Vísbending - 07.07.2016, Blaðsíða 2

ISBENDING
Tafla 1. Úrslit kosninga útskýrð
Breytur Stuðlamat t-tildi Stuðlamat t-tildi
Fasti 30.58 3.32 24.78 3.44
VLF á mann -0.12 4.37 -0.11 5.57
Atvinnuleysi 0.02 0.02
Omenntað 0.90 2.63 0.96 4.98
Aðflutningur 0.42 1.20 0.31 1.02
65 ára og eldri 0.54 1.50 0.66 2.99
Óttivið EU -0.55 0.73
Ótti við innflytjendur 0.94 1.39
Annars konar nágranna 0.45 0.86
Ekki ffekari stækkun -0.06 1.17
Ekki innflytjendur -0.06 0.77
Skotland -14.88 4.29 -14.68 6.66
Norður Irland -14.81 6.67 -14.12 6.59
London 0.54 1.35 -3.44 1.94

R-squared 0.88 0.85
S.E. ofregression 3.54 3.5
F-statistic 12.60 23.1
Breusch-Pagan F 1.45 0.85
Athueanir 36 36
V------------------------------------
Evrópusambandsins hafa breyst eða
Evrópusambandið breyst á þann fólk að
almenningur vilji ekki lengur taka þátt í
starfsemi þess.
Til þess að útskýra breytileika
niðurstaðnanna á milli héraða er
unnt að nota hagstærðir eins og
verga landsframleiðslu á mann,
atvinnuleysisprósentu, hreinan fjölda
innflytjenda á hverju ári sem hlutfall af
fólksfjölda, hlutfall fólks sem ekki hefur
lokið menntaskóla og hlutfall íbúa sem er
65 ára og eldri. Þetta eru hinar hagrænu
breytur. Líklegra er að íbúar fátækari
héraða þar sem atvinnuleysi er mikið og
menntastig lágt telji sér fremur ógnað
af innflytjendum. Það sem aðgreinir
eldri kynslóðina frá þeirri yngri er
einkum að hún man eftir Bretlandi utan
Evrópubandalagsins, eins og það kallaðist
þá, og hefur þannig meiri upplýsingar
og sér kannski fortíðina í hillingum.
Við getum síðan kannað skýringargildi
huglægra breyta sem mæla ótta við
Evrópusambandið, ótta við aukinn fjölda
innflytjenda, vilja til þess að hafa ekki
innflytjendur meðal nágranna,3 afstöðu
til frekari stækkunar sambandsins,
og afstöðu til nýrra innflytjenda frá
vanþróuðum ríkjum. Þetta eru hin
þjóðernislegu sjónarmið sem oft er haldið
á lofti í umræðu um Evrópusambandið.
Þá er því haldið fram að sjálfstæði og
sjálfsákvörðunarrétti þjóða sé ógnað,
regluveldi ESB geri fyrirtækjum erfitt
fyrir, samleitni fólks sé eftirsóknarverð,
nágrannar af öðrum kynsþætti og húðlit
séu ekki æskilegir og að innflytjendur hafi
almennt slæm áhrif á samfélög.
A mynd 1 er sýnt samband hverrar
hagrænu breytanna og hlutfalls kjósenda
sem vilja yfirgefa sambandið. Takið eftir
neikvæðu sambandi framleiðslu á mann
og hlutfalls sem vill yfirgefa sambandið
og jákvæðum tengslum við hlutfalls íbúa
sem ekki hafa lokið framhaldsskóla og
hlutfalls sem er yfir 65 ára að aldri. Hins
vegar er samband við fjölda innflytjenda
veikt.
I rannsókn sem höfundur er að
vinna með Ágústi Arnórssyni4 hefur
komið í ljós að þessar hagrænu
breytur útskýra breytileika viðhorfa til
Evrópusambandsins og innflytjenda og
einnig hlutfall kjósenda sem vill fara
úr sambandinu. Þeir kjósendur sem
líklegastir eru til þess að greiða atkvæði
með úrsögn eru í eldri kantinum, hafa
ekki lokið menntaskóla og búa í fátækum
héruðum.
I töflu 1 eru sýndar niðurstöður
aðfallsgreiningar fyrir svæðin 36 þar
sem útkoma kosninganna (hlutfall
sem vill fara úr Evrópusambandinu) er
útskýrt með hagstærðum og afstöðu til
Evrópusambandsins og innflytjenda.
Þegar verg landsframleiðsla á mann
hækkar frá einu svæði til annars þá fækkar
þeim sem vilja yfirgefa sambandið.
Atvinnuleysi hefur hins vegar ekki
tölfræðilega marktæk áhrif á niðurstöðu
kosninganna. Þegar lítt menntuðu
vinnuafli fjölgar þá vilja fleiri yfirgefa
sambandið. Niðurstöðurnar benda einnig
til þess að þegar hlutfall 65 ára og eldri
hækkar þá vilji fleiri yfirgefa sambandið
þótt þau áhrif séu ekki eins tölfræðilega
marktæk. Áhrif aðflutnings vinnuafls eru
tölfræðilega veik en formerki jákvætt sem
segir að því fleiri innflytjendur því fleiri
kjósendur vilji fara út. Gildisbreyturnar
eru ekki marktækar sem kemur nokkuð
á óvart. Þannig fylgir ótta við áhrif ESB
ekki martæk jákvæð áhrif á fjölda þeirra
sem vilja fara út. Hið sama má segja um
hversu illa fólki er við að búa við hliðina á
innflytjenda. Otti við innflytjendur hefur
jákvæðan stuðul en hann er tölfræðilega
ómarktækur.5 Gervibreytur fyrir Skotland
og Norður-Irland hafa tölfræðilega mark-
tæka stuðla sem segja að fylgi við úrsögn
sé tæplega 15% lægra á þessum tveimur
svæðum en á Englandi. Jafnan útskýrir
88% af breytileika kosninganiðurstaðna á
milli héraða.
I síðustu dálkunum tveimur er
síðan gildisbreytunum sleppt og
einnig atvinnuleysisbreytunni sem var
tölfræðilega ómarktæk í fyrstu keyrslunni.
Skýringargildi jöfnunnar lækkar einungis
lítillega, verður 85% í stað 88% áður. Nú
verður stuðull við hlutfall fólksfjöldans
sem er 65 ára og eldri tölfræðilega
marktækur en ekki stuðull við fjölda
aðfluttra.
Við getum notað síðari niðurstöðurnar
til þess að meta áhrif mismunar á
framleiðslu á mann, hlutfalls fólks með
litla menntun og hlutfalls fólks sem er
65 ára og eldri á úrslit kosninganna. Ef
framleiðsla á mann er 5.000 evrum hærri
á einu svæði en öðru, eins og t.d. á milli
West Midlands og Surrey, þá hefur það
þau áhrif að fýlgi við úrsögn lækkar um
0,55%. Þegar hlutfall fólks 65 ára og
eldri hækkar um 5%, eins og t.d. á milli
West Yorkshire og Warwickshire, þá eykst
fylgi við úrsögn um 3,3%. Þegar hlutfall
fólks með litla menntun hækkar um 5%,
eins og t.d. á milli miðborgar London og
Dorset, þá mun fylgi við úrsögn aukast
um 4,8%. Stuðullinn við aðflutning
vinnuafls er ekki tölfræðilega marktækur
frá núlli en aukning aðflutnings sem
hlutfalls af fólksfjölda um 2% myndi
auka fylgi við úrsögn um 0,62%
Fylgi við úrsögn var minnst í miðborg
London (28,09%) og mest í Lincolnshire
(65,16%). Hægt er að nota síðari jöfnuna
í töflu 1 til þess að útskýra mismuninn
2 VÍSBENDING • 24.TB1. 2016