Morgunblaðið - 14.07.2021, Side 12

AFGREIÐSLUTÍMI
Mán.–fös. 10–18 | Lau. 11–16
www.betrabak.is
HÄSTENS VERSLUN
Faxafeni 5, Reykjavík
588 8477
AFGREIÐSLUTÍMI
Mán.–fös. 1–18 | Lau. 1–16
ww.betrabak.is
Þegar þú vaknar í rúmi frá Hästens
munt þú skilja virði þess að ná
fullkomnum nætursvefni.
WESLEEP.
DOYOU?
VIÐSKIPTA
Viðskiptablað Morgunblaðsins Hádegismóum 2, 110 Reykjavík. Sími 5691100, vidsk@mbl.is Útgefandi Árvakur hf.
Umsjón Stefán Einar Stefánsson fréttastjóri, ses@mbl.is Auglýsingar sími 5691111, augl@mbl.is Bréfsími 5691110 Prentun Landsprent ehf.
INNHERJI SKOÐUN
Áttunda CenterHótelið í miðborg-
inni, CenterHótel Grandi, var opnað í
byrjun mánaðarins. Á hótelinu eru
195 herbergi og er keðjan nú með um
960 herbergi í miðborginni.
Jökull Alexander Egilsson, hótel-
stjóri á CenterHótel Granda, segir
rúmlega 130 herbergi hafa verið
tekin í notkun á hótelinu. Það megi
reikna með að öll herbergin verði
komin í notkun á næstu vikum.
Jökull segir aðspurður að ríflega
20 manns muni starfa á hótelinu og
um 40-50 manns á veitingahúsinu
Héðinn Kitchen & Bar sem var opnað
17. júní síðastliðinn.
Heilsulind og kaffihús
CenterHótel Grandi sé skilgreint
sem fjögurra stjörnu hótel með háu
þjónustustigi. Á næstu vikum verði
opnað kaffihús og síðar heilsulind.
Markmiðið sé að laða að Íslendinga
með veitingasölu þannig að gestir
geti blandað geði við heimamenn og
þannig upplifað Reykjavík.
Kristófer Oliversson, fram-
kvæmdastjóri CenterHótela og eig-
andi, ásamt eiginkonu sinni, Svanfríði
Jónsdóttur, segir opnun hótelsins
hafa verið mörg ár í undirbúningi.
Vinna við deiliskipulag vegna
breytinga á gamla Héðinshúsinu hafi
hafist 2017 og framkvæmdir í kjölfar-
ið. Það hafi staðið til að opna fyrsta
áfanga hótelsins í apríl 2020 en kór-
ónuveirufaraldurinn setti þau áform
úr skorðum. Því hafi lokafrágangi
verið slegið á frest þar til menn sáu til
lands í faraldrinum.
Skírskotað til sögunnar
Héðinshúsið var lengi ein af mið-
stöðvum iðnaðar í Reykjavík.
Kristófer segir að við endurhönnun
hússins hafi verið leitast við að halda í
söguna. Raunar hafi arkitektarnir,
Gláma Kím, viljað halda sem mest í
upprunalegar flísar og annað sem
einkennir húsið.
Útkoman sé hótel sem skírskoti til
þessarar merku iðnsögu. Það birtist í
smáatriðum eins og letri í her-
bergjanúmerum og sérsteyptum ofn-
um frá Bretlandi.
Veitingasalurinn er byggður þar
sem vélsmiðjan var áður og voru tvær
hæðir byggðar ofan á þá hlið hússins.
Þá voru gluggar síkkaðir á gömlu
byggingunni og þakið endurgert.
Fyrir vikið er gott útsýni úr her-
bergjunum til margra átta.
Kristófer segir Bandaríkjamenn
áberandi meðal fyrstu gesta nýja hót-
elsins en á næstu vikum komi meðal
annars Ísraelsmenn. Hann er bjart-
sýnn á að hingað komi tvær milljónir
ferðamanna á næsta ári.
Morgunblaðið/Eggert
Kristófer Oliversson eigandi, Jökull Alexander Egilsson, hótelstjóri nýja hót-
elsins, og Eva Jósteinsdóttir, framkvæmdastjóri rekstrarsviðs CenterHótela.
Héðinshúsið
iðar aftur af lífi
Baldur Arnarson
baldura@mbl.is
Rekstur CenterHótel
Granda, nýjasta hótelsins í
miðborginni, er að komast í
fullan gang en fyrstu gest-
irnir komu í byrjun júlí.
Stefán E. Stefánsson
ses@mbl.is
Í byrjun mánaðarins var tilkynnt
um að Ísland yrði á lista yfir 130
ríki sem styðja áform G7-ríkjanna
um samræmdan lágmarksskatt á
fyrirtæki. Er framtakið eignað
Janet Yellen, fjármálaráðherra
Bandaríkjanna og fyrrverandi
seðlabankastjóra. Er átakinu ætlað
að þrengja að lágskattaríkjum sem
laða til sín stórfyrirtæki sem hagn-
ast á alheimsviðskiptum en koma
sér undan skattgreiðslum með því
að hnika heimilisfesti sinni til eftir
þörfum. Lágmarksskattkerfið verð-
ur tvíþætt en það sem vekur mesta
eftirtekt er þó sú staðreynd að við-
miðið verður að fyrirtækjaskattur
verði ekki lægri en 15%. Hefur ver-
ið bent á að prósentunni sé m.a.
beint gegn Írlandi sem er með
12,5% skatthlutfall meðan Bretar
eru í 19% og stefna á að hækka í
25% árið 2023.
Á Íslandi er almennt þrep fyrir-
tækjaskatts 20% og miðað við
viðmið samkomulagsins mætti
lækka hann um fjórðung til þess að
koma í veg fyrir flótta fyrirtækja út
úr íslenskri efnahagslögsögu. Og
auðvitað ætti það að vera íslenskum
stjórnvöldum kappsmál að halda
sköttum sem lægstum hér á landi.
Það eflir rekstrarskilyrði fyrirtækj-
anna, hvetur eigendur þeirra til að
byggja þau upp hér á landi og eyk-
ur líkurnar á því að fyrirtæki er-
lendis vilji hefja starfsemi í landinu.
Með því skapast meiri heildar-
tekjur fyrir þjóðarbúið en ef mark-
miðið er að skattleggja með sem
stórkarlalegustum hætti þau fáu
fyrirtæki sem þrifist geta undir
slíku oki. Þetta á ekki aðeins við
um fyrirtækin heldur einstak-
lingana einnig. Nú styttist í þing-
kosningar og kjósendur ættu að
sperra eyrun um það hvernig fram-
boðin tala um skatta og skatt-
heimtu. Þar gæti lykillinn að bætt-
um lífsskilyrðum á komandi árum
leynst.
Má ef til vill
lækka þá?Á tyllidögum grípa ýmsir til þess
klóka bragðs að ræða um mik-
ilvægi nýsköpunar. Hugtakið er víð-
feðmt og á margan hátt órætt. Eng-
inn veit hvar nýsköpun morgun-
dagsins liggur. Bestu dæmin um
hana spretta gjarnan fram þar sem
enginn átti von á því. En það er mik-
ilvægt að skapa aðstæður til nýsköp-
unar enda mun hún leika lykilhlut-
verk í verðmætasköpun framtíðar.
Hún mun hins vegar ekki síst eiga
sér stað á vettvangi atvinnugreina
sem nú þegar standa styrkum fót-
um. Þess vegna er varasamt að stilla
fyrirbærinu upp sem andstæðum pól
við það sem nú þegar skilar sam-
félaginu auði og velsæld.
Gjarnan er bent á að íslenskt
efnahagsumhverfi bjóði ekki
upp á kjöraðstæður fyrir sprota og
fyrirtæki sem eru smá í sniðum en
ættu að hafa burði til þess að vaxa og
verða stór. Bendir OECD á þetta í
nýrri skýrslu um Ísland og fullyrðir
raunar að stuðningskerfi stjórnvalda
sé fremur gert til þess að hygla
burðugum og stærri fyrirtækjum en
hinum smærri. Það er vont ef rétt
reynist. Þar þarf að tryggja jafn-
vægi, heilbrigt umhverfi fyrir þau
fyrirtæki sem sannað hafa gildi sitt
og mikilvægt er að halda í, en ýta
undir þau sem eru lítil en eiga mikla
vaxtarmöguleika.
Það hefur vakið eftirtekt Innherja
að tvö spennandi nýsköpunar-
fyrirtæki sem sérhæft hafa sig í
framleiðslu hátæknibúnaðar til fisk-
vinnslu hafa verið seld til risa á al-
þjóðamarkaðnum. Fyrst var það
Skaginn 3X sem keyptur af var hinu
þýskættaða Baader og nú síðast
Valka sem Marel kaupir og fer létt
með. Það er ósjaldan sem það verða
hin eðlilegustu örlög nýsköpunar-
fyrirtækja að enda sem deildir í
stærri og rótfastari fyrirtækjum.
Hins vegar má spyrja í ljósi þess
sem OECD færir fram hvort kerfið
hér heima ýti undir meiri fábreytni á
markaðnum en raunveruleg nauð-
syn ber til.
Tryggja þarf góða sprettu
Morgunblaðið/Árni Sæberg
Mikil nýsköpun hefur tengst sjávar-
útvegi í gegnum tíðina hér á landi.
RÉTTARRÍKIÐ ÞÓRODDUR BJARNASON