Rit Mógilsár - 2013, Side 9

Rit Mógilsár 28/2012 9

sem gróskan er lítil til meðal. Í einu
tilviki er gróskan metin mikil en það er
fyrir sitkagreni í Skarfanesi. Laxaborg
virðist vera með hlutfallslega lægsta
gróskustigið. Belgsá og Ormsstaðir eru
á svipuðu róli á miðju rófinu en Skarfa-
nes er með hæstu flokkana. Í 3. töflu er
síðan birtur meðalársvöxtur við 50 ára
gróðursetningaraldur fyrir gróskuflokka-
valið eins og það birtist í 2. töflu. Þar
kemur fram mikill munur á grósku
tegundanna þar sem birkið vermir
botninn en alaskaösp er með hæstu
gildin. Þar fyrir neðan er sitkagreni en
síberíulerki og stafafura eru á svipuðu
róli.
Mat á kolefnisbindingu í jarðvegi og sópi
Við mat á kolefnisbindingu í sópi (dautt
lífrænt efni, e:litter) og kolefnisbindingu
eða -losun í jarðvegi var stuðst við
sömu stuðla og notaðir voru í opinberu
árlegu kolefnisbókhaldi Íslands til
Rammasamnings Sameinuðu þjóðanna
um loftslagsbreytingar (Birna Sigrún
Hallsdóttir o.fl. 2012). Eftirtaldir stuðlar
voru notaðir í 50 ár eftir nýræktun
skóga:
1. Binding í sópi: 0,52 tonn CO2/ha
og ári.
2. Binding í þurrlendisjarðvegi á vel-
eða fullgrónu landi: 1,34 tonn
CO2/ha og ári.
3. Binding í þurrlendisjarðvegi á lítt
til hálfgrónu landi: 1,88 tonn CO2/
ha og ári
Stuðlar 1 og 2 byggja á rannsókna-
niðurstöðum úr skógum á Íslandi (Arnór
Snorrason o.fl. 2000, Arnór Snorrason
o.fl. 2002c, Bjarni D. Sigurdsson o.fl.
2005, Brynhildur Bjarnadóttir 2009).
Stuðull 3 er landsmeðaltal sem Land-
græðsla ríkisins notar við mat á kol-
efnisbindingu jarðvegs við landgræðslu
á lítt grónu landi (Birna Sigrún Halls-
dóttir o.fl. 2012).
Laxaborg Belgsá Ormsstaðir Skarfanes
Alaskaösp 8,0 8,0 13,8
Stafafura 4,2 6,5 6,5 6,5
Sitkagreni 7,6 7,6 7,6 10,1
Síberíulerki 4,6
Birki 2,5
3.tafla. Meðalársbinding í trjám við 50 ára aldur metin fyrir trjátegundir
sem valdar eru á skógræktarsvæðunum fjórum. Tölurnar eru í tonnum
af CO2 á ha og ár.
Laxaborg Belgsá Ormsstaðir Skarfanes
Ný svæði að bætast við samning 2012-2013 2013 2015-2018 2014-2021
Öll svæði að binda 2014-2062 2014-2063 2019-2065 2021-2064
Svæði að detta út úr samningi 2063-2064 2064 2066-2069 2065-2072
4. tafla. Mismunandi tímabil kolefnisbindingar fyrir svæðin fjögur.