Feykir - 16.10.2019, Page 7

39/2019 7
vel í leikstjórn, leikritun og
framleiðslu.
„Ég kvaldist í hlutverkum
mínum með Freyvangsleik-
húsinu því mér fannst ég alltaf
svo lélegur leikari. Sjálfsagt
hefur fullkomnunaráráttan
verið minn Akkilesarhæll en
ég náði lítið að vinna með það
þar sem leikstjórn og leikritun
tók hugann. Reyndar finnst
mér gaman að leika en hef
ekki haft tíma til að rækta
það. Fór reyndar á Grotowski
námskeið hjá BÍL skólanum í
sumar en þaðan er mitt nám í
leikstjórn að mestu, hef tekið
leikstjórnarnámskeið upp í
masterclass II þar hjá hinum
magnaða Rúnari Guðbrands-
syni. Svo fór ég í fyrravetur og
tók leikstjórn með ungu fólki
í Listaháskólanum enda hefur
það verið mín sérgrein, að leik-
stýra ungu fólki og kann ég því
vel.“
Pétur hefur verið talsvert
í eigin uppsetningum á leik-
ritum, sem höfundur, leik-
stjóri og framleiðandi. Í dag
starfrækir hann Draumaleik-
húsið og var að klára handrit
að barnasöngleik með tónlist
eftir ungan og efnilegan tón-
listarmann sem einmitt er
ættaður frá Sauðárkróki, Hauk
Sindra Karlsson, Jóns og Lillu.
Er það um ævintýri Gutta &
Selmu sem hafa verið á ferðinni
í sumar. Reiknar Pétur með að
leikritið fari á fjalirnar næsta
haust.
Á litla Íslandi verða menn
fljótt þekktir, sérstaklega í
sinni heimabyggð, og stundum
fyrir eitthvað allt annað en til
er ætlast, ef hægt er að orða
það svo. Í fyrra haust vissu
fáir á Sauðárkróki hver Pétur
Guðjónsson væri en eftir
frábæra uppsetningu hans hjá
FNV á Grease jókst hróður
hans á svæðinu. til muna En
þegar hann er spurðu að því
fyrir hvað hann sé þekktastur
kemur smá hik á leikstjórann en
ýmislegt er hægt að tína til. „Ég
Vinir í tónlistinni en Pétur leikur í hljómsveitinni Óæfðir. MYND ÚR EINKASAFNI
veit það ekki. Það fer sennilega
eftir því hver væri spurður.
Út á við er það sennilega
fyrir að vera viðburðastjóri
í Verkmenntaskólanum en
þar er ég í hlutastarfi, fyrir
leiklistarbras og svo er ég
plötusnúður til margra ára.
Innan vinahópsins er ég Pési
sem er alltaf að taka of mikið
að sér. Heima hjá mér er ég
núna þekktastur fyrir að vera
aldrei heima,“ segir Pétur
enda krefst leikstjórastaðan
mikillar viðveru í leikhúsinu
meðan verkið er í mótun á
æfingatímanum, sem tekur
yfirleitt um sex vikur. Pétur
segist hafa leikstýrt fyrst fyrir
sjö árum og hefur verið í því
síðan meira og minna.
Eins og allir vita, sem eitt-
hvað hafa komið nálægt
uppsetningu á leikriti, krefst
sú vinna nær alls frítíma
viðkomandi eftir vinnu eða
skóla. Leikarar og starfsfólk
koma misvel upplagðir á
æfingar og getur þá verið
krefjandi verkefni fyrir leik-
stjórann að fá það fram sem
hann óskar eftir hjá hverjum
og einum og fá allt til að ganga
upp. Galdurinn við að setja upp
góða leiksýningu er stundum
óljós en Pétur segir að það geti
verið eins og góð lagkaka. Þetta
þurfi allt að heppnast vel.
„Ég trúi á mátt hugans og
orkuna sem við sendum frá
okkur. Það er sammerkt með
leikurum sem hafa verið lengi
á sviðinu, þessi andlegi þáttur,
þessi þráður milli leikara og
áhorfenda og orka. Svo er ég
smitaður af aðferðum Rúnars
Guðbrands kennara sem leggur
mikið upp úr þessu. Það verður
að vera þannig að þeir sem
koma að uppsetningunni geri
það með gleði. Hópurinn þarf
að vera þéttur og góður. Svo þarf
að leggja alúð, metnað og vinnu
í sýninguna. Ég legg mikið upp
úr því að byggja leikarana upp,
sérstaklega mikilvægt með
unga fólkinu. Þó ég þoli ekki
neitt kjaftæði þá vil ég nálgast
allt af nærgætni. En það er fátt
sem fer meira í taugarnar á
mér en eitthvað með hangandi
hendi. Raggi Bjarna á einkarétt
á því. Það verður að nenna
þessu, lykilatriði. Í leikhúsinu
er það bara allt eða ekkert. Það
er ekkert sem heitir að vera
með. Að vilja er að geta, að geta
er að vilja.
Svo er það fegurðin. Ég
er mikill sökker – afsakið
sletturnar – fyrir fallegu og
ljúfu senunum. Að sitja í leik-
húsi og fella tár, hrífast, verða
hreinlega ástfanginn og svo
auðvitað líka að hlægja og
reiðast, er ómótstæðilegt. Til
þess að ná til áhorfandans
með þeim hætti þarf leikari að
láta hjartað ráða, einlægni og
flysja utan af sér allar hömlur.
Leikari sem nennir ekki að
túlka hlutverkið sitt getur ekki
platað áhorfandann. Ég nota
gjarnan setningu frá Ólafi Jens
Sigurðssyni leikstjóra: „Setjið
hjartað á sviðið“. Ekkert jafnast
á við það. Ekkert! Mér finnst
þetta skipta mestu. Hugsaðu
þér bara, lítið barn sem stendur
og kallar í fermingaveislunni:
„Ég þarf að kúúka“. Þetta er
einlægni sem við missum þegar
við eldumst, kannski sem betur
fer, en á sviðinu þurfum við
þetta. Algjört hömluleysi, finna
til, vera – ekki leika – vera!“
ítrekar Pétur sem segist þarna
eingöngu fara mörgum orðum
um þátt leikarans í sýningunni.
„Svo er það búningadeildin,
hlutur ljósamanns, hljóðmanns,
hvíslara, leikmyndahönnuðar
og smiða. Ég gæti haldið svona
áfram, já og sviðsmenn. Góður
sýningarstjóri og sviðsmenn
eru draumur hvers leikstjóra að
vinna með.“
Unnum stóra vinninginn
Þetta er í annað sinn sem Pétur
leikstýrir á Króknum á innan
við ári svo ætla má að vel fari
á með honum og leikhúsfólki á
staðnum.
„Krókurinn fer afar vel með
mig. Ég varð mjög hrifinn
í fyrra þegar ég leikstýrði
FNV og í mínum huga var
ekki spurning um að koma
og leikstýra hjá Leikfélagi
Sauðárkróks. Ég sé ekki eftir
því, það er gleði, virðing og
metnaður í samstarfi mínu við
stjórn og aðra sem taka þátt.
Og þegar ég segi virðing, þá er
hún í allar áttir hjá öllum – afar
mikilvægt. Mér líður bara mjög
vel á Króknum, hér er gott að
vera. Og mér líður reyndar það
vel hérna að ég fer strax í annað
verkefni á Króknum að lok-
inni uppsetningu á Línu,“ segir
Pétur og á þá við að hann hefur
tekið að sér leikstjórn hjá FNV.
Leikritið um Línu Langsokk
er eitt af þekktari leikritum
sem hægt er að vinna með
og segir Pétur því vissar
væntingar, bæði fyrir útliti
og efnistökum, vera til staðar.
„Við förum óhefðbundnar
leiðir sums staðar og erum
hefðbundin annars staðar. Við
leikum okkur svolítið með
tónlistina, sem ég vona að muni
skila bæði fallegri sýningu
og fjörugri. Svo er öflugur
hópur sem kemur að þessu,
fagmenn í hverju horni. Af
leikarahópnum er ég heppinn
með leikara, unga og minna
reynda í bland við eldri leikara
sem hafa gríðarlega reynslu.
Það er blanda sem heppnast
vel í þessari uppsetningu. Svo
er það nú þannig að þegar Lína
Langsokkur er sett á svið, þá
mæðir mikið á leikaranum sem
túlkar Línu. Og þar unnum við
stóra vinninginn en Emelíana
Lillý sem leikur Línu hefur það
vissulega í genunum. Hennar
túlkun er einmitt bæði klassísk
og frumleg sem er gott. Hún
hefur svo fallega söngrödd að
ég kemst við á hverri æfingu.
Svo nýtur hún þess að vera Lína
Langsokkur. Og ég gæti haldið
áfram að tala um þá sem eru í
hlutverkum en ég held ég stoppi
þarna,“ segir leikstjórinn sem
segir það vera lögreglumál að
missa af sýningunni. „Klængur
kemur og sektar ykkur sem
ekki mætið. Ég ætla mér að
lofa því að öll fjölskyldan fari
skælbrosandi frá okkur eftir
sýningu.
Og nú er ég búinn að setja
mig og allan leikhópinn undir
gríðarlega pressu. Sjáumst í
Bifröst!“Leikstjórinn leiðbeinir leikurum í Línu Langsokk, Emelíönu Lillý, Kristínu Björgu og Ásbirni Waage. MYND: PF
Ríkidæmi Péturs felst í samheldinni fjölskyldu. MYNDIR ÚR EINKASAFNI