Fréttablaðið - 17.02.2021, Blaðsíða 38

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050: Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.
is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
H l u t v e r k a s p i l i ð for nf ræga Du n-geons & Dragons e r e i n n ó u m -d e i l d r a h o r n -steina vestrænnar
nördamenningar þótt ekki sé
heiglum hent að stíga inn í þann
heim drekafullra dýf lissa. Í það
minnsta ekki nema hafa tíma, lág-
marksþekkingu og tilfinningalegt
svigrúm.
Þetta veganesti er þó oftar en
ekki af skornum skammti á snjall-
símaöld og við því hefur tónlistar-
maðurinn Gísli Gunnar Didriksen
Guðmundsson brugðist, með því
að bjóða fram Dreka og dýf lissu-
þjónustu á Facebook undir merkj-
um DMDidriksen.
„Mér bara datt þetta í hug af því
að ég held að mörgum finnist það
dálítið óárennileg pæling að byrja
að spila. Sérstaklega ef þú þekkir
ekki neinn leikstjórnanda, vegna
þess að það veltur rosamikið á því
hlutverki,“ segir Gísli með vísan til
umsýslunnar sem fylgir Drekum og
dýf lissum, eða D&D.
Eftirlit með skrímslum
„Það þarf einhver að vera tilbúinn
til að vera stjórnandinn sem kann
reglurnar, allavega upp að ein-
hverju marki, og sér um allan
umheiminn, allar aukapersónurn-
ar, öll skrímslin og allt þetta drasl.
Það er ákveðin skuldbinding
og ég hugsaði að það hlyti bara að
vera fólk þarna úti sem væri til í að
prufa en þekkti ekki spilara eða
hefði bara ekki tíma eða nennu til
að setja sig inn í þetta. Og þá nátt-
úrlega er tilvalið að það sé bara ein-
hver gæi tilbúinn til þess að stíga
inn í það hlutverk,“ segir Gísli, sem
ákvað að gerast akkúrat sá náungi.
Hann segist einfaldlega mæta
með allt sem þarf, teninga, bækur
og tilheyrandi, þangað sem hann
er pantaður, og leiða fjölskylduna
eða vinahópinn í gegnum stór-
brotin ævintýri. Þá tekur hann að
sér leikjastjórn fyrir börn átta ára
og eldri og býður upp á spilun í
gegnum netið ef svo ber undir.
3.000 á YouTube
Gísli er þegar byrjaður að hasla
sér völl í netspilun utan land-
steinanna á YouTube og Twitch,
rafrænu varnarþingi leikjaspilara
hvers konar. „Ég mun stýra fjög-
urra þátta D&D-leik með metal-
hljómsveitarmönnum í beinni
útsendingu á Twitch í samstarfi við
bandaríska plötufyrirtækið Metal
Blade Records. Allt ævintýrið og
umgjörðin eru eftir mig, en þetta
verða fjórir þættir næstu fjórar
vikurnar en þeim er svo hlaðið upp
á YouTube strax eftir að útsendingu
lýkur.“
Fyrsti þátturinn fór í loftið á
föstudagskvöld og Gísli segir um
700 manns hafa horft á streymið
á Twitch í beinni og þegar þetta er
skrifað hafa um 3.000 manns horft
á upptökuna á YouTube.
Gísli segir að heimsfaraldurinn
og f leira hafa orðið til þess að það
dróst á langinn að opna DMDidrik-
sen á Facebook en þegar Twitch-
útsendingarnar voru yfirvofandi
hafi ekki verið hægt að bíða lengur.
Mörg eru undrin
„Fyrir það fyrsta er þetta ógeðslega
gaman. Það er svona númer eitt, tvö
og þrjú,“ segir Gísli, þegar hann er
spurður hvers vegna hann sé tilbú-
inn í tímafreka leikjastjórnunina.
Sjálfur hefur hann ekki spilað
D&D nema í tæp fjögur ár og segist
bölva því í sand og ösku að hafa
ekki byrjað fyrr, þegar hann var
ungur og hafði meiri tíma. Hann
haf i rétt fengið nasaþef inn af
þessu í menntaskóla og hafi síðan
haft D&D bak við eyrað án þess að
gera nokkuð í því fyrr en Netflix og
þættirnir Stranger Things gerðust
miklir örlagavaldar.
„Fyrsta sería Stranger Things
byrjar á því að þeir eru saman
strákarnir að spila D&D og það
small bara eitthvað í höfðinu á
mér. Ég hugsaði bara: „Ókei, nú
bara gerum við þetta“ og ég og
félagar mínir fjárfestum saman í
byrjendapakkanum,“ segir Gísli og
bætir við að hann hafi tekið á sig
að verða stjórnandinn. „Og síðan
hefur bara ekki verið aftur snúið.“
toti@frettabladid.is
Gísli sér um tímafrekt
taumhald á skrímslum
Spunanördinum Gísla Gunnari Guðmundssyni rennur blóðið svo til
skyldunnar að hann tekur að sér leikjastjórn og umsýslu með auka-
persónum og skrímslum í hlutverkaspilinu Dungeons & Dragons.
„Nörd er bara einhver sem hefur óbilandi áhuga á einhverju,“ segir Gísli Gunnar, sem skilgreinir sig vítt sem slíkan
út frá óbilandi áhuga á fantasíu, sögugerð og sögusköpun og nýtur þess að spinna ævintýri í D&D. MYND/MAMBA
FYRIR ÞAÐ
FYRSTA ER
ÞETTA
ÓGEÐSLEGA
GAMAN. ÞAÐ
ER SVONA
NÚMER EITT,
TVÖ OG ÞRJÚ.
Dungens & Dragons á sér langa sögu í poppkúltúrnum, en það var einmitt
ekki fyrr en Gísli sá vinina í Stranger Things spila, að hann lét loksins vaða.
MARKAÐURINN.IS – NÝR VETTVANGUR VIÐSKIPTALÍFSINS
Nýr og endurbættur markaðurinn.is
er kominn í loftið með öllum helstu
upplýsingum úr fjármálaheiminum.
• Gengi hlutabréfa í rauntíma
• Gengi gjaldmiðla
• Daglegar viðskiptafréttir
• Nýjasta tölublað Markaðarins
1 7 . F E B R Ú A R 2 0 2 1 M I Ð V I K U D A G U R22 L Í F I Ð ∙ F R É T T A B L A Ð I Ð