Bæjarins besta - 08.08.2002, Page 9

FIMMTUDAGUR 8. ÁGÚST 2002 9
Sjóskíði dregin
af bíl í Holtsfjöru
Þrír ungir Ísfirðingar
gerðu sér það að leik í
síðustu viku að draga
sjóskíði með bíl í fjör-
unni við Holt í Önund-
arfirði. Þeir Þorsteinn
Másson, Hákon Blönd-
al og Albert Skarp-
héðinsson skiptust á að
standa á skíðunum
meðfram fagurri
Holtsfjörunni en
tveimur dögum fyrr
hafði annar hópur undir
forustu Þorsteins gert
það sama í sandfjöru í
Bolungarvík. Þá olli
grútarblandinn sjór við
annan enda fjörunnar
nokkrum vandræðum
og varð Holt þess vegna
fyrir valinu þegar leik-
urinn var endurtekinn.
Ekki er vitað til þess að
sjóskíði hafi áður verið
dregin af bíl á Íslandi.
Hafmeyjan, sigurverkið í ár.
Sandkastalakeppnin á Holtsfjöru
Hátt í 300 manns
mættu til leiks í ár
Hátt í 300 manns lögðu leið
sína á Sandkastalakeppnina í
Önundarfirði á laugardag en
hún hefur verið haldin árlega
á sendinni Holtsfjörunni í ára-
tug. Sigurverkið í keppninni
var myndarleg hafmeyja með
þarablöðkur fyrir hár og steina
fyrir augu og fóru höfundar
hennar heim klyfaðir verð-
launum frá Bókhlöðunni og
Sparisjóði Vestfirðinga. Einn
aðstandenda mótsins, Guð-
mundur Björgvinsson, sem
oft er nefndur sandkastala-
kóngur, segir ómögulegt að
segja til um hver hafmeyjar-
smiðurinn var.
„Við erum alveg hætt að
skrá hver gerir einstök verk,
yfirleitt er þetta fjöldi manns
sem sameinast við vinnuna
og aðalatriðið er að hafa bara
gaman af þessu. Fyrst og
fremst snýst kastalakeppnin
um að fara út að leika sér með
börnunum sínum“, segir Guð-
mundur.
Dómnefnd í keppninni
skipuðu þær Elísabet Gunn-
arsdóttir, arkitekt, Dorothee
Lubecki, ferðamálafulltrúi, og
Sigríður Björk Guðjónsdóttir,
sýslumaður Ísfirðinga. Höfðu
þær ærinn starfa við að velja
sigurverk úr hópi þeirra fimm-
tíu listaverka er litu dagsins
ljós þennan gráa laugardag.
Peningar eru fólki ávallt hugleiknir, líka við sandkastala-
smíðar, eins og þessi hundraðkall ber vitni um.