Feykir - 19.07.2017, Qupperneq 5
Golf
Árný Lilja og Arnar
Geir klúbbmeistarar
Meistaramót Golfklúbbs
Sauðárkróks í flokki
fullorðinna var haldið 12.-15.
júlí sl. Keppt var í nokkrum
flokkum og var þátttaka með
ágætum í flestum þeirra.
Mikil barátta var í nokkrum
flokkanna og réðust ekki
úrslit fyrr en á lokaholunum.
Í flestum flokkum voru leiknar
72 holur á þessum fjórum
dögum.
Á heimasíðu GSS segir að
veðrið hafi leikið við keppendur
alla dagana þrátt fyrir stöku
rigningarskúri og Skarðagolan
hélt sig algjörlega til hlés að
þessu sinni. Hlíðarendavöllur
er í sínu besta standi frá upphafi
og ástæða til að hvetja fólk til að
skella sér á völlinn. Lokahóf
meistaramóts var síðan haldið í
Golfskálanum laugardags-
kvöldið 15. júlí.
Klúbbmeistarar GSS að
þessu sinni urðu þau Árný Lilja
Árnadóttir og Arnar Geir
Hjartarson. /PF
ÍÞRÓTTAFRÉTTIR Fleiri íþróttafréttir á Feykir.isF
2. deild karla í knattspyrnu
Mikilvægur sigur gegn Sindra
Laugardaginn síðasta mættust lið Tindastóls
og Sindra Hornafirði í 2. deild karla í
knattspyrnu á Sauðárkróksvelli. Bæði lið í
botnbaráttu deildarinnar en Stólarnir þó
talsvert betur settir með tólf stig fyrir leikinn,
en lið Sindra með þrjú. Þegar upp var staðið
unnu Stólarnir sanngjarnan sigur þó liðið hafi
oft spilað betur í sumar. Lokatölur 2-0 og
heimamenn komnir í þéttan pakka um miðja
deild.
Fátt var um góð færi í fyrri hálfleik og
sóknaruppbygging beggja liða fátækleg.
Nokkrir leikmenn tóku út bann hjá Tindastóli
og þó þeir sem inn komu hjá Stólunum hafi
staðið fyrir sínu, þá vantaði talsvert upp á
þolinmæði og vandvirkni í spil liðsins. Staðan
0-0 í hálfleik.
Í hálfleik skall á einhver klikkaðasta rigning
sem undirritaður man eftir á vellinum og stóð
eitthvað fram í síðari hálfleikinn. Stólunum
virtist þykja rigningin góð því þeir fengu víti
strax í byrjun hálfleiksins sem Kenny Hogg
skilaði í netið. Staðan 1-0 og nú urðu gestirnir
að sækja. Það hentaði Stólunum ágætlega og
þeir vörðust vel og sóttu upp kantana. Kenny og
Benni voru frískir sem fyrr og sérstaklega gekk
gestunum illa að stöðva Benna nema með því
að sparka hann niður. Stólarnir gerðu síðan út
um leikinn á 70. mínútu þegar Kenny Hogg
komst upp að endamörkum og sendi boltann
fyrir og á fjærstöng lúrði Arnar Ólafsson og
setti hann boltann af öryggi í markið.
Mikilvægur sigur Tindastóls og liðið lyfti sér
úr tíunda sæti upp í það áttunda. /ÓAB
Fannar Kolbeinsson og Tanner Sica í baráttu við Akil DeFreitas í liði Sindra sem fær smá flugferði. MYND: ÓAB
Tap hjá Drangeyingum
4. deild karla í knattspyrnu
Drangeyingar fengu efsta lið
D riðils 4. deildar, Álftanes, í
heimsókn sl. laugardag þegar
áttunda umferð var leikin.
Endaði leikurinn með sigri
gestanna 1-3.
Jón Gylfi Jónsson skoraði
fyrsta mark leiksins og kom
heimamönnum yfir á 24.
mínútu en gestirnir svöruðu
fyrir sig með látum rétt fyrir
hálfleik. Páll Halldór Jóhann-
esson gerði mark á 40. mínútu
og þremur mínútum síðar
bætti Ari Leifur Jóhannsson
öðru marki við. Staðan í
hálfleik 1-2 fyrir Álftnesinga.
Undir lok leiks kláruðu
gestirnir leikinn með sínu 3.
marki þegar Magnús Ársæls-
son sett´ann í netið á 86.
mínútu og styrktu þar með
stöðu sína á toppi deildarinnar.
Drangey er með 10 stig eftir
átta leiki, 3 sigrar, 1 jafntefli og
4 töp. /PF
Kvennaboltinn
Stelpurnar komnar á bragðið
Leikið var í 1. deild kvenna á
Sauðárkróksvelli sl. föstu-
dagskvöld en þá komu
Skagastelpur í heimsókn. Þær
sigruðu vængbrotið lið Tinda-
stóls í fyrstu umferð fyrr í
sumar, 6-0, en á föstudaginn
sýndu Stólastúlkur að þær
hafa tekið miklum framförum
og sigruðu að þessu sinni
örugglega. Lokatölur 2-0.
Líkt og í sigurleiknum gegn
ÍR á dögunum þá börðust
heimastúlkur fyrir hverjum
bolta og létu gestina aldrei í
friði. Lið Tindastóls hafði
fengið nokkur ágæt færi til að
ná forystunni í leiknum áður en
Bryndís Rut Haraldsdóttir
skoraði með glæsiskalla eftir
hornspyrnu á 38. mínútu leiks-
ins. Staðan 1-0 í hálfleik. Aðeins
voru liðnar átta mínútur af
síðari hálfleik þegar Emily Key
bætti við öðru marki Tindastóls,
tók boltann á lofti í teig Skaga-
stúlkna og setti hann í bláhornið
eftir laglega sókn. Eftir þetta
reyndu gestirnir að koma sér
inn í leikinn en gekk ekkert að
skapa sér færi, enda voru Tinda-
stólsstúlkur fastar fyrir og
ákveðnar að landa stigunum.
Sigurinn var sanngjarn og ef
stelpurnar halda einbeitingunni
eins vel og þær gerðu í þessum
leik, þá verður enginn hægðar-
leikur að sigra þær í næstu
leikjum. Ólína Sif Einarsdóttir
var mögnuð í leiknum og í raun
erfitt að pikka einhverja
leikmenn út, þær spiluðu og
börðust allan leikinn og aldrei
gefið eftir. /ÓAB
Stólastúlkur fagna góðum sigri á liði ÍA. MYND: ÓAB
4. deildin í knattspyrnu
Stórsigur á Blönduósi
Kóngarnir úr Reykjavík voru
rassskelltir á Blönduósvelli
þegar þeir mættu hinu
harðskeytta liði Kormáki/
Hvöt sl. föstudagskvöld í C
riðli 4. deildar. Þegar yfir lauk
höfðu heimamenn skorað
fimm mörk á móti engu
gestanna.
Þrátt fyrir urmul marktæki-
færa tókst heimamönnum ekki
að skora fyrr en komið var
undir lok fyrri hálfleiks þegar
Arnar Ingi Ingvarsson skallaði
boltann í markið. Hálfleikstölur
1-0.
Í seinni hálfleik gekk mun
betur að koma boltanum yfir
marklínuna því fljótlega eftir
að seinni hálfleikur var
flautaður á hafði Arnar Ingi
bætt öðru marki við á 50.
mínútu. Tveimur mínútum
seinna lét Elvar Örn Birgisson
að sér kveða og bætti þriðja
marki heimamanna við. Þá
vildi Arnar Skúli Atlason fá að
taka þátt í veislunni og hann
jók muninn enn frekar á 66.
mínútu og staðan orðin 4-0.
Það fannst Elvari Erni ekki nóg
svo hann setti eitt í lokin og
gulltryggði Kormáki/Hvöt öll
stigin. /PF
Bríet Lilja í Skallagrím
Körfubolti
Króksarinn, Bríet Lilja
Sigurðardóttir, hefur skrifað
undir samning um að leika
með Skallagrími næsta vetur í
Dominosdeild kvenna.
Bríet Lilja er 19 ára gömul
en hefur þrátt fyrir það leikið
bæði með meistaraflokki hjá
Tindastóli á Sauðárkróki
(2013-2014 og 2014-2015) og
Þór Akureyri (2015-2016).
Hún hefur leikið með yngri
landsliðum Íslands (U15, U16
og U18) en síðasta vetur bjó
hún á Sauðárkróki og lék með
unglingaflokki Tindastóls. /PF
28/2017 5