Skessuhorn - 27.09.2006, Page 6

6
MIÐVIKUDAGUR 27. SEPTEMBER 2006
aikUSUnu^l
Aukið framlag
til húsafriðunar
BORGARBYGGÐ: Byggða-
ráð Borgarbyggðar hefur tekið
jákyætt í ósk menningarnefndar
sveitarfélagsins um aukið fram-
lag til Húsafriðunarsjóðs Borg-
arbyggðar. Var málinu vísað til
gerðar næstu íjárhagsáætlunar.
I bréfi sem menningarnefnd
sveitarfélagsins sendi byggða-
ráði kemur ffam að með sam-
einingu sveitarfélaga hafi svæði
sjóðsins stækkað og þar með
fjöldi þeirra verkefna sem sjóð-
urinn hefur heimild til að út-
hluta til. Þá kemur fram að
áhersla á mikilvægi húsvemd-
unar og varðveislu menning-
arminja almennt aukist hin síð-
ustu ár og því megi gera ráð
fyrir að umsóknum til sjóðsins
muni fjölga mjög á komandi
árum. Jafnframt verður leitað
til Sparisjóðs Mýrasýslu að
hann hækki einnig framlag sitt
til sjóðsins en sjóðurinn og
sveitarfélagið hafa árlega fram
til þessa lagt til 500 þúsund
krónur hvor til sjóðsins.
~bj
Hótel á
Garðavelli
kemur til
greina
AKRANES: Skipulags- og
byggingarnefnd Akraness telur
að bygging hótels við golfvöll-
inn á Akranesi geti fyllilega
komið til greina. Eins og fram
kom í Skessuhomi á dögunum
hafa einkaaðilar viðrað þá hug-
mynd við bæjaryfirvöld á Akra-
nesi að byggja sex hæða hótel
við Garðavöll, golfvöll Golf-
klúbbsins Leynis. Bæjarstjóri
óskaði umsagnar nefindarinnar
um málið. Nefndin bendir á í
umsögn sinni að það hljóti þó
að fara eftir því hvernig slíkar
hugmyndir em ffam settar og
einnig er bent á að nauðsynlegt
sé að breyta gildandi skipulagi
áður en af byggingu hótelsins
verður. Þar til frekari upplýs-
ingar liggja fyrir tjáir nefndin
sig ekki ffekar um málið.
-hj
Minnkandi umsvif vegna
minnkandi afla á markaði
Stykkishólmur. Trillum þar hefur fiekkaS ogfiskur á markaí hefiir dregist saman.
Verulega hefur dregið úr afla sem
landað er hjá Fiskmarkaði Islands í
Stykkishólmi. Hefur það haft í för
með sér minnkandi umsvif, bæði á
markaðnum og þeirri starfsemi sem
honum hefur tengst. Bæring Guð-
mundsson sér um fiskmarkaðinn í
Hólminum. Hann sagði í samtali
við Skessuhorn að veiðiheimildir
hefðu þjappast á æ færri hendur hjá
smábátunum. Eftir því sem vinnsl-
urnar ættu meira sjálfar af veiði-
heimildum, því meira minnkaði
lönduðum afla á markaði. Hann
sagði aðspurður að nú landaði ein-
ungis einn stór bátur hjá markaðn-
um í Hólminum og ein línutrilla.
„Þeim hefur fækkað töluvert þess-
um litlu línubátum sem hafa verið
hér á haustin. Einhverjir róa ekki í
augnablikinu en maður veit ekki
hvað verður, svo landa aðrir annars-
staðar. Haustin eru off erfið bæði
hér og annarsstaðar." Bæring segir
menn hafa áhyggjur af stöðtmni en
þeir vonist samt til að ástandið lag-
ist. „Gullhólminn landar nú fyrir
norðan en við vonumst til þess að
hann landi hér eftir áramót. Þeir
taka sjálfir þorskinn en við væntum
þess að fá aukaaflann.“
Björgvin Olafsson hefur rekið AB
slægingu um nokkurt skeið og séð
að mestu tun slægingu fisks sem
landað er á markað í
Hólminum.Nú er svo komið að svo
lítið hráefni berst til fyrirtækisins
að það hefur hætt störfum og aug-
lýst tæki sín og tól til sölu. Björgvin
segir að um eitt og hálft starf hafi
verið að ræða að jafnaði, kannski
tvö þegar best lét um háveturinn.
Hins vegar hafi fækkun trilla og sú
stefna að landa beint hjá vinnslum
orðið til þess að ekki er lengur
grundvöllur fyrir starfseminni. „Við
vorum líka í því að salta grásleppu-
hrogn en í vor kom ekki neitt af
þeim. Nú landa menn beint til fyr-
irtækisins Fram Food í Reykjanes-
bæ þannig að við fáum ekkert til
okkar. Það hefur líka verið svo djöf-
ull lélegt fiskerí hér, allavega í
haust. I það minnsta sáum við ekki
tilgang í að halda þessu áfram.“
Ljóst er að ef þróunin heldur
áfram á þessari braut munu fleiri
fiskmarkaðir lenda í erfiðleikum.
Vinnslur munu ekki sjá hag sinn í
því að landa á markað, heldur taka
fiskinn beint inn. Það er því um-
hugsunarefni hvort samþjöppun
veiðiheimilda muni grafa undan
frjálsum fiskmarkaði. -KOP
Listi Framsóknarflokks valinn með póstkosningu
Kristinn H. Gunnarsstm alþingismaður
vildi póstkosningu og hafði betur.
Kjördæmissamband Framsókn-
arflokksins í Norðvesturkjördæmi
ákvað á fundi á Varmalandi á laug-
ardag að efnt yrði tdl prófkjörs
meðal flokksmanna í kjördæminu
um skipan fimm efstu sæta fram-
boðslista flokksins í kjördæminu
við næstu Alþingiskosningar. Próf-
kjörið fer fram með póstkosningu.
Tillaga stjórnarinnar um að tvöfalt
kjördæmisþing veldi frambjóðend-
ur var felld með sex atkvæða mun
eða 54 atkvæðum gegn 60. Til
nokkurra orðaskipta kom á þing-
inu um málið og féllu þung orð í
garð stuðningsmanna prófkjörs.
Eins og fram kom í fréttum
Skessuhorns í síðustu viku ákvað
stjórn kjördæmissambands Fram-
sóknarflokksins að leggja til að
tvöfalt kjördæmisþing myndi velja
á ffamboðslista flokksins í kjör-
dæminu. Kristinn H. Gunnarsson
alþingismaður lýsti andstöðu sinni
við tvöfalt kjördæmisþing og taldi
vænlegra að efnt yrði til prófkjörs.
Þegar til þings var komið voru
lagðar fram tvær tillögur um próf-
kjör auk tillögu stjórnarinnar um
tvöfalt kjördæmisþing. Onnur frá
Bolvíkingum undir forystu Sveins
Bernódussonar og hin af Dala-
mönnum sem Hjörtur Einarsson
mælti fyrir.
Nokkrar umræður urðu um til-
lögurnar og sagði Gunnar Bragi
Sveinsson formaður byggðaráðs
Skagafjarðar að hirðar Kristins H.
Gunnarssonar treystu sér ekki í
heiðarlega baráttu með því að
leggja til prófkjör meðal félags-
manna. Nokkrir fundarmanna
mótmæltu orðum Gunnars Braga
og töldu rétt að grasrót flokksins
fengi að velja sér þingmannsefhi.
Sigurður Árnason formaður
kjördæmasambandsins segir í sam-
tali við Skessuhorn að ljóst sé að
stjórn sambandsins hafi mislesið
vilja kjördæmasambandsins. Hann
segist ekki líta á úrslit fundarins
sem vantraust á störf stjórnarinnar
enda hafi hún þegar hafið undir-
búning að kosningunni. Kjörnefnd
hefur verið kosin sem starfa mun
að kosningunni og þessa dagana er
verið að fara yfir líklegar dagsetn-
ingar í því sambandi meðal annars
við hvaða dagsetningu eigi að miða
félagaskrár við. Sigurður segist
vonast til að allar dagsetningar
liggi fyrir innan skamms og ef allt
fer sem horfir geti úrslit í póst-
kosningunni legið fyrir snemma í
nóvember. Hann ítrekar þó að of
snemmt sé að slá neinu föstu í því
sambandi.
Kristinn H. Gunnarsson alþing-
ismaður segir niðurstöðu fundar-
ins endurspegla svar við erfiðri
stöðu flokksins um þessar mundir
og því að uppstilling skilaði ekki
góðum árangri síðast. Fundar-
menn hafi ákveðið að snúa sér til
fólksins og grasrótarinnar í flokkn-
um og fela henni að velja á listann.
Prófkjör þýði að frambjóðendur
reyni að fá fólk til þess að ganga í
flokkinn og því fylgi einnig um-
ræða og kynning á flokknum.
Eins og áður hefur komið fram
hafa Magnús Stefánsson og Krist-
inn H. Gunnarsson gefið kost á sér
til setu í fyrsta sæti listans. Herdís
Sæmundardóttir, sem áður hafði
tilkynnt um framboð í annað sæti
listans, tilkynnti á fundinum á
laugardag að hún sæktist einnig
eftir fyrsta sæti listans. Þá hefur
Valdimar Sigurjónsson gefið kost á
sér í þriðja sæti.
HJ
PISTILL GISLA
Bændur eru ból
Ég er stundum frekar
seinn að hugsa. Jaínvel veru-
lega seinn. Einstaka sinnum
enn seinni en það. Dæmi um
það er að það var ekki fyrr
en allra síðustu daga sem ég
áttaði mig á þeirri staðreynd
að bændur eru böl. Þeir bera
einir ábyrgð á því að matur
hér á landi er dýr. Þeir okra
á ketinu og smérinu sem ég
þarf til að draga fram lífið og
síðan hirða þeir megnið af
sköttunum mínum í styrki.
Ofan á allt annað halda
þeir í gíslingu stærstum
hluta af bújörðum landsins
og halda þannig uppi jarðar-
verði. Því þurfa aumingja
litlu auðmennirnir að greiða
okurverð fyrir þessa fáu tún-
bleðla sem eru til skiptana á
frjálsum markaði.
Eina leiðin er því að fella
niður tolla á innfluttum
landbúnaðarafurðum og
fella niður allar niður-
greiðslur til bænda. Þá verð-
ur hægt að fá amerísk horm-
ónanaut fyrir slikk að ég tali
nú ekki um nýsjálensk hor-
lömb með ullarbragði. Jafn-
vel ólseiga úlfalda til að nota
í glás. Helsti kosturinn við
útlenskar landbúnaðarafurð-
ir er nefnilega sá að þær eru
ódýrar. Sérstaklega þó þar
sem ekki er verið að velta sér
upp úr smáatriðum eins og
gæðum o^ heilbrigðisreglu-
gerðum. Ég hef komið í slát-
urhús í ónefndu útlandi og
þar var ekki verið að bruðla
með vatnið eins og hér eða
eyða í flugna eða rottueitur.
Þannig er hægt að ná niður
kostnaði til að bæta hag
neytenda.
Þótt ég sé bráðungur í
meira lagi man ég eftir
finnsku kartöflunum. Astæð-
an fyrir hingaðkomu þeirra
var sú að íslenskir kartöflu-
bændur gátu ekki annað eft-
irspurninni þegar leið á vet-
urinn og þar með ekki leng-
ur einokað markaðinn. Þá
skapaðist kærkomið svigrúm
til að flytja inn ódýrar kart-
öflur frá Finnlandi neytend-
um til hagsbóta. Að vísu
voru þær ekki aðeins ódýrar
heldur einnig óætar en það
er algert aukaatriði.
Eins og einstakir, (alveg
einstakir) Alþingismenn hafa
bent er frjáls innflutningur
eina leiðin til að fá íslenska
bændur til að hætta að
barma sér og fara að búa eins
og menn. Þegar þeir fá al-
vöru samkeppni verða þeir
að fara að vinna fyrir kaup-
inu sínu og þá fyrst geta þeir
haft það gott. Ef þeir treysta
sér ekki til þess geta þeir ör-
ugglega fengið ærlega vinnu
sem hestasveinar, garðyrkju-
menn, brytar eða sósukokk-
ar hjá nýjum eigendum jarð-
anna.
Eflum innflutning.
Gísli Einarsson, neytandi.