Skessuhorn - 29.07.2020, Blaðsíða 22

MIÐVIKUDAGUR 29. jÚLÍ 202022
Þegar ég verð stór ætla ég...?
Spurning
vikunnar
(Spurt í Borgarnesi)
Nökkvi Leó Guðmundsson
„Að vera fótboltastrákur.“
Stefanía Hrönn Sigurðardóttir
„Að vera bakari.“
Sigurgeir Erlendsson
„Að vera atvinnumaður í fót-
bolta.“
Sigurþór Kristjánsson
„Að vera stærri.“
Örn Einarsson
„Að vera flugverkfræðingur.“
Lið Skallagríms og Ísbjarnarins
skildu jöfn þegar þau mættust í sjö-
undu umferð fjórðu deildar karla á
Skallagrímsvelli síðastliðið þriðju-
dagskvöld. Í umferðinni á undan
tapaði Skallagrímur gegn Hamars-
mönnum en Ísbjörninn gerði jafnt-
efli við KFB.
Leikurinn var jafn allan tím-
ann og mikið boltahnoð einkenndi
leikinn. Liðin skiptust á að senda
knöttinn sín á milli en hvorugt náði
að sækja af einhverri alvöru. Furðu-
legt atvik átti sér stað á 40. mínútu.
Þá fékk Vladimir Panic, leikmaður
Ísbjarnarins, gult spjald fyrir brot.
Flóð af tuði frá gestunum rigndi
yfir dómarann sem endaði með
rauðu spjaldi á samherja Vladim-
ir, David jean Ibarra, sem þurfti
að víkja af velli. Leikur hófst loks
að nýju, Ísbjörninn einum manni
færri, en eitthvað hafa Borgnesing-
ar ekki verið búnir að stilla sig aftur
inn í leikinn því einni mínútu síðar
skoraði Orats Reta Garcia og kom
gestunum yfir. Héldu þeir foryst-
unni þegar flautað var til leikhlés.
Liðin héldu uppteknum hætti í
síðari hálfleik. Sendu boltann mik-
ið á milli sín án þess að ógna marki
andstæðingsins að ráði. Þegar líða
tók á leikinn fóru heimamenn að
pressa og sækja meira á gestina.
Stundarfjórðungur var til leiksloka
þegar Sigurjón Ari Guðmunds-
son skoraði með föstum skalla sem
söng í neti gestanna. Skallagríms-
menn fengu svo dauðafæri rétt
undir lokin en spyrnan fór langt
framhjá rammanum. Lokaniður-
staðan 1-1 og liðin með sitthvort
stigið í vasanum.
Nú þegar sjö umferðir eru búnar
í C riðli fjórðu deildar eru Skalla-
grímsmenn í þriðja sæti með 13 stig
og Ísbjörninn rétt á eftir í fjórða
sæti með 12 stig.
Næsti leikur Skallagríms verður
úti gegn Samherjum í kvöld, mið-
vikudaginn 29. júlí kl. 19:00.
glh
Listahátíðin Plan-B í Borgarnesi
hefur verið haldin árlega í Borg-
arnesi frá árinu 2015. Hátíðin í ár
fagnar því fimm ára afmæli en hún
fer fram dagana 6.-9. ágúst nk.
Listafólkið er þegar farið að tín-
ast inn í bæinn til að undirbúa og
setja upp verkin, tengjast í samtali
og upplifa umhverfið.
Plan-B var stofnuð af skapandi
grasrót Borgnesinga vegna eftir-
spurnar eftir meiri fjölbreytni í
listaflórunni. Hátíðin stækkar og
dafnar með hverju árinu og í hvert
skipti sem hún er haldin flykk-
ist að upprennandi listafólk ásamt
þeim reyndari í Borgarnes og sýð-
ur saman bræðing af innsetningum,
gjörningum og hljóðverkum, ásamt
hefðbundnari miðlum. „Það er eitt-
hvað fyrir alla og engin ástæða til
þess að láta hátíðina framhjá sér
fara af feimni. Það eru fjölbreytt
verk í gangi og fegurðin við nú-
tímalistina er sú að það þarf ekki að
skilja allt. Það er líka gott að finna,
skynja og upplifa. Listin er svo fal-
leg á þann hátt að hið talaða og rit-
aða mál er ekki endilega nauðsyn-
legt til að skilja nokkurn skapaðan
hlut. Listin er tungumál út af fyrir
sig og hverjum og einum er algjör-
lega frjálst að upplifa hana á eigin
forsendum,“ segir Guðlaug Dröfn
Gunnarsdóttir, einn af skipuleggj-
endum hátíðarinnar, í samtali við
Skessuhorn.
Sjálfboðavinna
Á bakvið listahátíð eins og Plan-B
er mikil vinna og undirbúningur.
Þessi vinna hefur einkennst af mik-
illi savinnu, samhug og sjálfboða-
vinnu. „Við erum mjög þakklát
fyrir stuðning og velvild sem nær-
samfélagið hefur sýnt og eru aðil-
ar eins og Landnámssetrið, Olgeir
Helgi í Fjölritunar- og útgáfuþjón-
ustunni, Hótel B59, Arion banki,
Bónus, ábúendur í Einarsnesi og
Martin Miller’s Gin ómetanlegur
stuðningur, svo fáeinir séu nefnd-
ir. Allir þessir aðilar eru svo verð-
mætir fyrir menningarstarfsemi
eins Plan-B, en án þeirra væri róð-
urinn mun erfiðari,“ segir Guð-
laug þakklát.
Allir skipuleggjendur hátíðar-
innar starfa í sjálfboðavinnu og af
hugsjón og hátíðir eins og Plan-B
eru kostnaðarsamar. „Mjög mikil-
vægt er orðið fyrir framtíð hátíð-
arinnar, sem stækkar og dafnar, að
fá inn meiri stuðning í formi fjár-
magns, en allir vita að hugsjónir
og fegurð borga ekki reikningana
né salt í grautinn. Erum við mjög
bjartsýn á að það muni takast enda
er hátíðin einstök í sínum geira og
eflandi kraftur fyrir svæðið allt,“
bætir Guðlaug við.
Covid-19 hefur einnig sett sinn
lit á hátíðina sem og aðra viðburði
ársins og bregðast skipuleggj-
endur hátíðarinnar við samkvæmt
því. „Við ákváðum að halda ótrauð
áfram og gerum þær ráðstafan-
ir sem þarf til að forðast smit og
efla gesti okkar til sóttvarna. Fólk
ber auðvitað líka ábyrgð á eigin
heilsu og hvetjum við alla til að
sýna hvoru öðru tillitssemi og var-
kárni,“ segir Guðlaug að endingu.
glh
Íslandsmót golfklúbba sem spila
í fyrstu deild karla og kvenna fór
fram dagana 23.-25. júlí. Keppt
var á Leirdalsvelli hjá Golfklúbbi
Kópavogs og Garðabæjar og á Urr-
iðavelli hjá Golfklúbbnum Odda.
Golfklúbbur Reykjavíkur bar sig-
ur úr býtum í 1. deild kvenna og
Golfklúbbur Kópavogs og Garða-
bæjar í 1. deild karla. Golfklúbb-
urinn Leynir á Akranesi varð í 8.
sæti í karlaflokki og fellur því nið-
ur í 2. deild. Ekkert lið af Vestur-
landi keppti í 1. deild kvenna að
þessu sinni.
mm
Plan-B listahátíðin fagnar fimm ára afmæli
Á meðfylgjandi mynd eru skipuleggj-
endur Plan-B árið 2020, á myndina
vantar Agnar Frey Stefánsson: Frá
vinstri Logi Bjarnason, Guðlaug Dröfn
Gunnarsdóttir, Bára Dís Guðjónsdóttir,
Inga Björk Margrétar Bjarnadóttir,
Sigrún Gyða Sveinsdóttir og Sigthora
Óðinsdóttir. Ljósm. Plan-B.
Guðlaug Dröfn Gunnarsdóttir.
Ljósm. glh.
Listafólk sem tekur þátt í hátíðinni í ár. Ljósm. Plan-B.
Keppnislið Golfklúbbsins Leynis, en það fellur nú niður í 2. deild. Ljósm. golf.is
Skagamenn falla niður
í aðra deild í golfinu
Jafntefli á Skallagrímsvelli
Jöfnunarmark Skallagrímsmanna kom á 75. mínútu.