Framkvæmdafréttir Vegagerðarinnar - 06.10.1997, Síða 2

Upplýsingar um veður og færð
á heimasíðu Vegagerðarinnar
60.000 heimsóknir á 7 mánuðum
Vegagerðin hefur nú haft heimasíðu á Internetinu um nokkurt
skeið. Hún er nokkuð sérstök að því leyti að ekki hefur enn gefist
tími til að setja inn á hana almennar upplýsingar um stofnunina
og starf hennar eins og algengast er hjá fyrirtækj um og stofnunum
en hins vegar er upplýsingakerfið um færð á vegum komið inn
og er það eina efnið enn sem komið er. Af þessum sökum hefur
ekki verið gert sérstakt átak í að kynna heimasíðuna en slóðin er
http://www.vegag.is . Orðsporsíðunnarhefurhins vegarborist
út og eru heimsóknir orðnar talsvert margar eins og fram kemur
hér að aftan.
Upplýsingar um færð og veður eru settar fram á grafískan máta
og eru stöðugt uppfærðar. Litakótar sýna færð á vegunum og eru
flokkarnir átta: þ.e. 1. greiðfært, 2. hálkublettir, 3. hált, 4. flug-
hált, 5. krap/snjór, 6. þæfingur, 7. þungfært, 8. ófært.
Grafísk tákn sýna: 1. óveður, 2. snjókoma, 3. skafrenningur,
4. stórhríð, 5. þoka. Eins er sýnt með tákni ef opnun er í gangi og
ef vegurinn er fær tjallabílum. Upplýsingar frá sjálfvirkum
veðurstöðvum, flestum í eigu Vegagerðarinnar, birtast einnig á
myndunum.
Nýlega voru í fyrsta sinn teknar saman tölur um aðsókn að
heimasíðunni. Þær ná yfir tímabilið frá 29. nóvember 1996 til
19. ágúst 1997. Þegar tillit er tekið til að eyðureru í gögnunum
eru þetta rúmir 7 mánuðir. Einungis var talið með ef sótt var kort
sem sýndi færð/veður í einhverjum landshluta eða á landinu öllu
en ekki ef sóttur var texti, vegagerðarmerki, skýringar o.fl. þess
háttar. Þá var notkun starfsmanna Vegagerðarinnar á síðunum
ekki talin með heldur einungis notkun utan stofnunarinnar. A
Aðsókn/dag
þessu 7 mánaða tímabili voru kort sótt alls 62.360 sinnum eða að
meðaltali nær 300 sinnum á sólarhring. Mjög sterkt samband
reyndist vera milli slæms veðurs og aðsóknar. Reiknaður var
meðalvindhraði fyrir hvern dag tímabilsins út frá gögnum frá
öllum veðurstöðvum Vegagerðarinnar og var aðsókn almennt
mest þegar vindhraðinn var mikill. Dæmi má sjá á meðfylgjandi
línuriti fyrir febrúar og mars sem voru illviðrasömustu mánuðirnir
sl. vetur. Á verstu dögunum fór aðsóknin þá upp í um 150 á klst.
og gerðist það fyrir hádegi en sólarhringsaðsókn fór í 1.000-
1.500. Viss undantekning er e.t.v. 26. mars þar sem ekki var
áberandi hvasst. Þetta varhinsvegar miðvikudagur fyrir skírdag,
þ.e. síðasti virki dagur fyrir mikið ferðalagatímabil.
Þá virtist dreifing aðsóknar innan sólarhringsins benda til að
stórhluti hennar væri í atvinnuskyni (líklega mikið ferðaþjónusta,
vöruflutningur og lögreglan). Aðsókn var mest á tímabilinu kl.
8-17 en miklu minni á kvöldin. Álag á Internetinu hér innanlands
er hinsvegar yfirleitt mjög mikið að kvöldlagi. Stór hluti
„kvöldnotenda“ er hins vegar unglingar og aðrir sem ólíklegt er
að séu að sækjast eftir svona upplýsingum. Þá má einnig nefna
að aðsókn er yfirleitt minni um helgar en virka daga, sérstaklega
að sumarlagi.
Af einstökum kortum var langmest aðsókn í kort af Suðvestur-
landi, Vesturlandi og af landinu öllu og kemur það ekki á óvart
í ljósi íbúafjölda á suðvesturhorninu. Aðsókn í aðra landshluta
er þó miklu meiri ef miðað er við höfðatölu (en hvort höfðatala
skiptir einhverju máli í þessu samhengi er svo annað mál).
Aðsókn í einstök kort má sjá í töflu en þess ber að geta að stutt
er síðan ensk útgáfa kortanna var sett inn.
Að lokum má geta þess að nokkur aðsókn hefur verið frá
útlöndum, mest frá Bandaríkjunum, en einnig nokkur frá t.d.
Þýskalandi, Hollandi og Norðurlöndunum. Þessi aðsókn hefur
þó ekki verið sundur-
liðuð nákvæmlega.
Búast má við að að-
sókn að utan hafi auk-
ist eftir að ensk útgáfa
af kortunum var sett
inn í júlíbyrjun en það
hefur þó ekki verið
athugað enn enda
óvíst að niðurstaðan
yrði marktæk eftir
svona stuttan tíma.
21.08.1997
Björn Jónsson
Vindhraði (m/sek)
16
14
12
10
8
6
4
2
0
Aðsókn/klst.
Kort Aðsókn
ísl. útgáfa Ensk útgáfa
Allt landið (færð) 9.607 187
Allt landið (veður) 7.728 108
Suðurland 4.918 65
Suðvesturland 10.166 46
Vesturland 9.406 19
Vestfirðir 5.716 26
Norðurl. eystra og Austf. 6.931 45
Austurland 5.201 50
Suðausturland 2.101 40
Samtals 61.774 586