
hafa þann kost að þola betur hnjask.
„Ef viðskiptavinur handfjatlar t.d.
frosinn fiskbita í venjulegum loft-
tæmdum umbúðum og hendir síðan
aftur ofan í frystinn í matvöruversl-
uninni, þá getur myndast lítið gat
sem hleypir lofti inn. Smám saman
leitar meira loft inn um gatið og um-
lykur fiskinn svo hann tekur að
skemmast. Í skinnpakkningum ger-
ist þetta síður því filman liggur svo
þétt upp að vörunni að það litla súr-
efni sem kemst í gegn nær ekki að
dreifa sér.“
Aðspurður segir Magnús að Multi-
vac-vélarnar séu ekki mikið dýrari en
aðrar vélar fyrir lofttæmda pökkun.
„Þá geta vélarnar sem við seljum í
dag bæði skinnpakkað, vakúm-
pakkað og gert loftskiptar umbúðir.“
Segir hann að kílóverð umbúðanna sé
svipað og ef notaðar væru dæmigerð-
ar lofttæmdar umbúðir en ögn meira
magn af plasti þurfi í hverja pakkn-
ingu.
Kaupandinn sér fiskinn betur
Ópal Seafood er einn af nýjustu
viðskiptavinum Multivac. Þar er
uppistaðan í framleiðslunni reyktur
lax og bleikja, bæði í bitum og sneið-
um. Birgir Sævar Jóhannsson er einn
af eigendum þessa smáa fjölskyldu-
fyrirtækis og segir hann ástæðuna
fyrir því að skipt var yfir í skinnpakn-
ingar vera æ strangari kröfur um
innihaldsefni umbúða. „Í nærri hálfa
öld hefur tíðkast að pakka reyktum
laxi í vakúmpoka með spjaldi, en allt-
af verið deilt um hvaða efni eru notuð
í spjöldin. Eru spjöldin sem fram-
leidd eru í sumum löndum ekki leyfð í
öðrum og gera t.d. Bandaríkin mjög
stífar kröfur um hvers konar vottanir
þurfa að fylgja laxaspjöldunum. Með
því að nota skinnpakkningu erum við
laus við þennan vanda enda engar
deilur um plastefnin sem notuð eru í
umbúðirnar: þær innhalda engin efni
sem ekki mega komast í snertingu
við matvæli og hægt að eyða þeim
eða endurvinna á öruggan hátt.“
Birgir starfaði á sínum tíma hjá
SÍF í Frakklandi og minnist hann
þess að þar hafi verið til skinnpökk-
unarvélar frá fyrirtækinu Dixie og
voru þær lítið notaðar. „Bæði hefur
greinin áttað sig betur á eiginleikum
þessara umbúða og neytendur orðnir
vanari skinnpakkningu, en svo eru
vélarnar líka orðnar nettari og not-
endavænni. Var það t.d. áður tveggja
manna verk að skipta um umbúðir,
en það er á færi eins starfsmanns í
dag.“
Bætir Birgir við að fiskurinn líti
betur út skinnpakkaður: „Neytand-
inn sér vöruna betur í umbúðunum
og hann á auðvelt með að opna hana
með einu handtaki frekar en að þurfa
að nota skæri eins og ef um væri að
ræða lofttæmdar umbúðir af eldri
gerðinni.“
Notar Ópal svarta undirfilmu og
aðspurður hvort einhver hætta sé á
að neytendur muni sakna gyllta
pappaspjaldsins segist hann ekki
eiga von á því og reyktur fiskurinn
taki sig vel út á svörtum bakgrunni.
„Ástæðan fyrir því að langflestir
framleiðendur hafa notað spjöld sem
eru gyllt öðrum megin og silfruð hin-
um megin er ekki sú að þau séu svo
fín, heldur að þau eru einfaldlega
ódýrasti kosturinn.“
Fallegri vara og með lengra hillulíf
Ásgeir Ingvarsson
ai@mbl.is
Skinnpakkningar hafa
breiðst hratt út í sjávar-
útvegi enda þykir þessi
tegund umbúða vernda
vöruna betur.
Morgunblaðið/Hari
Birgir Sævar Jóhannsson hjá Ópal Seafood með vörur úr reyktum laxi, tilbúnar fyrir skinnpökkun í nýju vélinni.
Valdís
Fjölnisdóttir
Magnús
Sigurðsson
Afurðaverð á markaði
30. janúar 2019, meðalverð, kr./kg
Þorskur, óslægður 292,24
Þorskur, slægður 339,57
Ýsa, óslægð 275,96
Ýsa, slægð 255,42
Ufsi, óslægður 61,26
Ufsi, slægður 111,93
Gullkarfi 137,41
Blálanga, óslægð 27,00
Blálanga, slægð 269,81
Langa, óslægð 174,44
Langa, slægð 175,91
Keila, óslægð 74,60
Keila, slægð 92,25
Steinbítur, óslægður 178,25
Steinbítur, slægður 226,71
Skötuselur, slægður 447,36
Grálúða, slægð 287,11
Skarkoli, slægður 274,46
Þykkvalúra, slægð 534,95
Bleikja, flök 1.501,33
Gellur 845,00
Grásleppa, óslægð 43,93
Hlýri, slægður 198,93
Hrogn/þorskur 422,06
Hvítaskata, slægð 12,00
Lúða, slægð 403,39
Lýsa, óslægð 74,64
Lýsa, slægð 129,98
Náskata, slægð 10,00
Rauðmagi, óslægður 153,63
Skata, óslægð 11,00
Skata, slægð 52,18
Tindaskata, óslægð 11,00
Undirmálsýsa, óslægð 172,26
Undirmálsýsa, slægð 137,00
Undirmálsþorskur, óslægður 165,04
Undirmálsþorskur, slægður 174,81