Morgunblaðið - 28.06.2021, Síða 8

8 FRÉTTIRInnlent
MORGUNBLAÐIÐ MÁNUDAGUR 28. JÚNÍ 2021
Hjörtur J. Guðmundsson, sagn-fræðingur og alþjóðastjórn-
málafræðingur, skrifar á vef sinn
fullveldi.is. Á dögunum fjallaði
hann um ESB og bóluefni og sagði:
„Forseti framkvæmdastjórnar
Evrópusambands-
ins, Ursula von der
Leyen, hitti nagl-
ann á höfuðið fyrr á
þessu ári í viðleitni
sinni til þess að út-
skýra seinagang
sambandsins við
bólusetningar við
kórónuveirunni í
samanburði við ýmis ríki utan
þess. „Eitt og sér getur ríki verið
eins og hraðbátur á meðan Evr-
ópusambandið er meira eins og
olíuskip,“ sagði von der Leyen við
fjölmiðla í febrúar og vísaði til
stjórnsýslu sambandsins.“
- - -
Hjörtur nefndi að margir hefðuklórað sér í kollinum yfir því
að íslensk stjórnvöld hefðu ákveðið
að treysta á ESB til að útvega
þjóðinni bóluefni. Svo segir hann
miklu betur hafa gengið á síðustu
vikum en fram til loka apríl, en þá
hafi leiðir skilið. Ísland hafi tekið
fram úr ESB í bólusetningum því
þá hafi verið ákveðið að afla bólu-
efna „sem aðrir höfðu ekki notað í
stað þess að bíða eftir samband-
inu.“
- - -
Hjörtur dregur eftirfarandiályktun af bólusetningarmál-
inu og öðrum krísum þar sem ESB
hafi fallið á prófinu: „Mjög langur
vegur er frá því að stærðin sé ótví-
ræður kostur líkt og von der
Leyen benti á fyrr á árinu. Ljóst er
að sífellt hraðari breytingar eiga
sér stað í heiminum og skiptir
miklu máli við þær aðstæður að
geta brugðist hratt og örugglega
við. Ekki sízt þegar mikla erf-
iðleika ber skyndilega að garði.
Við þær aðstæður er eðli málsins
samkvæmt miklu farsælla hlut-
skipti að vera hraðbátur en far-
þegi í svifaseinu olíuskipi.“
Hjörtur J.
Guðmundsson
Svifaseint ESB
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Erla María Markúsdóttir
Urður Egilsdóttir
Mun meiri virkni mælist á gosstöðv-
unum í Geldingadölum en verið hef-
ur. Þetta segir Þorvaldur Þórðarson,
prófessor í eldfjallafræði við Há-
skóla Íslands. Ef fram fer sem horfir
mun hraunið streyma úr dalnum í
Nátthagakrika og þaðan yfir Suður-
strandarveg, hraðar en gert var ráð
fyrir. „Það er greinilegt að yfir-
borðsflæðið úr gígnum er mest að
fara í Geldingadali,“ segir hann.
Einhver breyting í gangi
„Ef það er meira flæði að fara nið-
ur í Geldingadali er það mikið
áhyggjuefni, þar sem það þýðir að
atburðarásin verður hraðari,“ segir
Þorvaldur sem treystir sér þó ekki
til að spá fyrir um hvenær hraunið
muni ná að Suðurstrandarvegi.
„Það er einhver breyting í gangi
sem við verðum að fylgjast með.“
Magnús Rannver Rafnsson verk-
fræðingur leggur til að lögð verði
nokkurs konar hraunbrú yfir Suður-
strandarveg til þess að flytja hraun
sem stefnir að veginum yfir hann og
áfram út í sjó.
Samstarfshópur er um verkefnið
sem verkfræðistofa Suðurnesja ber
ábyrgð á. Tillagan er nú á borði al-
mannavarna og vonast Magnús til að
heyra frá þeim í vikunni. Nánar er
rætt við hann á mbl.is.
Aukin virkni í Geldingadölum
- Hraunbrú yfir
Suðurstrandarveg
Ljósmynd/NASA
Gos Virkni gossins í Geldingadölum
mælist nú meiri en verið hefur.
Vestfjarðavíkingurinn 2021 hefst á
föstudaginn og stendur yfir alla
helgina í hinum ýmsu bæjum og þorp-
um Vestfjarða. Þetta er í 29. skipti
sem keppnin er haldin en það tókst að
halda hana í fyrra þrátt fyrir heims-
faraldurinn. Keppnirnar verða við
Djúpuvík, Heydal, Súðavík og Þing-
eyri í ár en í fyrra voru þær aðallega í
bæjum á Vesturlandi.
„Við förum sunnanvert um Vest-
firði eða Vesturland annað árið og
norðanvert hitt árið, þannig að það
eru tvö ár síðan við vorum þarna,“
segir Magnús Ver Magnússon, skipu-
leggjandi hátíðarinnar, en hann hefur
séð um keppnina síðustu ár.
Íslenskar þrautir
Í keppninni verður keppt í hinum
ýmsu þrautum, til að mynda bónda-
göngu, kútakasti, uxagöngu og leg-
steini en legsteinninn hefur ýmsar
þjóðsögulegar tengingar.
„Þetta er steinn sem er í Heydal,
sem er einhver 220 kíló. Það þarf að
taka hann upp og ganga í kringum
annan stein. Þetta er bóndi sem er í
álögum og þegar það er búið að ganga
nógu marga hringi þá losnar bóndinn
úr álögunum,“ segir Magnús og hlær.
Keppendur eru um tólf sterkustu
menn landsins að undanskildum
nokkrum góðum. „Eyþór Ingólfsson
Melsted er ekki með, hann er enn þá
að sleikja sárin eftir sterkasta mann
heims,“ segir Magnús. Þá varð Tóm-
as Darri Þorsteinsson fyrir meiðslum
á æfingu fyrir nokkrum dögum og er
úr leik. Margir aðrir verða þó á svæð-
inu og þar má meðal annars nefna
Stefán Karel Torfason, son „loðfíls-
ins“ svokallaða, Torfa Ólafssonar.
ari@mbl.is
Vestfjarðavíking-
urinn um helgina
Morgunblaðið/Sigurður Aðalsteinsson
Sterkur Stefán Sölvi Pétursson að
leik í Austfjarðatröllinu 2005.
- Haldinn í 29. skipti fyrir vestan