Morgunblaðið - Sunnudagur - 06.12.2020, Síða 18

Stórir gluggar, gott ljós og plöntur
bæta vinnuaðstöðu Katrínar.
Morgunblaðið/Kristinn Magnússon
Á heimili Katrínar í VesturbæReykjavíkur er að finna fjölmargarplöntur. „Því eldri sem ég verð því
meiri áhuga hef ég á plöntum. Það kom
mér smá á óvart að ég hefði fengið áhuga á
því, að vera með fallegar plöntur í kringum
mig. Andlega líður mér betur að hafa
grænt heima hjá mér, ég finn það. Mér
finnst loftgæðin betri heima hjá mér. Ég fæ
líka eitthvað út úr því að hugsa um plönt-
urnar mínar. Það veitir mér einhverja
ánægju,“ segir Katrín sem finnst hlýlegra,
notalegra og fallegra heima hjá sér eftir því
sem bætist í plöntufjölskylduna.
Á einum af stofuveggjunum vekur sér-
staka athygli þekja af mánagullsplöntum.
Plöntuveggurinn er eins og þeir sem Katrín
setur upp á vegum fyrirtækis síns. Norska
fyrirtækið Skogluft framleiðir sérhannaða
plöntubakka fyrir plönturnar en fyrir-
tækinu kynntist hún í Noregi.
Mikið rannsakað
Plöntuveggurinn heima hjá Katrínu sómir
sér vel í stofunni þar sem einnig er að finna
heimaskrifstofu hennar. Plöntuveggirnir
eru þó ekki síður hugsaðir fyrir fyrirtæki
en vísindamenn hafa lengi sýnt áhrifunum
áhuga. Katrín bendir til dæmis á rannsókn
á vegum NASA frá árinu 1989.
„Það er til gömul rannsókn sem gerð var
á áhrifum plantna á loftgæði í geimförum.
Það var verið að hugsa um hvernig væri
hægt að bæta loftgæði inni í rýmum sem
geimfarar voru í. Þá kom í ljós að það eru
ákveðnar tegundir af plöntum sem hreinsa
andrúmsloftið betur en aðrar, segir Katrín.
Hún nefnir tegundir á borð við friðarlilju,
mánagull og aðra grænblöðunga sem
plöntur sem bæta loftgæði.
Katrín notar mánagull í veggina sína og
ekki bara vegna þess að plantan stuðlar að
betri loftgæðum. Hún segir mánagull vaxa
nokkuð hratt auk þess sem hún þarf afar
einfalda umönnun, litla vökvun og birtu.
Þrátt fyrir að Katrín segi að plöntuáhug-
inn hafi komið með aldrinum þá býr hún að
því að hafa skrifað meistararitgerð sína í
Noregi um efnið fyrir níu árum. Ég rann-
sakaði hvort plöntur og lýsing myndu bæta
afköst, þreytustig starfsmanna og starfs-
ánægju.
„Ég tók meðal annars viðtal við fram-
kvæmdastjóra Google í Noregi. Fram-
kvæmdastjórinn hafði fulla trú á því að
plöntuveggir á skrifstofum þeirra hefðu
haft þau áhrif að veikindadögum hjá hans
starfsfólki fækkaði. Hann var algjörlega
sannfærður um að tengsl væru þarna á
milli. Niðurstöðurnar úr minni rannsókn
bentu til þess að fólki liði betur og starfs-
þátttaka væri meiri og veikindadagar færri
þar sem plöntur voru í skrifstofurýmum. Í
Noregi hafa líka verið gerðar rannsóknir á
spítölum sem benda til þess að fólki, sem
sér gróður út um glugga hjá sér eða er með
grænt inni hjá sér, batni hraðar.“
Aukinn áhugi í faraldrinum
„Það er aldrei réttur tími til að stofna fyrir-
tæki. Það er alltaf ákveðin áhætta en þessi
hugmynd var búin að blunda lengi í mér,“
Plöntur fegra og bæta lífsgæði
Íslendingar hafa sjaldan eða aldrei haft meiri áhuga á inniplöntum. Plöntur eru þó ekki bara fallegar að sögn
Katrínar Ólafar Egilsdóttur sem stofnaði nýverið fyrirtækið Mánagull. Í meistararitgerð sinni í vinnusálfræði í
Noregi skoðaði Katrín jákvæð áhrif plantna og síðan þá hefur áhugi hennar á plöntum bara aukist.
Guðrún Selma Sigurjónsdóttir gudrunselma@mbl.is
Plöntur stuðla að
betri loftgæðum.
18 MORGUNBLAÐIÐ SUNNUDAGUR 6.12. 2020
LÍFSSTÍLL