Bæjarins besta - 08.08.2002, Page 8
8 FIMMTUDAGUR 8. ÁGÚST 2002
Stakkur skrifar
Verslunarmanna(ó)helgi Netspurningin
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum hafa oft verið umdeildar og vakið umræður. Þær þurfa alls
ekki að fara saman við skoðanir útgefenda blaðsins. Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
Netspurningin er birt viku-
lega á bb.is og þar geta
lesendur látið skoðun sína
í ljós. Aðeins er tekið við
einu svari frá hverri tölvu.
Niðurstöðurnar eru síðan
birtar hér.
Spurt var:
Telur þú rétt að
einkavæða
rekstur sjúkra-
húsa?
Alls svöruðu 316.
Já sögðu 47 eða 14,87%
Nei sögðu 269 eða 85,13%
Nú er verslunarmannahelgi lokið. Hún er mesta ferðahelgi ársins og stundum
mætti halda að enginn væri maður með mönnum nema að leggja land undir fót.
Fólk sest upp í bílana sína og ekur út um land, nú eða flýgur og siglir til Vest-
mannaeyja á þjóðhátíð.
Löngu áður en helgin rennur upp fara landsmenn að kvíða því hvernig um-
ferðin muni nú ganga þetta árið eða hversu mörgum verði nauðgað og hve margt
fólk verði barsmíðum að bráð. Læknir á bráðamóttöku Landspítalans lýsti því
glöggt hve langt villimennska sumra Íslendinga nær þegar kem-
ur að slagsmálum og árásum á aðra. Jón Baldursson yfirlæknir
veit sínu viti í þessum efnum. Næg er villimennskan fyrir þótt
ekki sé stefnt saman ungmennum sem allir vita að muni leggja
fyrir sig drykkjuskap og fíkniefnaneyslu með tilheyrandi afleiðingum.
Svo virðist sem nú hafi tekist venju fremur vel til. Umferðin gekk því miður
ekki slysalaust fyrir sig. Ungs manns er saknað eftir að bíll sem hann var farþegi
í steyptist í Hvítá við Brúarhlöð. Hans var leitað án árangurs alla helgina. Kann-
ski hefur þessi hræðilegi atburður haft áhrif á aðra í umferðinni til góðs. Að minn-
sta kosti urðu ekki fleiri alvarleg slys. Menn setur hljóða við fréttir af slysum í
umferðinni. En skelfingin dugar of skammt. Áður en við vitum af berast fréttir
af banaslysum í umferðinni og alvarlegum meiðslum. Allt vegna þess að menn
gera umferðina að vígvelli og öðrum vettvangi af tveimur til að fá útrás fyrir
ofbeldishvatir sínar. Hinn er skemmtanalífið, sem endar því miður oft með því að
saklausir borgarar tapa jafnvel lífinu, eins nýlegt en hryllilegt dæmi sýnir af
ungum Ísfirðingi, sem ekkert hafði sér til saka unnið.
Svo virðist sem öflugt eftirlit lögreglu um allt land hafi nú skilað árangri í um-
ferðinni. Þar er sameiginlegt eftirlit á Vestfjörðum, sem tekið var upp fyrir tilstilli
þáverandi lögreglustjóra á Ísafirði 1994, glöggt dæmi um að með því að stilla
saman kraftana og leggja mikið undir næst árangur. Hrósa verður lögreglunni á
Hólmavík fyrir að hafa nú tekið upp kröftugt eftirlit með umferð á Steingríms-
fjarðar- og Holtavörðuheiðum. Vel á annað hundruð ökumenn
voru staðnir að hraðakstri sem er eitt hættulegasta athæfið í
umferðinni og minnir helst á ofbeldi þeirra sem virða náunga
síns einskis og berja viðkomandi án tilefnis. Á sama tíma hefur
lögreglustjórinn í Bolungarvík gerst baráttumaður fyrir auknum hraða á vegum
um Óshlíð og Eyrarhlíð er kostað hafa nokkur mannslíf, auk slysa þar sem hurð
skall nærri hælum með afleiðingum fyrir lífstíð.
Slæmar eru fréttirnar um hörðu fíkniefnin sem gerð hafa verið upptæk á
útihátíðum um liðna helgi. Furðulegra er að hleypa ósjálfráða börnum innan 18
ára aldurs einum á slíkar samkomur. Íslendingar verða að taka sig á og sýna að
ætlunin sé að standa við 18 ára sjálfræðisaldurinn. Hækka verður bílprófsaldurinn
í 18 ár. Annars er ekki mark að lögum um sjálfræði. Næsta ár verður að fylgja því
strangt að enginn undir þeim aldri sé að þvælast á útisamkomum án fylgdar for-
eldra.
Bolungarvík
Smábátasjó-
menn réru
26 daga í júlí
Alls komu 947 tonn af
bolfiski á land í Bolungar-
vík í nýliðnum mánuði.
Aflahæsti línubáturinn var
sem fyrr Guðmundur Ein-
arsson en áhöfn hans land-
aði 56,5 tonnum í júlí. Þá
var Bernskan hæst hand-
færabáta með 28 tonn úr 14
róðrum.
Vel gaf fyrir bolvíska
smábátasjómenn sem reru
26 daga af 31 í júlímánuði.
Þá komu 14.036 tonn af
loðnu á land í Bolungarvík
Vestfirðir
Hæstu greið-
endur útsvars
Tíu hæstu útsvarsgreið-
endur á Vestfjörðum eru
þessir samkvæmt álagn-
ingu 2002:
Sveinn Rögnvaldsson,
Patreksfirði, kr. 3.742.983,
Guðmundur R. Guðmunds-
son, Drangsnesi, kr.
2.105.773, Þórhallur Ara-
son, Þingeyri, kr.
2.022.727, Þorsteinn Jó-
hannesson, Ísafirði, kr.
1.882.786, Jón Björgvin G.
Jónsson, Patreksfirði, kr.
1.731.026, Ómar Ellerts-
son, Ísafirði, kr. 1.391.837,
Gunnar Albert Arnórsson,
Ísafirði, kr. 1.384.867, Leif
Halldórsson, Patreksfirði,
kr. 1.364.627, Kristján Ingi
Sveinsson, Bolungarvík, kr.
1.333.167 og Kristinn R.
Hermannsson, Ísafirði. kr.
1.325.446.
Kynningarátak síðustu ára á Vestfjörðum farið að skila sér
Stóraukin umfjöllun um Vestfirði
í frönskum blöðum og tímaritum
Flugleiðir, Vesturferðir og
ferðaþjónar á Vestfjörðum
hafa í tvö sumur staðið fyrir
kynnisferðum franskra blaða-
mannahópa til Vestfjarða, eins
og fram hefur komið á bb.is.
Sú vinna hefur greinilega skil-
að sér í aukinni umfjöllun
franskra blaða og tímarita um
Vestfirði sem áhugavert ferða-
mannasvæði. Mörg þeirra
hafa birt íburðarmiklar greinar
þess efnis frá því að kynningin
hófst, m.a. stórblaðið Le
Monde.
Í nýútkomnu hefti franska
útivistartímaritsins Grands
Reportages er að finna feiki-
langa umfjöllun um kjálkann.
Ljóst er að höfundurinn hefur
orðið fyrir miklum hughrifum
af heimsókn sinni því ekki
sparar hann stóru orðin í lýs-
ingum á náttúrufegurð og fjöl-
breytni svæðisins. Með grein-
inni, sem ber yfirskriftina Des
fjords et des hommes (Af
fjörðum og fólki), er fjöldi
skemmtilegra ljósmynda sem
eiga vel við efnistökin.
Rúnar Óli Karlsson, ferða-
málafulltrúi Ísafjarðarbæjar,
segir of snemmt að segja til
um það, hvort að aukin um-
fjöllun franskra fjölmiðla um
Vestfirði eigi eftir að skila sér
í fleiri ferðalöngum frá Frakk-
landi. Hann telur sig þó greina
aukinn áhuga þarlendra ferða-
manna á svæðinu.
„Við erum farin að heyra
það frá ferðaþjónustuaðilum
á landinu að við þurfum að
fara að gefa út kynningar- og
upplýsingaefni á frönsku. Það
segir manni að fjöldi fyrir-
spurna um svæðið frá Frökk-
um hefur aukist“, segir Rúnar
Óli. Hann býst við því að
framhald eigi eftir að verða á
heimsóknum franskra fjöl-
miðlahópa til Vestfjarða.
„Kynningargildi þessara
heimsókna er mikið að mínu
mati og full ástæða til þess að
halda þeim áfram um sinn.“
Opna í tímaritinu Grands Reportages.
Holt
Prestsetrasjóð-
ur vill kaupa
Prestsetrasjóður hefur
gert kauptilboð í skólahús-
ið gamla í Holti í Önund-
arfirði. Tilboðið var lagt
fram á fundi bæjarráðs Ísa-
fjarðarbæjar og hljóðar upp
á 2,5 milljónir króna. Í bréfi
sem fylgdi kauptilboðinu
kom fram að áformað væri
að reka í húsinu kirkju-,
og menningarmiðstöð.
Samhljóða bréf hefur
verið sent menntamála-
ráðuneyti. Bæjarráð er já-
kvætt fyrir sölu eignarinnar
til sjóðsins og fól bæjar-
stjóra að kanna afstöðu
menntamálaráðuneytisins
til tilboðsins.
Hin árlega „Hjóna- og parakeppni“ Golfklúbbs Bolungarvíkur fór fram á Syðridalsvelli á laugardag. Keppnisfyrirkomulag
var með þeim hætti að dregnir voru saman vanir og óvanir kylfingar sem léku saman 9 holur. Það „par“ sem varð hlut-
skarpast í mótinu voru þeir Baldur Smári Einarsson og Jón Steinar Guðmundsson en þeir léku holurnar níu á 47 höggum.
Í öðru sæti urðu bræðurnir Benedikt og Páll Guðmundssynir á 50 höggum og í þriðja sæti urðu Benedikt Sigurðsson og
Þorbjörg Jónína Harðardóttir á 54 höggum. Á myndinni eru verðlaunahafarnir í Hjóna- og parakeppni GBO.
bb.is