Fréttir - Eyjafréttir - 15.06.2015, Síða 11

11Eyjafréttir / Miðvikudagur 15. júlí 2015
Þessa dagana er að koma út
geisladiskur og DVD diskur
(Mynddiskur) með upptökum
af tónleikunum, Ég veit þú
kemur - Lífið er yndislegt sem
haldnir voru í Hörpu 24. janúar í
vetur. Eru Þetta fjórðu tónleik-
arnir sem Bjarni Ólafur Guð-
mundsson og Guðrún Mary
Ólafsdóttir standa fyrir og er
þemað, eins og áður, Eyjalögin
sem eru Eyjamönnum svo
dýrmæt.
Bjarni Ólafur er mjög ánægður með
hvernig til tókst með upptökurnar.
„Á geisladiskinum eru ekki allir
tónleikarnir, einfaldlega vegna þess
að þeir komust ekki allir fyrir á
einum diski. En á mynddiskinum
eru allir tónleikarnir ásamt
aukaefni, m.a. viðtöl sem Sighvatur
Jónsson tók við fólk í hléinu, bæði
Eyjafólk og aðra sem mættir voru
til að hlusta á Eyjalögin sem eru,
þegar upp er staðið, engin einkaeign
Eyjamanna,“ sagði Bjarni Ólafur í
spjalli við Eyjafréttir.
Meðal aukaefnis er flutningur á
lagi Þorvaldar Bjarna við ljóð
Kolbrúnar Hörpu Kolbeinsdóttur frá
2013, Yfir eld og glóð. „Ljóðið var
valið í ljóðasamkeppni og Þorvaldur
Bjarni tók að sér að semja lagið og
útkoman frábær eins og þeir vita
sem voru á tónleikunum þetta ár
þegar við minntumst þess að 40 ár
voru frá upphafi gossins á Heimaey.
Þetta er í fyrsta skipti sem lagið
kemur fyrir almenningssjónir og
gaman að eiga þátt í að koma þessu
lagi og ljóði á framfæri og að það
verði eign okkar Eyjamanna allra,
sama hvar við búum.“
Óendanlega vænt
um tónlistina
Eins og áður er komið fram eru
þetta fjórðu tónleikarnir sem þau
Bjarni Ólafur og Guðrún Mary
standa fyrir í Hörpu og alltaf verið
uppselt. „Ég segi að fólki þyki svo
óendanlega vænt um þessa tónlist,
Eyjatónlistina sem við erum að gefa
nýtt líf á þessum tónleikum,“ segir
Bjarni Ólafur þegar hann er spurður
hvort endalaust sé hægt að gera út á
sömu tónlistina.
„Ég get nefnt dæmi eins og
Kvöldsiglingu Gísla Helgasonar
sem Gréta Salóme flutti svo
eftirminnilega 2013. Núna kemur
Páll Óskar og syngur Kvöldsiglingu
með sínum hætti, bæði frábærir
listamenn og útkoman glæsileg hjá
báðum þó ólík séu. Mér finnst að
lagið eigi bara alveg skilið að báðar
þessar útgáfur séu til, enda ótrúlega
fallegt lag.“
Djúpur brunnur
Bjarni Ólafur segir að brunnurinn
sé ansi djúpur þegar kemur að
Eyjatónlistinni og því sé lítið mál
að skipta út lögum og taka inn ný.
„Það höfum við gert á hverju ári
ásamt því að fá nýja flytjendur.
Núna fengum við Bjartmar og
Logana sem svo sannarlega slógu í
gegn, ekki síst hjá Bítlakynslóðinni
sem ólst upp við þessi lög. Í heild
finnst mér tónleikarnir hafa verið
mjög góður þverskurður af
tónlistarsögu Vestmannaeyja í
gegnum árin. Listamenn frá Eyjum
hafa líka fengið sín tækifæri og
frábært að sjá og heyra Sunnu,
Alexander Jarl og Silju Elsabetu
blómstra á sviðinu í Eldborg á
tónleikunum í vetur.“
Diskarnir verða til sölu í versl-
unum í Vestmannaeyjum og í
Reykjavík og líka á hollin.is. „Það
er gert fyrir Jónas Gísla í Mexíkó
og aðra Eyjamenn sem búa út um
allan heim og um allt land og svo er
hægt að fá eldri diskana líka á
sérstöku tilboðsverði á hollin.is,“
sagði Bjarni Ólafur að endingu.
Eiður ánægður
„Upptakan á þessum geisladiski og
DVD mynddiski er frá fjórðu
Eyjatónleikunum sem heiðurshjónin
Bjarni Ólafur og Guðrún Mary hafa
staðið fyrir í Eldborg í Hörpu, þar
sem núverandi og brottfluttir
Eyjamenn fylltu salinn. Líkast til
var síðarnefndi hópurinn fjölmenn-
ari þetta kvöld en maður hættir
heldur aldrei að vera Eyjamaður.
„Brottfluttur“ er bara landafræði.
Eyjarnar og tónlistin hafa alltaf
sama aðdráttar-
aflið fyrir okkur
hina brottfluttu,“
segir Eiður
Arnarsson,
Eyjamaður,
bassaleikari og
forstöðumaður
tónlistarsviðs
Senu en hann
hefur komið að
öllum tónleik-
unum sem
skipuleggjandi og
tónlistarmaður, í
greinarkorni sem
fylgir diskunum.
Fyrstu tónleikarnir
Hann rifjar upp að fyrstu tónleik-
arnir í þessari tónleikaröð fóru fram
16. nóvember 2011 í tilefni af 100
ára fæðingarafmæli helsta tónskálds
Vestmannaeyja, Oddgeirs Kristjáns-
sonar. „Lög Oddgeirs hafa ekki
einungis lifað með Vestmannaey-
ingum heldur allri þjóðinni enda var
Oddgeir lagasmiður af Guðs náð og
tónsmíðar hans margar í heims-
klassa. Í mínum huga eru lög eins
og Heima og Ég veit þú kemur með
allra bestu söng- og dægurlögum
Íslands. En Eyjarnar hafa alið af sér
marga aðra góða lagasmiði og ekki
síður textaskáld. Einstaklega
myndrænir textar hafa gjarnan verið
grunnurinn að Eyjalögunum, ekki
síst í verkum Ása í Bæ, Árna úr
Eyjum og annarra - og sérstaklega í
lögunum sem við kennum við
Þjóðhátíð í Eyjum.
Tónleikar númer tvö
Aðrir Eyjatónleikarnir í Hörpu fóru
fram þann 26. janúar 2013 til
minningar um að 40 ár voru liðin
frá því að eldgosið í Heimaey hófst.
Af því tilefni var frumflutt á
tónleikunum afar eftirminnilegt lag,
Yfir eld og glóð, samið af Þorvaldi
Bjarna Þorvaldssyni við ljóð Hörpu
Kolbeinsdóttur. Að öðru leyti voru
þjóðhátíðarlögin í brennidepli á
þessum tónleikum.
Það er engum blöðum
um það að fletta að
ekkert annað
bæjarfélag á Íslandi
eignast nýtt ein-
kennislag, eins konar
þjóðsöng á ári hverju
og oftast lag sem nær
almannahylli á
landsvísu. Þjóðhá-
tíðarlagið er einn sá
þáttur við Þjóðhátíð í
Eyjum sem mér þykir
hvað vænst um.
Framúrskarandi hefð
sem skilað hefur
mörgum perlum sem lifa munu
okkur öll.
Tónleikar númer þrjú
Á þriðju tónleikunum, þann 8.
febrúar 2014 var yfirskriftin „Ég
þrái heimaslóð“ enda tilefnið 100
ára fæðingarafmæli Ása í Bæ og
140 ára afmæli Þjóðhátíðar
Vestmannaeyja. Enn og aftur
troðfylltu Eldborg Eyjamenn
hvaðanæva af landinu og skemmtu
sér konunglega við að hlýða á
Eyjalög Ása og annarra. Flytjendur
voru margir af bestu hljóðfæraleik-
urum og söngvurum lands og Eyja
en Bjarni Ólafur og Guðrún Mary
hafa alltaf lagt áherslu á að á
Eyjatónleikum þeirra komi bæði
fram besta tónlistarfólk landsins og
þverskurður af tónlistarfólki
Eyjanna, ungu og efnilegu í bland
við þá reyndari. Ekki stóð til að
halda fleiri Eyjatónleika í Hörpu að
sinni en „Það er engin leið að
hætta“ eins og segir í dægurlagi
fyrrum skólahljómsveitar úr
Menntaskólanum við Hamrahlíð
sem tengist þjóðhátíð með eftir-
minnilegum hætti,“ segir Eiður.
Héldu okkur engin bönd
Um fjórðu og síðustu tónleikana
segir Eiður: „Á þessum fjórðu
tónleikum héldu okkur engin bönd.
Ekkert þema í efnisvali annað en
Eyjalög af öllum aldri og af öllum
gerðum. Nú beindum við í fyrsta
sinn sterku kastljósi að lögum og
textum Eyjamannsins Bjartmars
Guðlaugssonar. Þar er nú aldeilis
fjársjóður á ferð. Við hrærðum þeim
saman við lög Oddgeirs og Ása, lög
unglingahljómsveitarinnar Loga,
þjóðhátíðarlög frá ýmsum tímum
og ekki síst þau nýjustu. Meistarinn
Þorvaldur Bjarni Þorvaldsson hafði
tónlistarlega stjórn á þessu öllu og
fórst það auðvitað afar vel úr hendi
eins og áður. Syngdu með og njóttu
vel, kæri hlustandi, áheyrandi,
tónleikagestur og Eyjamaður,“ segir
Eiður Arnarsson, Sigurmundssonar,
Runólfssonar.
Glæsileg útkoma
Söngvarar eru Björgvin Halldórs-
son, Páll Óskar, Sigga Beinteins,
Bjartmar Guðlaugsson, Eyþór Ingi,
Hreimur Örn, Kristján Gísla, Silja
Elsabet, Sunna Guðlaugs, Alex-
ander Jarl, Alma Rut og Óskar
Einarsson ásamt meðlimum úr
Gospelkór Reykjavíkur.
Hljómsveitina skipa Eiður
Arnarsson á bassa, Birgir Nielsen á
trommur, Jón Elvar Hafsteinsson á
gítar, Kjartan Valdemarsson á
hljómborð og harmonikku, Vignir
Þór Stefánsson, Sigurður Flosason á
saxófón, flautur og slagverk,
Kjartan Hákonarson á trompet,
flugelhorn og slagverk og Þorvaldur
Bjarni hljómsveitarstjóri, sjálfur á
gítar.
Of langt yrði að telja upp
lagalistann en þar er að finna mörg
gullkornin. Undirritaður var svo
heppinn að vera viðstaddur
tónleikana í Hörpu sem var einstök
upplifun. Hún var öðru vísi en ekki
síðri að sjá þá á Skjá 1 fyrr í sumar.
Tónlistin kemst vel til skila og gott
ef Páll Magnússon, Palli á Stöðinni,
sem kynnti tónleikana af stakri
snilld, nýtur sín ekki betur á
skjánum.
Öll myndataka, tæknivinna og
samsetning, sem var í höndum
Sighvats Jónssonar, er til fyrir-
myndar. Þannig að í heild er
pakkinn eigulegur gripur sem
gaman verður að ylja sér við á góðri
stund og dimmum vetrarkvöldum.
Gott framtak sem er öllum sem að
komu til sóma.
Tónleikarnir Lífið er yndislegt – Ég veit þú kemur koma út á diskum:
Mjög góður þverskurður af
tónlistarsögu Vestmannaeyja
í gegnum árin
:: Listamenn frá Eyjum hafa líka fengið sín tækifæri :: Yfir eld og glóð meðal aukaefnis:
Ómar GarðarSSon
omar@eyjafrettir.is
Fjöldi flytjenda kom fram á tónleikunum, Eyjafólk í bland við landsþekkta söngvara.
Tónleikarnir fást nú á CD og DVD.
„Á þessum fjórðu tónleikum héldu okkur
engin bönd. Ekkert þema í efnisvali annað
en Eyjalög af öllum aldri og af öllum gerð-
um. Nú beindum við í fyrsta sinn sterku
kastljósi að lögum og textum Eyjamannsins
Bjartmars Guðlaugssonar. Þar er nú aldeilis
fjársjóður á ferð. Við hrærðum þeim saman
við lög Oddgeirs og Ása, lög unglingahljóm-
sveitarinnar Loga, þjóðhátíðarlög frá ýms-
um tímum og ekki síst þau nýjustu...“
”