Fréttablaðið - 04.06.2020, Blaðsíða 2

Veður
Norðlæg átt, 5-13 m/s í dag,
hvassast vestan til. Skýjað og
skúrir eða slydduél norðan- og
austanlands, en annars bjart
með köflum. Þykknar upp á
Suðausturlandi eftir hádegi með
skúrum. Hiti 1 til 8 stig, en allt að
15 stig suðvestan til. SJÁ SÍÐU 22
Matartími
Ungarnir í hrafnslaupnum sem hvílir undir þakskeggi Austurbæjarskóla taka foreldrum sínum fagnandi er þeir koma og færa af kvæmunum eitt-
hvað gott í gogginn. Ungarnir gæta þess að gapa vel til að þeir verði ekki útundan í matartímanum og fæðan rati á réttan stað. FRÉTTABLAÐIÐ/VALLI
BANDARÍKIN „Það er ekkert gaman
að vera í þessari borg núna, hún er
bara allt öðruvísi en hún á að sér að
vera,“ segir Einar Eiðsson hönnuður,
sem búsettur er í New York.
Miklar óeirðir hafa geisað í borg-
inni síðustu daga í kjölfar dauða
George Floyd sem lést í síðustu
viku eftir að hann var handtekinn
í Minneapolis. Atvikið náðist á
myndband og varð kveikjan að
mótmælum gegn lögregluof beldi
og kerfisbundnum rasisma í Banda-
ríkjunum.
„Það er mjög skrítið ástand hérna.
Það er búið að byrgja fyrir glugga
f lestra verslana og f lestallt er bara
lokað,“ segir Einar. Hann rekur
verslun í New York ásamt eiginkonu
sinni, Alpana Bawa fatahönnuði, en
á sunnudagsnótt var brotist inn í
verslunina í óeirðunum.
„Við vorum stödd úti í sveit og
svo var bara hringt í okkur og við
látin vita að það væri búið að brjóta
gluggann og að það væri verið að
brjótast inn,“ útskýrir Einar. Hjón-
in snéru strax til borgarinnar og á
móti þeim tók ófremdarástand.
„Það var búið að mölbrjóta glugg-
ann og við þurftum að byrgja fyrir
með timbri. Svona var þetta í öllu
hverfinu, Broadway bara logaði.
Þar var búið að kveikja í bílum og
alls konar drasli, fólk þorði ekki út,“
segir hann.
Einar hringdi í lögregluna sem
kom þó aldrei á staðinn. „Þeir sögð-
ust bara ekki hafa tíma til að sinna
þessu,“ segir hann.
Mótmælin hafa staðið yfir í rúma
viku og segir Einar mótmælendur
málefnalega og rólega yfir daginn
en að æsingur færist í leikinn þegar
líða taki á kvöldið og nóttina. „Þá
heyrum við stanslaust í þyrlum og
sírenum. Þegar við komum hérna
um nóttina og vorum að loka fyrir
búðina sáum við fólk hlaupandi um
með svarta ruslapoka fulla af þýfi
og vopnuð gengi með kylfur og rör,“
segir Einar.
Hann segist vera öruggur heima
hjá sér en að hinn almenni borgari
taki ekki mikinn þátt í mótmæl-
unum. „Fólk sem tekur þátt á það
á hættu að vera handtekið. Löggan
hérna hefur beitt mikilli hörku og
fjöldi lögregluþjóna á hverri vakt
hefur verið tvöfaldaður, þeir eru nú
um átta þúsund,“ segir Einar.
Útgöngubann hefur verið sett á í
New York í fyrsta sinn síðan í seinni
heimsstyrjöldinni og segir Einar
ástandið afar ógnvænlegt.
„Það var allt svona rétt að byrja að
komast í rétt horf eftir COVID-19 en
núna eru bara allir búnir að gleyma
COVID, ástandið hér er miklu verra
nú en þá. Það eru miklu færri á ferli,
miklu meira lokað og nánast bara
erfitt að finna sér eitthvað að borða.
Hér er samt mikil samkennd á meðal
fólks og borgarbúar reyna að standa
saman.“ birnadrofn@frettabladid.is
Ástandið í New York
verra en í faraldrinum
Einar Eiðsson, íbúi í New York, segir ástandið í borginni ógnvænlegt. Óeirðir
og mótmæli hafa staðið í rúma viku vegna dauða George Floyd. Bílar brenna
og sírenur óma um alla borg. Brotist var inn í verslun Einars og konu hans.
Í óeirðunum var brotist inn í verslun Einars og konu hans í New York.
ALÞINGI Samþykkt var á Alþingi
í gær tillaga forsætisráðherra um
að skipulögðum forvörnum verði
komið á meðal barna og ungmenna
gegn kynferðislegu og kynbundnu
of beldi og áreitni.
Inntaki forvarnastarfsins er
ætlað að stuðla að sterkri sjálfs-
mynd og þekkingu á mörkum og
markaleysi, þar á meðal í samskipt-
um kynjanna, samskiptum milli
fullorðinna og barna og í öðrum
tilfellum þar sem valdamisræmi
kann að vera fyrir hendi, fræðslu
um kynheilbrigði og kynhegðun
og opinskárri umfjöllun um eðli og
birtingarmyndir kynferðislegs og
kynbundins ofbeldis og áreitni. – aá
Forvarnir gegn
ofbeldi hefjast 
Katrín Jakobs-
dóttir forsætis-
ráðherra.
Broadway bara
logaði. Þar var búið
að kveikja í bílum og alls
konar drasli,
fólk þorði
ekki út.
Einar Eiðsson
í New York
ÍÞRÓTTIR Staðfesting hefur fengist
frá íslenskum heilbrigðisyfirvöld-
um á því að börn fædd árið 2005 og
síðar verði ekki talin með í fjölda
áhorfenda á knattspyrnuleiki í
sumar. Þetta kemur fram í frétt á
heimasíðu KSÍ.
Í ljósi þeirrar  stöðu sem er  í
samfélaginu  vegna COVID-19 er
hámarksáhorfendafjöldi á leiki
á Íslandi eins og sakir standa 200
manns, en inni í þeirri tölu eru
aðeins fullorðnir áhorfendur, en
börn fædd 2005 og síðar teljast því
ekki með.
Þess ber einnig að geta að tveir
metrar skulu vera á milli þeirra
hólfa sem sett verða upp á völlum
í fyrstu umferð Íslandsmótsins og í
bikarkeppninni.
Boltinn er nýlega farinn að rúlla
hér heima, en keppni í Mjólkur-
bikarnum hefst um komandi helgi.
Þá mun Íslandsmótið í knattspyrnu
karla og kvenna hefjast um miðjan
júnímánuð. – hó
Börn ekki með í
tölfræðinni
STJÓRNMÁL Guðni Th. Jóhannes-
son nýtur af gerandi stuðnings fyrir
for seta kosningarnar ef marka má
Þjóðar púls Gallup sem RÚV birti
í gær. Er Guðni með 90,4 prósenta
fylgi og Guð mundur Frank lín Jóns-
son með 9,6 prósenta fylgi.
Guð mundur sækir langmestan
stuðning til kjós enda Mið flokksins.
55 prósent  þeirra segjast  styðja
Guð mund en 45 prósent Guðna.
Þeir sem kjósa Sam fylkingu,
Pírata eða Við reisn sögðust allir
kjósa Guðna. Fimm prósent kjós-
enda Fram sóknar flokksins, tíu pró-
sent kjós enda Sjálf stæðis f lokksins
og sjö prósent kjós enda VG sögðust
styðja Guð mund. – fbl
Miðflokksmenn
fylgja Guðmundi
4 . J Ú N Í 2 0 2 0 F I M M T U D A G U R2 F R É T T I R ∙ F R É T T A B L A Ð I Ð