Fréttablaðið - 28.11.2002, Page 14
14 28. október 2001 FIMMTUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu og Akureyri. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
BRÉF TIL BLAÐSINS
Evrópusambandið er stórt og Ís-land lítið. Þess vegna mun Evr-
ópusambandið hafa mikil áhrif á
Íslandi en Ísland
lítil áhrif í Evrópu-
sambandinu. Hvort
Íslendingar sækja
um aðild að sam-
bandinu eða ekki
skiptir ekki megin-
máli; hægt og bít-
andi munu áhrif
Evrópusambandsins á Íslandi vaxa
– svo mjög að á endanum skiptir í
raun sáralitlu hvort Íslendingar
eru alveg undir sambandinu eða
allir nema litla táin.
Evrópusambandið er langmikil-
vægasta einstaka svæðið í inn- og
útflutningi Íslendinga. Íslendingar
eru háðir sambandinu. Ef þeir vilja
forðast þá stöðu að gefa sífellt eft-
ir í samningum við sambandið
ættu þeir að draga skipulega úr
viðskiptum við það. Á meðan þessi
viðskipti aukast jafnt og þétt eru
engar líkur til annars en tök Evr-
ópusambandsins á Íslendingum
eigi eftir að vaxa.
Sú hugmynd er della að Evrópu-
sambandið sætti sig við það til
lengri tíma að Ísland, Noregur,
Sviss og Liechtenstein hafi aðgang
að innri markaði sambandsins án
þess að bera sömu byrðar og full-
gildir meðlimir. Evrópusambandið
mun alltaf hafa það að markmiði
að koma yfir á þessar þjóðir meiri
skyldum og draga úr þeim kostum
sem þær hafa af óvígðri sambúð
sinni við sambandið. Eftir því sem
þjóðunum í Evrópusambandinu
fjölgar og styrkur þess vex, því
meiri þungi verður í þessari kröfu.
Fyrr eða síðar hverfa kostir þess
fyrir Íslendinga að standa utan
sambandsins.
Við erum því á leið í Evrópu-
sambandið – hvort sem við viljum
viðurkenna það eða ekki. Við get-
um frestað inngöngu en ekki kom-
ið í veg fyrir hana nema með gríð-
arlegu átaki. Við þyrftum að draga
úr viðskiptum og tengslum við
Evrópu og leita skjóls hjá annarri
jafnöflugri blokk. Rétta spurning-
in í Evrópumálunum er því ekki:
Eigum við að ganga í Evrópusam-
bandið? Heldur: Eigum við ekki að
ganga í Evrópusambandið? Ef
menn játa fyrri spurningunni
þurfa þeir ekkert að gera. Tíminn
mun soga okkur inn. Ef menn
svara þeirri seinni játandi þurfa
menn hins vegar að grípa til að-
gerða strax. Gallinn er hins vegar
sá að þeir sem eru með ólund gagn-
vart Evrópusambandinu hafa enga
stefnu um hvernig við getum hald-
ið okkur utan þess. Þess vegna eru
allir Íslendingar fylgjandi Evrópu-
sambandinu. Menn hafa bara mis-
munandi skoðun á því hvernig til-
hugalífið á vera. ■
Fyrr eða síðar
hverfa kostir
þess fyrir Ís-
lendinga að
standa utan
sambandsins.
Við erum á leið í Evrópusambandið
skrifar um hvernig Íslendingar muni
sogast inn í Evrópusambandið hvort
sem þeir sækja formlega um eða ekki.
Mín skoðun
GUNNAR SMÁRI EGILSSON
Staða borgarinnar innan
Landsvirkjunar metin
Sett hefur verið á laggirnar ný nefnd sem á að gera tillögur að heildarstefnu Reykjavíkurborgar í
orkumálum. Nefndin á að taka mið af sjálfbærri þróun og umhverfisstefnu borgarinnar. Minni-
hlutinn var ósáttur við að fá ekki að tilnefnda fulltrúa í nefndina.
BORGARMÁL Nýstofnuð nefnd, sem á
að gera tillögur að heildarstefnu
Reykjavíkurborgar í orkumálum,
hefur m.a. það verkefni að meta
stöðu borgarinnar
innan Landsvirkj-
unar og móta fram-
tíðarsýn varðandi
eignarhlut borgar-
innar í fyrirtækinu.
Í störfum sínum
á nefndin að taka
mið af sjálfbærri
þróun og umhverf-
isstefnu Reykjavík-
urborgar. Meðal
helstu verkefna nefndarinnar er að
leggja mat á líklega þróun og breyt-
ingar í orkumálum. Hún á að kanna
framtíðarhorfur á áframhaldandi
nýtingu vistvænnar orku og hvort
raunhæft sé að auka hlut
Orkuveitunnar á kostnað innfluttra
orkugjafa, t.d. í samgöngumálum.
Nefndin á að meta möguleika á
nýjum orkuvinnslusvæðum. Þá á
hún að meta stöðu og hlutverk
Orkuveitunnar í nýsköpun og þróun
á sviðum sem tengjast starfsemi,
eignum og grunngerð fyrirtækisins.
Formaður nefndarinnar er Már
Guðmundsson hagfræðingur. Auk
hans sitja Þorsteinn Ingi Sigfússon
verkfræðingur, Páll Halldórsson
jarðeðlisfræðingur, Álfheiður Inga-
dóttir líffræðingur, Sveinn Hannes-
son framkvæmdastjóri, Geir Magn-
ússon forstjóri og Áslaug Björg-
vinsdóttir í nefndinni.
Fulltrúar Sjálfstæðisflokksins
og Frjálslyndra og óháðra voru
mjög ósáttir við að hafa ekki fengið
að tilefna fulltrúa í nefndina.
„Ekki verður séð að skilningur á
orkumálum og umhverfismálum
ráði miklu við val fólks í þessa
nefnd,“ segir í bókun F-listans.
Í bókun borgarráðsfulltrúa
Sjálfstæðisflokksins segir: „Eftir
að borgarráðsfulltrúarnir höfðu
tilkynnt að Björn Bjarnason og
Vilhjálmur Þ. Vilhjálmsson yrðu
fulltrúar Sjálfstæðisflokksins í
nefnd um heildarstefnu í orkumál-
um ákvað borgarstjóri að hverfa
frá því að leita eftir tilnefningu
frá Sjálfstæðisflokknum og er
hópurinn skipaður á þeirri for-
sendu.“
trausti@frettabladid.is
ORKUVEITA REYKJAVÍKUR
Nefndin á að kanna framtíðarhorfur á áframhaldandi nýtingu vistvænnar orku á starfs-
svæði Orkuveitu Reykjavíkur og hvort raunhæft sé að auka hlut hennar á kostnað inn-
fluttra orkugjafa t.d. í samgöngumálum.
„Ekki verður
séð að skiln-
ingur á orku-
málum og um-
hverfismálum
ráði miklu við
val fólks í
þessa nefnd.“
Kvart
og kvein
Þriggja barna móðir skrifar:
Ífrétt um heilahimnubólusetn-ingu í blaðinu 21. nóv. kemur
fram að foreldrar hafi gagnrýnt
framkvæmd bólusetninganna.
Kvartað er yfir að þeir sem eigi
fleiri en eitt barn þurfi að fara
fleiri en eina ferð á heilsugæsluna.
Mikið finnst mér svona kvart og
kvein leiðinlegt. Að sjálfsögðu
fylgir því meiri vinna og fyrirhöfn
að eiga þrjú börn en eitt. Við ætt-
um að vera ánægð með að boðið
skuli vera upp á svona bólusetn-
ingu og þar sem langflest börn eru
í leikskólum eða öðrum skólum
býst ég við að einfaldast sé að
skipuleggja bólusetninguna út frá
því og taka einn skóla fyrir í einu.
Ef upp koma einstök vandamál
hlýtur að vera hægt að leysa þau
án þess að hlaupa með það í fjöl-
miðla. ■