Morgunblaðið - 28.06.2021, Blaðsíða 18

18 MINNINGAR
MORGUNBLAÐIÐ MÁNUDAGUR 28. JÚNÍ 2021
✝
Bjarni Valgeir
Bjarnason
fæddist á Norður-
stíg í Reykjavík 29.
ágúst 1931. Hann
lést á hjúkr-
unarheimilinu Eir
14. júní 2021.
Bjarni var sonur
hjónanna Bjarna
Bjarnasonar sjó-
manns, f. 1901, d.
1972, og Mögnu
Ólafsdóttur, f. 1898, d. 1987.
Bjarni var næstelstur sex syst-
kina, hin eru Anna Ólafía, f.
1927, d. 2013, Baldur Þorsteinn,
f. 1933, d. 2014, Bragi Guð-
mundur, f. 1935, d. 2016, Bára
Helga, f. 1937, d. 2020, og Alda
Björg, f. 1942.
Bjarni, sem oftast var kall-
aður Baddi, ólst upp í miðbæ
Reykjavíkur en fór í sveit í Dal-
ina á sumrin.
Árið 1953 kvæntist Bjarni
Huldu Ingimundardóttur. Þau
skildu. Börn þeirra eru: 1)
Bjarni Guðmundur Bjarnason,
f. 9.1. 1953, kvæntur Ástu Jó-
hönnu Einarsdóttur. Börn
þeirra eru: a) Valborg Stefanía,
son, b) Bjarni Magni Kristins-
son, f. 28.7. 1987, og Steindór
eitt barn a) Steinunn Vigdís, f.
14.5. 1983.
Bjarni kvæntist eftirlifandi
eiginkonu sinni, Svövu Randí
Antonsdóttur, árið 1971. Þau
áttu saman dótturina Sunnu, f.
25. 8. 1971. Fyrir átti Randí
dótturina Lindu, f. 4.4. 1966.
Baddi var járnamaður. Hann
vann við ýmis þekkt mannvirki
hér heima, eins og Loftleiðahót-
elið, Bústaðakirkju, Húsgagna-
höllina, Sjálfsbjargarhúsið og
Búrfellsvirkjun. Eftir síðast-
nefnda verkið var hann fenginn
til vinnu í Svíþjóð til að kenna
þar rétt handbrögð. Þaðan var
hann leystur út með viðurkenn-
ingarskjal fyrir vel unnin störf.
Eftir þrjú ár í Bolungarvík
fluttu Baddi, Randí og yngri
dæturnar til Bandaríkjanna ár-
ið 1980 og bjuggu þar lengst af
í Anaheim í Suður-Kaliforníu. Í
Bandaríkjunum skildi Baddi
handbragð sitt eftir víða, einna
mest áberandi mannvirkið er
Stratosphere-turninn í Las Ve-
gas en hann er eitt af kennileit-
um borgarinnar. Baddi og
Randí fluttu aftur heim til Ís-
lands 1999, áður hafði Linda
flutt heim en Sunna er enn bú-
sett ytra.
Útför Bjarna fer fram frá
Dómkirkjunni í dag, 28. júní
2021, kl. 13.
f. 23.2. 1977, gift
Sturlu Gunnars-
syni, þau eiga þrjú
börn og þrjú
barnabörn, b)
Svanfríður, f. 26.7.
1980, maki hennar
er Friðrik Örn
Jörgensson, þau
eiga tvö börn, c)
Ásta Hulda, f. 25.2.
1985, gift Þorvaldi
Skúla Pálssyni, þau
eiga tvö börn, d) Tinna Rut, f.
24.9. 1985, maki hennar er Hall-
ur Kristján Ásgeirsson, þau
eiga tvö börn, fyrir átti Hallur
tvö börn. Fyrir átti Guðmundur
soninn Einar Þór, f. 23.9. 1973,
eiginkona hans er Elva Dröfn
Sveinsdóttir, þau eiga þrjú
börn. 2) Brynja Bjarnadóttir, f.
7.4. 1958, maki hennar er Stein-
dór Rafn Theódórsson. Börn
þeirra eru: a) Harpa Dögg, f.
21.8. 1991, maki hennar er Ed-
mund Oddur Hólm, þau eiga
einn son, b) Pálmi Rafn, f. 4.5.
1993, og Hjalti Gunnar, f. 27.7.
2002. Fyrir átti Brynja tvö
börn: a) Hulda María Magnús-
dóttir, f. 8.3. 1980, hún á einn
Glaði, skemmtilegi og ljúfi
maðurinn sem alltaf var uppi á
stalli hjá mér er nú farinn yfir í
sumarlandið. Síðustu ár hafa oft
verið erfið en húmorinn var allt-
af til staðar sama hvað bjátaði á.
Eftir að þú fluttir á Eir sungum
við oft saman inni í herberginu
þínu, síðustu ár var söngurinn
þitt líf og yndi. Að geta haldið í
höndina á þér þegar þú kvaddir
var yndislegt. Starfsfólkinu á
þrjú suður vil ég þakka fyrir að
hugsa um pabba minn og ég vil
líka þakka þeim þá virðingu sem
þau sýndu honum eftir andlát
hans.
Elsku pabbi, ég set hér inn
uppáhaldslagið mitt og texta
sem segir allt sem segja þarf um
tilfinningar mínar til þín.
Ó, pabbi minn
Ó pabbi minn, hve undursamleg ást
þín var.
Ó pabbi minn, þú ávallt tókst mitt
svar.
Aldrei var neinn, svo ástúðlegur eins
og þú.
Ó pabbi minn, þú ætíð skildir allt.
Liðin er tíð, er leiddir þú mig lítið
barn.
Brosandi blítt, þú breyttir sorg í gleði.
Ó pabbi minn, ég dáði þína léttu lund.
Leikandi kátt, þú lékst þér á þinn hátt.
Ó pabbi minn, hve undursamleg ást
þín var.
Æskunnar ómar ylja mér í dag.
(Þorsteinn Sveinsson)
Takk fyrir allt, þín dóttir
Brynja.
Hjá afa var glasið alltaf hálf-
fullt, jákvæðni og gleði ein-
kenndu þennan yndislega mann
sem hefur kvatt okkur núna og
flogið í fang ættingja sinna í
sumarlandinu fagra.
Afi elskaði að segja sögur um
fólkið sitt og þreyttist seint á að
koma öllum börnum á óvart með
því að láta puttann sinn hverfa.
Minning um mann sem elsk-
aði saklausa stríðni og hafði ein-
staklega hlýja og jákvæða lífs-
sýn situr eftir í hjörtum okkar.
Hvíl í friði elsku afi.
Einar Þór, Valborg,
Svanfríður, Ásta Hulda
og Tinna Rut.
Þá hefur hann afi okkar kvatt
þennan heim eftir snörp veik-
indi, fremur óvænt högg þegar
virtist vera að rofa til í sam-
félaginu. Þar sem við systkinin
erum á svo mismunandi aldri
eigum við ólíkar minningar og
tengingar við þennan afa okkar.
Fyrir þeim eldri var hann „afi í
Ameríku“ allt fram á unglings-
ár, afi sem bjó rétt hjá Mikka
Mús þar sem var alltaf sól. Því-
líkt ævintýri sem það var hjá
eldri helmingnum að heimsækja
hann þangað og verða hluti af
sögunum. Þar eignaðist nafni
hans líka sína fyrstu leikfanga-
byssu, allt vildi afi gera fyrir
drenginn. Fyrir þeim yngsta var
búsetan í Ameríku eitthvað sem
hann heyrði bara í sögum frá
okkur hinum og nóg átti afi af
þeim sögum, um alls konar æv-
intýri í Ameríkunni og víðar.
Öllum þótti okkur vænt um
hann, sama hvaða æskuminning-
ar við áttum.
Það er sagt að hjá sumum sé
glasið alltaf hálffullt. Í okkar
minningum var glasið hans afa
ekki bara hálffullt heldur stút-
fullt, eins og hann gæti alltaf séð
léttari hliðarnar á öllu. Alltaf
var til brandari eða saga til að
létta stemminguna. Sumt höfð-
um við heyrt áður en alltaf
brostum við og hlógum, slík var
frásagnargleði hans. Þetta síð-
asta eina og hálfa ár var afar
skrýtið, einkenndist af fjarlægð
og heimsóknabanni vegna veir-
unnar. Þá hjálpaði til að eiga
myndir og alls konar minningar
til að ylja sér við. Söknuðurinn
verður mikill en við erum viss
um að það var vel tekið á móti
honum í sumarlandinu, nóg af
fólki til að hlusta á sögur og
hlæja með.
Hvíldu í friði, elsku afi, hafðu
þökk fyrir allt og allt.
Hulda María, Bjarni Magni,
Harpa Dögg, Pálmi Rafn og
Hjalti Gunnar.
Bjarni Valgeir
Bjarnason
HINSTA KVEÐJA
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn)
Þú áttir söngva og sól í hjarta
er signdi og fágaði viljans stál.
Þeir þurftu ekki um kulda að
kvarta,
er kynni höfðu af þinni sál.
(Grétar Fells)
Ásbjörn Logi og
Brynjar Máni.
Maðurinn með
hlýja, stóra faðm-
inn og hljómmiklu
röddina er farinn í
Sumarlandið.
Elsku Gunnar, upp koma
óteljandi minningar þegar ég
loks læt verða af því að setjast
niður og hripa fátækleg orð nið-
ur. Hvernig í ósköpunum á mað-
ur að geta lýst þínum stóra per-
sónuleika í nokkrum orðum?
Alltaf hefur þú verið hluti af
mínu lífi, mamma og Vigga, kon-
an þín, hafa verið vinkonur frá
blautu barnsbeini. Og svo voruð
þið pabbi miklir vinir, og ég
gerði mér í raun ekki grein fyrir
því fyrr en eftir að pabbi var
fallinn frá. Þú rifjaðir iðulega
upp gamla tíma þegar að við
hittumst og ég skynjaði svo
sterkt hversu mikil áhrif fráfall
pabba hafði haft á þig. Þér var
svo annt um þína, og ég var svo
lánsöm að vera ein af þínum. Þú
Gunnar Ingi
Birgisson
✝
Gunnar Ingi
Birgisson
fæddist 30. sept-
ember 1947. Hann
lést 14. júní 2021.
Útför Gunnars
fór fram 24. júní
2021.
þreyttist aldrei á
því að minna mig á
mikilvægi mennt-
unar, horfðir alvar-
legur á mig og
spurðir mig í hvert
skipti sem við hitt-
umst hvort að ég
ætlaði ekki örugg-
lega að mennta
mig. Það var svo
gaman að hlusta á
þig segja frá, þú
varst svo fróður og sagðir
skemmtilega frá.
Mér finnst orð systur minnar
eiga svo vel við núna: „Það er
mikil gæfa að kynnast góðu fólki
á lífsleiðinni, fólki sem með
framkomu sinni er góð fyrir-
mynd í orði og verki. Fátt
þroskar meira en að fá að vera
samferða slíku fólki í lífinu“.
Þetta á svo sannarlega við um
þig Gunnar.
Ég kveð þig með þakklæti,
elsku Gunnar, þakklæti fyrir
„peppið“, fyrir hlýjuna, fyrir
glettnina, fyrir sögurnar, fyrir
vináttuna og fyrir að hafa verið
svona stór partur af lífi okkar
fjölskyldunnar.
Elsku Vigga, Binna, Agnes og
fjölskyldur, ég sendi ykkur mín-
ar innilegustu samúðarkveðjur
og bið góðan Guð að vernda ykk-
ur og styrkja.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn)
Eva Rós.
Elsku Gunni minn, það var
sárt að fá fréttirnar um að þú
værir farinn. Einn besti drengur
sem ég hef kynnst. Aðeins
tveimur dögum fyrr sátum við
saman og ræddum það sem fram
undan var. Og það var margt
sem þú varst að vinna í og velta
fyrir þér. Með verkefni á þínu
borði fyrir ríkið, fyrir sveitarfé-
lag, fyrir fyrirtæki og fyrir ein-
staklinga. Margir sóttust eftir
þinni hjálp og vissu enda sem
var, að þeir kæmu ekki að tóm-
um kofunum hjá þér. Ég get í
einlægni sagt að fáa greindari
og ráðabetri menn hef ég hitt á
lífsleiðinni.
Margir töldu að þú værir jaxl
og jarðýta, sem þú vissulega
varst, förin stór og verkin mörg
og góð. En færri þekktu þínar
mýkri hliðar, enda lítið gert í að
auglýsa þær. Ég þekki menn
sem vissu ekki að þú hefðir
hjálpað þeim fyrr en árum
seinna þegar aðrir sögðu þeim
það. Og marga hef ég hitt sem á
erfiðleikastundum í lífi sínu leit-
uðu til þín og fengu úrlausn
sinna mála.
Það verða margir sem minn-
ast þín nú með virðingu og
þakklæti. Farið verður yfir
verkin þín og mannkosti eins og
vera ber. En mig langar að
minnast þess hér, hversu um-
hugað þér var um þá sem minna
máttu sín, nokkuð sem sennilega
hafði fylgt þér frá barnæsku.
Hvað þú varst óþreytandi að
tala máli þeirra sem þú taldir að
ættu erindi á opinberum vett-
vangi. Þú hjálpaðir jafnvel fólki
sem ekki hafði reynst þér vel,
sérstaklega ef þú taldir það vera
gott fyrir Kópavog eða önnur
mikilvæg málefni.
Þú varst vissulega ekki allra
og spilaðir enga vinsældaleiki en
samferðamenn þínir til lengri
eða skemmri tíma vissu flestir
að þar fór mikilhæfur maður
með risastórt hjarta þar sem
margir rúmuðust, ekki síst þeir
sem minna máttu sín og þörfn-
uðust hjálpar.
En það má enginn sköpum
renna. Hugurinn var enn jafn
mikill og alltaf en þitt stóra
hjarta gat ekki meir. Við verð-
um mörg sem munum sakna þín
sárt. Innilegar samúðarkveðjur
til Viggu, Agnesar, Binnu,
Bjössa og krakkanna. Það er
stórt skarð höggvið í ykkar líf
en eftir stendur minningin um
einstakan mann sem snerti líf
fjölmargra til góðs. Hvíldu í
friði, elsku kallinn minn. Takk
fyrir að fá að eiga þig að vini.
Þinn vinur,
Jóhann Ísberg.
Sumt fólk er
meira töff en annað
fólk.
Takk fyrir að
taka mér eins og ég
er, á þeim forsendum sem okkur
voru gefnar. Takk fyrir allar
góðu spjallstundirnar þegar ég
Katrín
Kristjánsdóttir
✝
Katrín Krist-
jánsdóttir
fæddist 14. maí
1926. Hún lést 26.
maí 2021.
Útför Katrínar
fór fram í kyrrþey.
kom óvænt í heim-
sókn, takk fyrir að
tala við mig ávallt
sem jafningja, takk
fyrir að leyfa mér
að kalla þig ömmu
mína og láta mig
aldrei efast um að
það hafi verið þann-
ig. Takk fyrir að
hafa látið mér alltaf
líða eins ég væri
hluti af þér.
Ég man okkar fyrstu kynni
sem gerst hafi í gær. Flestir
hitta ömmu sína áður en þeir fá
vit og mál, en ekki þegar ég hitti
þig. Ég lá sofandi úti í Bronco
74 þegar ég var vakinn upp með
því að við værum komin í heim-
sókn á Birkivelli og það væri
kominn tími til að vakna og láta
sjá mig. Ég hef verið kannski 3
til 4 ára. Frá þeim degi varst þú
amma Kata.
Auðvitað var ég ólíkur því
sem þú hafðir áður séð og
örugglega bæði fjörugri og
óþekkari en gengur og gerist
með börn. Það breytir því ekki
að aldrei fann ég fyrir öðru en
ég væri þinn, eins og hin sem þú
áttir fyrir. Sem betur fer náði ég
að þakka þér allt það sem þið
hjónin gerðuð fyrir mig. Það er
ekki sjálfgefið að vera tekið svo
vel.
Allir sem þig þekkja vita
hverslags konu þú hafðir að
geyma. Frá mínum augum varst
þú eðaltöffari eins og margar
frænkur þínar uppi í Gnúpverja-
hreppi. Þið voruð konur sem
gerðuð akkúrat það sem ykkur
langaði. Tókuð bílpróf ungar og
eignuðust flotta bíla, ferðuðust
og gerðuð það sem þið vilduð án
þess að hengja ykkur á aðra,
gamlar hefðir eða álit annarra.
Allar þessar sögur fékk ég að
heyra hjá þér og hafði mjög
gaman af.
Áttunda júní, daginn eftir af-
mælisdaginn okkar Guðmund
afa, varst þú borin til grafar og
ég mun minnast þín með bros á
vör og þakka þér kærlega fyrir
samfylgdina síðustu 40 ár.
Ég mun sakna þín, elsku
amma Kata.
Kveðja, þinn
Atli.
✝
Hrafn Ingvar
Gunnarsson
fæddist á Patreks-
firði 2. október
1950. Hann lést 6.
maí 2021.
Hrafn Ingvar
ólst upp á Þing-
eyri. Foreldrar
hans voru Jóhanna
Jónsdóttir, hún lést
2020, og Gunnar
Sigurðsson, hann
lést 2017. Bróðir hans heitir
Einar Gunnarsson.
Hrafn Ingvar kvæntist Jó-
hönnu Bærings Árnadóttur 28.
maí 1975. Þau skildu 1977. Þau
eignuðust eina dóttur: Hrafn-
hildur Stefánsdóttir.
Ingvar Hrafn kvæntist síðar
Ólöfu Sigríði Rafnsdóttur 8.
júní 1985, þau
skildu 1998. Börn
þeirra: Gunnar
Páll Ingvarsson,
fæddur 7. maí 1982
og Ólöf Jóhanna
Ingvarsdóttir,
fædd 4. mars 1988,
gift Mats Anders-
son, börn þeirra:
Saga Ólöf, fædd
15. nóvember 2014,
Theo Hrafn, fædd-
ur 17. júní 2017 og Alma Ólöf,
fædd 5. apríl 2020. Fyrir átti
Ólöf Sigríður 2 börn: Kristín
Auðu Halldórsdóttir og Sólveig
Halldórsdóttir.
Hrafn Ingvar fluttist til Sví-
þjóðar 1988 og bjó þar til dán-
ardags.
Útförin fór fram 4. júní 2021.
Það var á haustdögum árið
1989 sem stofnaður var kór hér í
Gautaborg og var einn af stofn-
endum, okkar kæri Ingvar Gunn-
arsson.
Í 32 ár höfum við hist vikulega
sungið, spjallað, hlegið og skipst
á skoðunum.
Ekki eru þau mörg mánudags-
kvöldin sem Ingvar hefur látið
sig vanta þrátt fyrir að vera ein-
stæður faðir, átti hann ekki alltaf
heimangengt á meðan börnin
voru ung en þá voru þau bara
tekin með.
Ingvar var gæddur miklum
tónlistarhæfileikum bæði í söng
og hljóðfæraleik sem við nutum
góðs af. Stórt skarð er nú höggvið
í söngfjölskylduna sem við svo oft
kölluðum okkur. Því fleiri ár sem
liðu urðum við nánari hvert öðru
og urðum að einni stórfjölskyldu.
Nú kveðjum við glaðværan, já-
kvæðan og ljúfan vin. Þín verður
sárt saknað en minningin lifir.
Elsku vinur, við munum raula
mörg komandi mánudagskvöld
þér til heiðurs.
Hafðu þökk fyrir allt.
Við vottum Gunnari, Ólöfu,
Mats og afabörnunum, okkar
dýpstu samúð.
Fyrir hönd Íslenska kórsins í
Gautaborg,
Ingibjörg Gísladóttir.
Hrafn Ingvar
Gunnarsson
Morgunblaðið birtir minning-
argreinar endurgjaldslaust
alla útgáfudaga.
Óheimilt er að taka efni úr
minningargreinum til birting-
ar í öðrum miðlum nema að
fengnu samþykki.
Skil | Þeir sem vilja senda Morg-
unblaðinu greinar eru vinsamlega
beðnir að nota innsendikerfi
blaðsins. Smellt á Morgunblaðs-
lógóið í hægra horninu efst og við-
eigandi liður, „Senda inn minning-
argrein,“ valinn úr
felliglugganum. Einnig er hægt að
slá inn slóðina mbl.is/sendagrein
Skilafrestur | Ef óskað er eftir
birtingu á útfarardegi verður
greinin að hafa borist eigi síðar en
á hádegi tveimur virkum dögum
fyrr (á föstudegi ef útför er á
mánudegi eða þriðjudegi). Þar
sem pláss er takmarkað getur birt-
ing dregist, enda þótt grein berist
áður en skilafrestur rennur út.
Undirskrift | Minningargreina-
höfundar eru beðnir að hafa skírn-
arnöfn sín en ekki stuttnefni undir
greinunum.
Minningargreinar