Fjarðarfréttir - 18.04.2018, Síða 10

10 www.fjardarfrettir.is FJARÐARFRÉTTIR | MIÐVIKUDAGUR 18. APRÍL 2018
Hafnfirðingurinn Sigurður Steinar
Ketilsson skipherra á varðskipinu Þór á
að baki farsælan og viðburðaríkan feril
hjá Landhelgisgæslunni. Hann byrjaði
sem háseti á varðskipinu Maríu Júlíu
13. apríl 1968. Hann lauk svo námi úr
Stýrimannaskólanum í Reykjavík og
var skipstjórnarmaður á varðskipum og
í loftförum í fjölda ára en fastráðinn
skipherra varð hann fyrir u.þ.b. 30
árum. Þá hefur hann lokið frekara námi
meðal annars frá Naval War College í
Bandaríkjunum og sérfræðinámi frá
Rhodes Academy í hafréttarsáttmála
sameinuðu þjóðanna. Hann hefur gegnt
fjölda starfa innan Landhelgisgæsl unn­
ar, meðal annars sem yfirmaður
að gerða. Þá hefur hann lagt lóð sitt á
vog ar skálarnar í mennta­ og þjálf­
unarmálum Landhelgisgæslunnar. Auk
þessa hefur hann gegnt fjölda trúnaðar­
starfa fyrir félagana og lagt mikið af
mörkum til starfsmannafélags Land­
helgisgæslunnar.
Sl. föstudag, nákvæmlega 50 árum
frá því hann gerðist háseti hjá Land­
helgisgæslunni kom hann úr sinni síð­
ustu siglingu á varðskipinu Þór. Kom
það til Reykjavíkur í fylgd dráttarbáts
sem sprautaði vatni glæsilega upp í
loftið, ásamti varðskipinu Tý og einni
þyrlu gæslunnar. Starfsfólk Gæslunnar
stóð einkennisklætt á bryggju og
heilsaði og líktist móttakan konungs­
heimsókn, svo hátíðleg var hún.
Um borð í Þór ávarpaði Georg Kr.
Lárusson forstjóri Sigurð og þakkaði
hans góðu störf sem hann sagði hafa
einkennst af mikilli hollustu og trúnaði
við Landhelgisgæsluna. Sagði hann of
langt mál að geta afreka hans og kosta
en nefndi þó þann kost hans að þekkja
öll skip úr mikilli fjarlægð og sagði
skemmtilega sögu af því.
Sjá má og heyra ávarp hans og fleiri
myndbrot á fréttavefnum www.
fjardarfrettir.is
Sigurður Steinar hefur stjórnað og
tekið þátt í fjölda verkefna á vettvangi
leitar og björgunar, siglt í öllum veðrum
oft við erfiðar og krefjandi aðstæður,
tekið þátt í öllum helstu áskorunum
sem Landhelgisgæslan hefur staðið
frammi fyrir og ávallt leyst öll sín verk
af vandvirkni, útsjónarsemi og metnaði.
Foreldrar Sigurðar komu til Hafnar­
fjarðar frá Keflavík fyrir um hálfri öld
og ráku þau Efnalaug Hafnfirðinga við
Gunnarssund.
Í stuttu þakkarávarpi Sigurðar Stein­
ars sagði hann burðarás Land helgis­
gæslunnar hafi verið starfsfólkið og að
vinnuveitandinn hafi einnig verið
góður. Sagði hann starfið oft hafa verið
krefjandi en jákvætt og skemmtilegt.
Sagði hann þetta hugsjónastarf og sagði
að greinilega hafi verið vakað yfir þeim
í erfiðum verkefnum.
„Megi Guð og gæfa fylgja Land­
helgis gæslunni og störfum hennar,“
sagði Siguður Steinar að lokum.
Skipherra hætti eftir farsælt 50 ára starf
Fékk konunglegar móttökur er hann kom úr síðustu sjóferð sinni sem skipherra
F.v. Hildur Ármannsdóttir, Ketill Sigurðsson, Sólveig Baldursdóttir, Irma Baldursdóttir, Sigurður Steinar Ketilsson,
Baldur Óli Sigurðsson og Brynhildur Katla Baldursdóttir.
Lj
ós
m
.:
G
uð
ni
G
ís
la
so
n
Starfsmenn Landhelgisgæslunnar stóðu heiðursvörð á bryggjunni.
Koma Þórs í höfn í síðustu för Sigurðar skipherra var sem konungsmóttaka.
Virðulega tekið á móti forstjóranum.. sem fagnaði síðan Sigurði sem vini.
Námskeið í Grímugerð
og grímuleik fyrir 10 - 13 ára
11 -22 júní
Gaflaraleikhúsið
kynnir
Skráning og upplýsingar í síma 565 5900
og á midasala@gaflaraleikhusid.is
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n