Morgunblaðið - 27.08.2019, Qupperneq 12

12 MORGUNBLAÐIÐ ÞRIÐJUDAGUR 27. ÁGÚST 2019
Jóhann Ingi Hafþórsson
johanningi@mbl.is
G
olfklúbbur Reykjavíkur fagnar 85
ára afmæli sínu í desember. Björn
Víglundsson, formaður klúbbsins,
ræddi við Morgunblaðið um starf-
semina. Hann segir hápunktinn í
afmælisfögnuðinum vera Íslandsmótið sem
klúbburinn hélt aðra helgina í ágúst. „Við
fögnum þessu afmæli með margvíslegum
þætti. Við vorum með Íslandsmótið í golfi
sem var stærsti einstaki viðburðurinn. Síðan
erum við búin að vera með minni afmæl-
ismót og uppákomur sem eru tengdar af-
mælinu, sagði Björn við Morgunblaðið.
Hann var mjög ánægður með hvernig tókst
til. „Það gekk í raun stórkostlega. Þetta var
spennandi keppni, völlurinn frábær og
margt fólk sem lagði leið sína upp í Graf-
arholt að fylgjast með. Við hefðum ekki get-
að verið ánægðri með útkomuna.“
Nóg um að vera
Það var ekki bara Íslandsmótið sem gerði
sumarið gott fyrir GR. „Þetta er búið að
vera mjög gott sumar hjá okkur til þessa.
Veðrið hjálpar og fólk var duglegt að spila.
Það eru fleiri félagar, barna- og unglinga-
starfið er sterkara og við gátum opnað vell-
ina fyrr. Það er búið að spila um 30% fleiri
hringi núna en á sama tíma í fyrra,“ sagði
Björn.
Það þarf að huga að ýmsu þegar kemur af
rekstri golfvalla og sérstaklega á sumrin. Þá
eru um 50 starfsmenn hjá GR í hinum ýmsu
verkefnum. „Við erum með um 50 starfs-
menn þegar vertíðin er í gangi. Við erum svo
rétt undir 10 um vetrarmánuðina. Það eru
starfsmenn á völlunum allt árið um kring
sem eru að sinna viðhaldi og vetrarstarfsemi
og svo margir sumarstarfsmenn. Við erum
með starfsmenn á skrifstofunni og í íþrótta-
starfinu. Barna- og unglingastarfið er allt
árið um kring, svo við erum með þjálfara.
Það er nóg um að vera.“
Umhirðan 12 mánaða starf
Veðrið setur oft strik í reikninginn hjá golf-
klúbbum á Íslandi og þarf að huga vel að
völlunum allt árið um kring til að hafa þá í
sem bestu standi.
„Þetta er 12 mánaða verkefni að undirbúa
völlinn. Við erum núna í því að undirbúa
völlinn fyrir veturinn, svo hægt sé að bregð-
ast við mismunandi veðri. Stundum leggst
snjór yfir allt og er þannig fram á vor. Því
miður er það líka oft þannig að völlurinn
frýs og þiðnar til skiptis. Ef grasið fær ekki
súrefni byrjar það að mygla og deyja. Það er
stöðugt verkefni að fylgjast með og lág-
marka skemmdir. Við þurfum að taka 1-2
skref til baka á hverjum vetri og svo 2-3
fram á sumrin. Það er flókið starf að vera
vallarstarfsmaður á Íslandi,“ sagði Björn.
Hann hefur ekki áhyggjur af því að borgin
hafi áhuga á að nýta vallarsvæðin til annars
á næstu árum.
„Við erum með langtíma leigusamninga og
ég á ekki von á öðru en vellirnir fái að vera
þarna um ókomna tíð. Það er líka plús við
golfvelli að svæðin í kring eru almenn úti-
vistarsvæði. Á Korpu fer fólk á gönguskíði á
veturna, laxveiðimenn veiða í ánni og hesta-
menn ríða í gegnum völlinn á veturna o.s.frv.
Við erum í mjög góðu samstarfi við borgina í
einu og öllu. Við erum eitt af stærri íþrótta-
félögum í borginni og höldum meðal annars
uppi góðu barna- og unglingastarfi.“
Enn má gera betur
Formaðurinn er ánægður með stöðu mála
hjá GR, en hann viðurkennir samt sem áður
að hægt sé að gera betur. Til þess þurfi
frekari hjálp frá borgaryfirvöldum.
„Við værum auðvitað til í að fá meiri fjár-
muni og betri aðstöðu. Það væri mjög mik-
ilvægt fyrir íslenskt golf og okkur í GR að fá
12 mánaða æfingaaðstöðu í íþróttahúsi. Við
erum með afreksfólk í greininni og mikið af
börnum og unglingum sem eru komin með
það á dagskrána hjá sér að verða atvinnu-
kylfingar. Þetta myndi breyta landslaginu
hjá okkur, rétt eins og koma knatthúsanna
gerði fyrir fótboltann. Það væri glæsilegt að
geta æft við bestu aðstæður allt árið um
kring. Eins og staðan er núna er erfiðara
fyrir Íslendinga að verða afreksfólk í golfi,
þar sem það er skemmri tími sem við fáum
til almennilegra æfinga. Það er mikill munur
á æfingaaðstöðunni sem við notum yfir vetr-
artímann og þeim sem við notum á sumrin.
Ef við búum til aðstöðu sem tekur veðrið úr
myndinni eru okkur allir vegir færir,“ sagði
Björn Víglundsson, formaður GR.
Meðlimir frá 6 ára og upp í 96 ára
Golfklúbbur Reykjavíkur fagnar
85 ára afmæli á árinu og starf-
semin er viðamikil á þessum
tímamótum
Morgunblaðið/Kristinn Magnússon
Björn Víglundsson formaður Golfklúbbs Reykjavíkur er ánægður með gang mála.
» 50-60 þúsund hringir leiknir á völlunumá hverju sumri.
» Rétt rúmlega 3.000 félagar, 10% eru 18ára og yngri, konur 30% og karlar 60%.
» Yngstu kylfingarnir sex ára og sá elsti96 ára.
Staðreyndir um GR
Systurnar Ásdís og Nína
Margrét Valtýsdætur.
Ásdís 17 ára.
Nína Margrét 15 ára.
Af hverju fóruð þið að æfa golf?
Fjölskyldan okkar var mikið í golfi og okk-
ur fannst strax gaman að æfa og keppa.
Hvað hafið þið æft golf lengi?
Við höfum æft golf í 7 ár
Hvaða högg finnst ykkur skemmtilegast
að æfa?
Nína: vipp með opinn kylfuhaus.
Ásdís: að pútta.
Hvar þurfið þið helst að bæta ykkur í golf-
inu?
Nína: Stutta spilið og fleyghöggin.
Ásdís: Koma innáhöggum nær pinna.
Hver er uppáhaldskylfan í pokanum?
Nína: Upphaldskylfurnar mínar eru 4 tré
og dræver.
Ásdís: Pútterinn er mín uppáhaldskylfa
Hvenær tókst ykkur fyrst að leika hring á
undir 100 höggum?
Það tók sinn tíma.
Besta skorið á 18 holu hring hjá ykkur?
Nína: 74 högg (3 yfir pari)
Ásdís: 73 högg (2 yfir pari)
Snýst allt um golf hjá ykkur systrunum?
Við erum mjög oft í golfi en okkur finnst
líka gaman að gera eitthvað allt annað.
Er keppni á milli ykkar á golfvellinum?
Við tökum oft stuttaspilskeppnir á æfing-
um, en annars þegar við keppum í mótum þá
höldum við með hvor annarri.
Hvert er besta golfráðið?
Nína: Því fyrr sem maður gerir sér grein
fyrir því að sjálfstraustið skiptir öllu máli í
golfi, því betra.
Ásdís: Aldrei gefast upp og það er mjög
mikilvægt að vera þolinmóð/ur á golfvell-
inum
Hver er fyrirmyndin í golfinu?
Ásdís: Nína, Tiger Woods, Annika Sörens-
tam og Rory Mcilroy.
Nina: Brooke Henderson, Ásdís og Ann-
ika Sörenstam.
Hvað ráðleggið þið krökkum sem langar
að æfa golf?
Muna að jafnvel þótt að það gangi ekki
alltaf vel þá er aðalmálið að gefast aldrei upp.
Iðkendur í barna- og unglingastarfi GR
Með góðu aðgengi að aðstöðunni og golfvöllunum
hefur orðið til þannig menning að venjulegur sum-
ardagur hjá barni eða unglingi í GR byrjar á skipu-
lagðri æfingu fyrri part dags með þjálfurum. Að
henni lokinni er börnunum frjálst að gera það sem
þau kjósa og verja mörg þeirra heilu og hálfu dög-
unum á golfvellinum og æfingasvæðunum. For-
eldrarnir vita af börnunum í traustu umhverfi yfir
daginn við ástundun á uppbyggilegri iðju í góðum
félagsskap.
Þetta er stór liður í þeim góða árangri sem
náðst hefur undanfarin ár og þeim góða anda sem
býr í barna- og unglingastarfinu þar sem krakk-
arnir mynda vinatengsl og draga hvort annað
áfram við æfingar og spil utan skipulagðra æfinga
með þjálfurum.
Morgunblaðið/Hari
Börn og unglingar sem æfa golf hjá GR ásamt þjálfurum sínum á Grafarholtsvelli á ágústkvöldi.
Hvernig er aðstaðan hjá GR?