Skessuhorn - 09.06.2004, Blaðsíða 9

MIÐVIKUDAGUR 9. JÚNÍ 2004
9
TJaSi/uytntS
Umsjón: Gunnar Bender
Guðmundur Viðarsson kokkur:
Ræður ríkjum í þremur veiðihúsum
-sér um kokkamennskuna í Norðurá, Hítará og Laxá í Kjós
Það skiptir miklu máli að
fá góða þjónustu og gott að
borða í veiðihúsunum eftir
erfiða daga við laxveiðiárn-
ar, sérstaklega þegar rnaður
hefur kannski landað einurn
eða jafnvel tveimur löxum.
„Það verður töluvert að
gera í sumar en ég verð með
reksturinn á veiðihúsunum
við Norðurá í Borgarfirði,
Hítará á Mýrum og Laxá í
Kjós,“ segir Guðmundur
Viðarsson kokkur við
Norðurá, þegar við vorum
búin að spyrja hann frétta af
veiðiskapnum. Það verður
nóg að gera hjá Guðmundi
og hans starfsfólki í sumar
við þessar veiðiár. Við ræð-
um málin smástund en síð-
an heldur Guðmundur á-
fram að malla hádegismat-
inn, veiðimennirnir koma
inn einn af öðrum og allir
eru þeir svangir. Við látum
okkur hverfa, ég er saddur.
Veiðiskapurinn gengur ró-
lega og flestir hafa ekki
fengið neitt.
„Þetta gekk rólega,“
sagði Sigurður Héðinn
þegar við hittum hann á
leiðinni út. Hann hafði ver-
ið að að veiða á Munaðar-
nessvæðinu í Norðurá.
Nokkru neðar í Borgar-
firði, í Straumunum, er
ungur erlendur veiðimaður
að landa Maríulaxinum sín-
um.
I Ferjukostssíkjum eru
veiðimenn að fá ágæta
veiði, fallega fiska. Þar er
heldur meira líf en í lax-
veiðinni.
En korna tímar og koma
fiskar, því hollið sem hætti
veiðum á sunnudaginn í
Norðurá veiddi 15 laxa, 7
þeirra veiddust á maðkinn
og restin á rauða og svarta
Franses flugur og einn á
Hitch túbu. Voru menn
sammála um það á svæðinu
að talsvert væri að ganga af
laxi í ána.
I Þverá í Borgarfirði
hófst veiðin í morgun.
Fylgst með veiðinni fyrsta daginn sem hún byrjaði í Norðurá,
en Guðmundur Viðarsson kokkur er lengst til hægri á mynd-
inni.
Mynd: Skessuhom/Gunnar Bender
Allt í veiðiferðina
Hyman, bensínstöð sími 430-5565
pizzahlaðbotð
MÓTÉI .
alla fimttttudagð ^ 0%^
ftáW. 18-00
(jisti- otj veitmtjastaður
Sími 437 2345
www.motelvenus.net
Alltafmeð bestu pizzatilboðin..!
Vilt þú auglýsa hér?
Sími 433 5500
Búmenn æda að
byggja í Borgamesi
Aðalfundur Borgarfjarðar-
deildar Húsnæðissamvinnufé-
lagsins Búmanna var haldinn í
Borgarnesi mánudaginn 7. júní
2004. Búmenn hafa uppi áform
með að byggja í Borgarnesi
nokkur parhús fyrir félagsmenn
sína, sem þurfa að vera orðnir
50 ára við úthlutun. Félagar í
Borgarfjarðardeildinni hafa látið
í ljósi óskir um að þessi hús
verði byggð á svokölluðu
Granastaðalandi og hefur bæjar-
stjórn Borgarbyggðar tekið vel í
þá hugmynd. Guðrún Jónsdótt-
ir, arkitekt, vinnur nú að
deiliskipulagi svæðisins með
þetta í huga. Búmenn munu
hafa tryggt sér lánafyrirgreiðslu
til framkvæmdanna hjá íbúðar-
lánasjóði. Ædunin er að byggja í
fyrsta áfanga 5 parhús með 10 í-
búðum.
Stjórn Borgarfjarðardeildar-
innar var öll endurkosin, en
hana skipa: Páll Guðbjartsson,
Bjarni Arason og Geir Björns-
son. í varastjórn: Gísli Sumar-
liðason og Sveinn G. Hálfdán-
arson. Félagar deildarinnar eru
30-40.
Lóðir við
Hjallatanga
Stykkishólmsbær auglýsir til umsóknar
12 lóðir í næsta áfanga við Hjallatanga.
Nánari upplýsingar veitir Óli Jón Gunnarsson,
bæjarstjóri í síma 438 1700 eða
netfang: olijon@stykkisholmur.is
Bæjarstjórí
10 ára afmæli
Borgarbyggðar
Borgarbyggð fagnar 10 ára afmæli föstudaginn
7 7. júní n.k. og pví bjóðum við til afmælisveislu
Dagskrá
Kl. 11.00 Hátíðarfundur bæjarstjórnar í fundarsalnum
á bæjarskrifstofunni.
Kl. 14.30 Pakkhúsið við Brákarbraut tekið í notkun á ný
eftir gagngerar breytingar. Þar verður opnuð
sýning um sögu verslunar í Borgarnesi sem
Páll Guðbjartsson hefur tekið saman. Þá verður
afhjúpað söguskilti á vörðu við Brákarsund.
Kl. 16.00 Kaffisamsæti á Hótel Borgarnesi, þar sem boðið
verður upp á létta afmælisdagskrá í tali og tónum.
Þar mun bæjarstjórn Borgarbyggðar heiðra tíu
íbúa fyrir framlag þeirra í þágu sveitarfélagsins.
Allir eru hjartanlega velkomnir á meðan húsrúm
leyfir.
Bæjarstjórn Borgarbyggðar
www.skessuhom.is