Morgunblaðið - Sunnudagur - 17.05.2020, Page 10

Morgunblaðið/Ómar
Foreldrar Akane Tsunoda vildu fá dóttur sína heim hið fyrsta þegar kórónuveiru-
faraldurinn fór af stað en hún ákvað að vera um kyrrt hér.
Morgunblaðið/Kristinn Magnússon
Foreldrar mínir vildu að ég kæmiheim til Japan um leið og það værimögulegt,“ segir Akane Tsunoda
sem hefur búið hér á landi frá árinu 2017.
Hún hefur á þeim tíma lagt stund á bæði
íslensku og fjölmiðlafræði við Háskóla Ís-
lands.
„Ein ástæða þess að ég fór ekki heim
var sú að það er ekki hægt að fljúga beint
frá Íslandi til Japan. Þá hefði ég þurft að
dvelja í öðru landi á meðan ég biði eftir
næsta flugi og mögulega þurft að fara í
sóttkví í 14 daga. Það hefði kostað mig
mikið,“ segir Akane.
Þá var hún hrædd um að sýkjast af
kórónuveirunni á leið sinni heim, hvort
sem það væri á flugvelli, í flugvél eða með
öðrum hætti. „Þetta var mjög erfið
ákvörðun en ég ákvað að vera um kyrrt
hér. Foreldrar mínir vilja hafa mig heima
svo við getum eytt tíma saman en ég held
ég hafi samt sem áður tekið rétta ákvörð-
un.“
Spurð segir Akane lífið á þessum síð-
ustu og verstu tímum erfitt en ekki ein-
ungis fyrir hana, heldur alla. „Mér finnst
ég eigi ekki að kvarta yfir því,“ segir hún.
„Mér finnst ég ekki vera einangruð eða
einmana. Því ég get alltaf talað við vini
mína eða bekkjarfélaga.“
Alltaf einhver sem ekki hlustar
Um lífið heima fyrir segir hún ástandið
nokkuð verra en hér á Íslandi, þó það sé
að batna. „Það eru enn mörg dauðsföll á
hverjum degi og fólk er enn nokkuð
hrætt. Ég er ekki viss um að mér myndi
finnast ég öruggari þar en hér þó ég gæti
verið hjá foreldrum mínum. Foreldrar
mínir hafa miklar áhyggjur af mér því
þau halda að aðstæður hér séu þær sömu
og í Japan.“
Akane telur aðstæður hér á landi bjóða
upp á að auðveldara sé að ná tökum á far-
aldri líkt og þeim sem nú gengur yfir.
„Japan er mun stærra en Ísland því erf-
iðara að stjórna svona aðstæðum þar.
Svo er alltaf einhver sem hlustar ekki á
yfirvöld og fer ekki eftir reglum. Þannig
fólk leynist alls staðar í heiminum en það
eru fleiri þannig í fjölmennari löndum
auðvitað.“
MEISTARANEMI FRÁ JAPAN
Erfið en rétt
ákvörðun
KÓRÓNUVEIRAN
10 MORGUNBLAÐIÐ SUNNUDAGUR 17.5. 2020
Sam Monsen hefur stundaðnám við Háskóla Íslandssíðan í ágúst á síðasta ári.
Hún leggur stund á meist-
aranám í menningarfræðum við
skólann. Spurð hvers vegna hún
hafi komið til Íslands segir hún
námið hafa einfaldlega boðið
upp á það. „Meistaranámið mitt
einblínir á fornleifar frá vík-
ingaöld,“ segir Sam. „Til að
vinna á því sviði þarf ég að búa
einhvers staðar á Norð-
urlöndum.“
Sam er frá litlum bæ í Ken-
tucky í Bandaríkjunum og segir
aðstæður þar ekki vera jafn-
slæmar og í mörgum af stærstu
borgum landsins. „Þetta er ekki
svo slæmt þar en það hafa kom-
ið upp einhver tilfelli.“
Kærastan hafði áhrif
Spurð af hverju hún hafi ákveð-
ið að vera um kyrrt hér á landi
þegar faraldurinn fór að sækja í
sig veðrið segir hún fleiri en
eina ástæðu þar að baki. „Kær-
astan mín er hér og ég bý með
henni,“ segir Sam en kærasta
hennar er íslensk. „Auk þess
hefði ég enga vinnu í að sækja í
Bandaríkjunum og væri því ekki
sjúkratryggð þar. Ef ég hefði
farið heim og orðið veik hefði ég
ekki haft efni á því að fara á
spítala.“
Fjölskylda Sam þrýsti ekki á
hana að koma heim. „Það er ein
ástæða þess að ég varð eftir
hérna. Mamma mín vinnur á
spítala og sagði að ég væri lík-
lega öruggari hérna á Íslandi en
í Bandaríkjunum.“
Langflestir farið heim
Á heimaslóðum Sam hefur ekki
verið sett á útgöngu- eða ferða-
bann þó ýmsum stöðum hafi
verið lokað á svæðinu. „Staðan
er augljóslega verri í Bandaríkj-
unum en hér og ég veit ekki
hvort staðir þar ættu að vera
opnir eða ekki,“ segir hún, beð-
in um að bera saman aðstæður
hér á landi og í Bandaríkjunum.
Sam segir marga samlanda
sína hafa haldið heim þegar
ljóst var í hvað stefndi í heim-
inum. Fólk hafi verið hrætt við
einangrun hér ólíkt Sam sem
eins og áður sagði býr með
kærustu sinni. „Bandarískir vin-
ir mínir sem fóru heim bjuggu
allir einir. Þau gátu ekki séð
fyrir sér að dúsa ein í íbúð í
Reykjavík vikum saman.“
Sam segir stærstan hluta er-
lendra námsmanna sem voru
hér í byrjun misserisins hafa
farið heim þegar staðan kom
upp. „Það voru um 12 manns
frá Bandaríkjunum sem lögðu
stund á sama nám og ég og allir
fóru heim nema ég. Flestir Evr-
ópubúarnir fóru einnig til síns
heima.“
Ekki hrifin af því að
ferðast í sumar
Sam hafði ætlað sér að fara
heim yfir sumarið áður en hún
kæmi aftur og héldi námi sínu
áfram hér á landi. „En mér liði
ekki vel með að gera það núna.
Að ferðast á milli landa og
verða mögulega veik eða smita
aðra.“
MEISTARANEMI FRÁ KENTUCKY
Betra að veikjast á Íslandi
Sam Monsen ákvað að halda kyrru fyrir hér á landi þegar heimsfarald-
urinn fór af stað. Hún telur sig öruggari hér en heima í Bandaríkjunum.
Morgunblaðið/Eggert