Fréttir - Eyjafréttir - 29.03.2017, Síða 2

2 Eyjafréttir / Miðvikudagur 29. mars 2017
útgefandi: Eyjasýn ehf. 480278-0549.
ritstjóri: Ómar garðarsson - omar@eyjafrettir.is.
blaðamenn:
Einar Kristinn Helgason - einarkristinn@eyjafrettir.is
Sara Sjöfn grettisdóttir - sarasjofn@eyjafrettir.is
ábyrgðarmaður: Ómar garðarsson.
prentvinna: landsprent ehf.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
Netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, tvistinum,
Kránni, Vöruval, Herjólfi, Krónunni og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Nýlega færði Kvenfélagið Líkn
Sjúkradeild HSU-Vestmannaeyjum
veglega gjöf til endurnýjunar á
eftirlitstækjum á sjúkradeild. Með
þessum eftirlitsbúnaði er hægt að
fylgjast með hjartslætti, blóðþrýst-
ingi og súrefnismettun hjá sjúk-
lingum, bæði rúmliggjandi en
einnig fólki sem er á fótaferð.
Mælingar birtast á skjá sem
staðsettur er inni á vaktherbergi
hjúkrunarfólks á sjúkradeild.
Búnaðurinn sendir einnig viðvörun
í vaktsíma hjúkrunarfræðings komi
eitthvað óeðlilegt fram. Með
þessum búnaði er hægt að fylgjast
með fleiri sjúklingum, á stærra
svæði og hjúkrunarfræðingur fær
samstundis viðvörun komi eitthvað
athugunarvert fram í mælingum.
Verðmæti þessarar gjafar er
8.084.067 krónur.
Það er mikilvægt fyrir íbúa í
Vestmannaeyjum að viðeigandi
tæki og búnaður sé til staðar þannig
að hægt sé að veita sem besta og
öruggasta heilbrigðisþjónustu í
heimabyggð.
Árlega stendur félagið fyrir
svonefndri Aprílsöfnun þar sem
leitað er til fyrirtækja til fjáröflunar
og er þá verið að safna fyrir
ákveðnu tæki eða búnaði. Að auki
hefur ágóði úr 1. des kaffisölu
félagsins, sölu jólakorta og
minningarkorta farið til viðbótar til
tækjakaupa. Hefur Kvenfélagið
notið mikillar velvildar og stuðn-
ings fyrirtækja, og einstaklinga í
Vestmannaeyjum sem hefur gert því
kleift að sinna hlutverki sínu.
Aprílsöfnun 2016 var tileinkuð
kaupum á eftirlitstækjum á
sjúkradeild HSU- Vestmannaeyjum
og er áætlað að sá búnaður verði
tilbúinn til notkunar á næstu vikum.
Árið 2017 verður Aprílsöfnun
Kvenfélagsins Líknar tileinkuð
nýjum tækjum fyrir rannsóknar-
stofu HSU-Vestmannaeyjum. Um er
að ræða rannsóknartæki sem mæla
hjartaensím og önnur efni sem
myndast ef einstaklingur fær
hjartaáfall eða blóðtappa. Eru þetta
nauðsynlegar mælingar þegar um
bráðaveikindi eru að ræða og
mikilvæg til greiningar og til að
ákveða meðferð sjúklinga. Að auki
mælir tækið til dæmis skjaldkirtils-
hormón, B-12, Ferritin og
blöðruhálskirtilshormón.
Það tæki sem til var er ónýtt. Komi
til bráðaveikindi þar sem grunur er
um hjartasjúkdóm eða blóðtappa er
í dag notast við tæki þar sem hægt
er að mæla grunngildi en er mjög
dýrt í rekstri og óhentugt. Aðrar
mælingar þarf að senda til Reykja-
víkur. Verðmæti þessa tækis er um
4.000.000 krónur. Að venju mun
kvenfélagið Líkn senda út bréf til
fyrirtækja hér í bæ varðandi
Aprílsöfnunina.
Stuðningur bæjarbúa og félagsam-
taka við Heilbrigðisstofnunina er
ómetanlegur og óskar stofnunin
eftir að koma fram þakklæti vegna
þess.
Kvenfélagið Líkn var stofnað 14.
febrúar 1909 og hefur markmið
félagsins frá upphafi verið að styðja
við sjúkrahús og heilsugæslu í
Vestmannaeyjum og aðrar stofnanir
með gjöfum og tækjakaupum og
einnig félagasamtök, einstaklinga
og fjölskyldur sem á þurfa að halda.
Samkvæmt reglugerð Samgöngu-
stofu er aðeins lítið svæði á
Heimaey þar sem leyfilegt er að
fljúga drónum. Í reglugerðinni segir
að óheimilt sé að fljúga drónum
innan tiltekinna fjarlægða frá
svæðamörkum flugvallar án leyfis
frá rekstraraðila flugvallarins.
Ekki þarf sérstakt leyfi ef aðeins er
flogið neðar en hæstu mannvirki í
nágrenni flugferils drónans en
óheimilt er að fljúga dróna hærra en
í 130 metra hæð án sérstaks leyfis
frá Samgöngustofu.
Gildandi takmörk um fjarlægð frá
áætlunarflugvöllum eru tveir
kílómetrar og samkvæmt því er
heimilt að fljúga dróna án sérstaks
leyfis í Stórhöfða, vestur á fjalli og í
Miðkletti og Ystakletti og austast á
Nýjahrauni.
Samgöngustofa hefur tekið virkan
þátt í alþjóðlegri umræðu um gerð
reglna um dróna og fylgist vel með
þeirri stefnumótun sem fer fram
víðsvegar í heiminum. Drög að
reglugerð um dróna, sem Sam-
göngustofa undirbjó, hefur verið
birt hjá innanríkisráðuneytinu, sem
óskað hefur eftir umsögnum um
hana.
Reglur um notkun dróna takmarkar flug þeirra
á Heimaey:
Má ekki fljúga
nær en tvo km frá
flugvelli án leyfis
Innan svæðisins merkt með rauðu hér á myndinni er óheimilt að fljúga
drónum nema með leyfi frá rekstraraðila flugvallarins.
Kvenfélagið Líkn gefur til Heilbrigðisstofnunar:
Aprílsöfnun tileinkuð nýjum
tækjum fyrir rannsóknarstofu
Frá afhendingunni í síðustu viku.
„Vertíðin var ein sú besta í áraraðir
miðað við knappan tíma til að veiða
kvótann,“ segir Eyþór Harðarson,
útgerðarstjóri Ísfélagsins. „Skipin
okkar fóru af stað strax að loknu
verkfalli þann 19. febrúar og var
ljóst í byrjun að það þyrfti margt að
ganga upp til þess að kvótinn myndi
veiðast. Veiðin byrjaði strax vel
með góðri veiði útaf Hornafirði og
voru skipin að fá stærri köst en
nokkru sinni fyrr. Margir skipstjórar
þakka því að ekkert hafði verið
trollað í loðnunni meðan hún gekk
sína hefðbundnu leið. Svona gekk
vertíðin í raun allt til enda, eða
þegar síðasta skipið landaði afla
sem veiddur var út af Látrarbjargi
þann 22. mars.“
Samtals fiskuðu skip Ísfélagsins
38.736 tonn af loðnu og var
Heimaey VE aflahæst íslenskra
skipa á loðnuvertíðinni með 14.547
tonn. Álsey fiskaði 12.264 tonn og
Sigurður 11.925 tonn. „Einnig voru
unnin tæp 8000 tonn af öðrum
skipum, þannig að í heildina vorum
við að vinna um 47.000 tonn af
loðnu á þessari vertíð. Við frystum
á Asíumarkað rúm 3.000 tonn af
loðnu og svo voru framleidd
ca.3.700 tonn af hrognum, sem er
mesta magn sem framleitt hefur
verið hjá félaginu. Þessi vertíð gefur
okkur góðar væntingar um að
loðnustofninn sé sterkur og
hrakspárnar frá haustleiðöngrum
Hafró áttu ekki við rök að styðjast.
Þetta segir okkur einfaldlega að það
þarf að kosta meiru til í hafrann-
sóknir ef við ætlum að ná meiri
þekkingu á göngumynstri og stærð
loðnustofnsins. Kannski er það
óútreiknanlegt?“ segir Eyþór að
lokum.
Eyþór Harðarson gerir upp
loðnuvertíð Ísfélagsins:
Vertíðin
ein sú besta
í áraraðir
:: Heimaey aflahæst á Íslandi með
14.547 tonn :: Hrakspár Hafró áttu
ekki við rök að styðjast :: Þarf að
kosta meiru til í hafrannsóknir
Einar KriStinn HElgaSon
einarkristinn@eyjafrettir.is