Alþýðubandalagsblaðið - 07.04.1972, Blaðsíða 2

SVOKÖLj_UÐ sameiningar-
mál vinstri flokkanna hafa
mjög verið á dagskrá að und-
anförnu. Hafa fjölmargir bar-
áttuglaðir unglingar í vinstri
flokkunum komið fram í þeim
umræðum og haldið um málið
marga fundi vítt og breytt um
landið, og boðað mönnum
fagnaðarerindi sameiningar-
innar. En ýmislegt það sem
sagt er og skrifað þessar vik-
urnar um sameiningarmálin
verkar næsta hjákátlegt og
ýmsum virðist að vonum að
Alþýðuflokkurinn eigi lítið er
indi í þessar viðræður á með-
an hann telur það köllun sína
að berjast gegn ríkisstjórn,
sem mynduð er af vinstri flokk
unum og vinnur að framgangi
vinstri sjónarmiða. Meðal fjöl
margra sem um þessi mál hafa
ritað að undanförnu er rit-
stjóri Alþýðublaðsins, Sighvat
ur Björgvinsson. Hinn 29.
marz sl. fórust honum svo orð
í grein sem hann nefndi „Sam-
vinna—Sameining”.
„Markmið sameiningarmáls
ins er ekki að leggja jafnaðar-
stefnuna niður heldur þvert á
móti. Og þótt barátta íslenzkra
jafnaðarmanna kunni á tíðum
að vera erfið, þá kemur þeim
ekki til hugar að fórna sinni
jafnaðarstefnu þótt þeir
fengju stærsta flokk þjóðar-
innar í staðinn. Verði árangur
af sameiningarviðræðunum,
sem ég vona, má enginn fyrir-
vari á því vera, að þar séu
jafnaðarmenn á ferð, — ekk-
ert ef eða en. Þetta er algert
aðalatriði í þeim sameiningar
tilraunum sem nú eiga sér
stað. Það verða menn að gera
sér Ijóst.“
Það er mjög að vonum að
ritstjórinn óttist um sjónarmið
jafnaðarmanna í yfirstandandi
sameiningarviðræðum, þegar
þess er gætt að flokkur hans
getur státað af þeirri einstæðu
reynslu að hafa „fórnað sinni
jafnaðarstefnu“ í 12 ára sam-
vinnu við „stærsta flokk þjóð-
arinnar“ með þeim afleiðing-
um að flokkurinn er nú rýrari
að vöxtum og í enn lakari
gæðaflokki en hann hefur ver-
ið um margra áratuga skeið.
Hitt er svo annað mál að
menn greinir á um það hvað
sé jafnaðarstefna. Formaður
Alþýðuflokksins er sem kunn-
ugt er alls ekki á þeirri skoð-
un að flokkur hans hafi fórn-
að einhverju af „sinni jáfnað-
arstefnu“ á viðreisnarárunum.
Og óneitanlega læðist að
manni sá grunur að viðhorf
ritstjórans til jafnaðarstefn-
unnar sé í svipuðum anda.
Tengsl hans við formanninn
hafa nefnilega verið skýrð
með orðunum „His masters
voice“ „Rödd hans hátignar“.
KLÓI.
KVIKMYNDIR
Það brennnr elskan mín
og: Kynslódabilid eftir Tékkann Milos Forman
f ÞESSU BLAÐI hefst nýr
þáttur er fjallar um kvikmynd
ir. Ekki er gert ráð fyrir því,
að þátturinn verði alveg reglu
lega í laðinu heldur aðeins ef
að við fréttum af myndum,
sem teknar verða til sýninga í
kvikmyndahúsum á aðalút-
breiðslusvæði blaðsins hér
norðaustanlands og ástæða cr
til að vekja athygli á. Af þessu
tilefni viljum við benda for-
ráðamönnum kvikmyndahús-
anna á að láta blaðið vita með
nokkrum fyrirvara um þær
myndir sem þeir hyggjast taka
til sýningar á hverjum tíma.
Borgarbíó á Akureyri hefur
verið að sýna myndirnar „Kyn
slóðabil“ og „Það brennur elsk
an.mín“ eftir tékkneska kvik-
myndahöfundinn Milos For-
man. Hin fyrrnefnda verður
væntanl. sýnd um helgina og
er ástæða til að hvetja fólk til
að sjá þessa sérstæðu mynd.
Hér fer á eftir kafli úr viðtali
við Forman, þar sem hann
fjallar um vinnubrögð sín. Þá
er rakin stuttlega efnisþráður
„Kynslóðabils“.
„Vissulega undirbý ég allt
og hef mjög vel unnið hand-
rit, en það sýni ég aldrei leik-
urunum. Þeir vita um atburð
ina sem eiga að henda þá, en
ég er á móti því að þeir læri
samtölin utan að. Þeir koma
alltaf óundirbúnir í upptöku,
en þá fyrst segi ég þeim frá
samtölunum, sem ég hef í
handritinu og bið þá um að
endurtaka þau. Á þennan hátt
geta leikararnir sem betur fer
ekki munað samtölin nákvæm
lega og neyðast til að segja
sitthvað, sem þeim sjálfum
dettur í hug, m. ö. o. skilja
hlutverkið og samlagst því.
Við höfum ætíð þennan hátt-
inn á, áður en kvikmyndavél-
in er sett í gang. Við það upp-
götvum við oft í sameiningu
eitthvað nýtt og spennandi.
Þá er kvikmyndavélin sett í
gang og eftir það er allt í föst
um skorðum. í lífinu sjálfu
eru engin handrit til þess að
fara eftir. Þannig vil ég að
myndir mínar séu. Ég kæri
mig ekki um að gera verkefn-
ið flóknara en með þarf. Mað-
ur verður að einfalda tækni
sína til að gefa leikurunum
meira frjálsræði. Ég legg mik-
ið upp úr töku, sem gefur mér
frelsi til að klippa. Með því
móti er hægt að skapa sam-
band og spennu milli fólks í
klippiborðinu. Ég hef verið
mjög heppinn með samstarfs-
fólk. Er og erfitt að greina á
milli hverjum beri að eigna
hugmyndirnar. Þær verða til
í sameiningu. Stundum segi ég
eitthvað, sem í fyrstu er kjána
legt, en getur samt orðið til
þess að koma samstarfsmanni
mínum á sporið með réttu hug
myndina, og öfugt. Ég veit
ekki hvað er þá mikilvægara,
kjánaskapuinn í mér eða hug-
mynd hans.
Ég lít fyrst og fremst á „ÞaS
brennur elskan mín“, sem
kvikmynd um félagslegt hátt-
erni. Mér er samt full ljóst að
maður gerir tæpast nokkuð án
þess að það fái pólitíska þýð-
ingu. Að sjálfsögðu leiði ég
hugann öðru hverju að stalín-
isku pólitíkusum í Prag, en sú
var ekki ástæða þess að ég
gerði myndina. Ég byrja aldrei
á kenningum, heldur kýs ég
að byrja á einhverju áþreifan
legu í fari fólksins og persónu
leika þess. Upp frá því þróa ég
söguna. Á vissan hátt hef ég
síðan enga stjórn á því, sem
lesa má út úr myndinni full-
gerðri.“
KYNSLÓÐABILIÐ
„Margir unglingar eiga sér
þá ósk heitasta að verða fræg-
ar stjörnur á sviði söngs eða
hljóðfærasláttar. Stúlkur sækj
ast helzt eftir að verða söng-
konur, en piltar vilja verða
átrúnaðargoð jafnaldra sinna
með því að komast í „popp-
grúppu“. Slíkt er að vissu leyti
yfirlýsing og viðurkenning á
sjálfstæði unglingsins — hann
er ekki lengur háður gamla
fólkinu, sem heima situr og
vill halda öllum niðri og innan
dyra.
Jeannie Tyne hverfur að
heiman en foreldrar hennar
ræða það við kunningjahjón,
sem heimsækja þau, hvað að
geti verið og síðan er hafin
leit að telpunni. Telur faðir-
inn þó, að lítið gagn muni
verða að því að fara út um
miðja nótt, án þess að hafa
hugboð um, hvar leita eigi.
Kunninginn fer með Larry en
þeir lenda fljótlega í krá og fá
sér þar hressingu, meðan kon-
urnar sitja heima og gefa Ijót-
ar lýsingar á körlum sínum.
En leitin ber engan árangur,
enda kemur Jeannie heim á
meðan og virðist ekki hafa
orðið meint af útivistinni, en
þegar Larry kemur fullur
heim, fær hann vitanlega á
baukinn.
En svo hverfur Jeannie aft-
ur, svo að Larry má hefja leit
öðru sinni, og nú fer hann
vopnaður mynd af dótturinni
til að sýna á ýmsum stöðum.
Verður þá á vegi hans kona,
sem eins er ástatt fyrir —
dóttir hennar heftir einnig
horfið að heiman. Konan telur
sig hafa séð Jeannie og Tyne-
hjónin gera sér þá ferð á lög-
reglustöð í 300 mílna fjarlægð,
þar sem Jeannie á að hafa ver-
ið tekin föst. Þar er þó engin
Jeannie, heldur vinkona henn
ar, sem hafði gefið upp nafn
hennar, þegar hún var tekin
fyrir búðarþjófnað.
Upp úr þessu fara Tyne-
hjónin í hótel að fá sér að
drekka, en þegar Larry vill
fara að sofa í herbergi þeirra,
situr Lynn ein eftir. Ókunn-
ugur maður tekur þá að stíga
í vænginn við hana og eltir
hana loks upp í herbergi henn
ar í von um einhverja greiða-
semi af hennar hálfu — en
flýr svo, er hann sér Larry.
Þá fara Tyne-hjónin á fund
í FFSB — Félagi foreldra
strokubarna. Viðstöddum eru
kynntar hassreykingar, til
þess að þeir skilji eftirsókn
unglinga í það. Allir „svífa“,
en á eftir fara Tyne-hjónin
heim og hefja þar drykkju og
spil — strípipóker — ásamt
öðrum hjónum.
En Jeanne litla skilar sér
heim eins og áður, en kemur
með síðhærðan vin sinn.“
Áuglýsið í
Alþýðubanda-
lagsblaðinu
Síminn er
2-18-75
Tímaritið Réttur
Eina ísEenzka rifið er fjallar að staðaldri um
sósíalisma og þjóðfrelsismól.
Gerizf óskrifendur.
BILAVER S.F.
Glerórgötu 20 — Sími 1-29-13
AUSTIN GIPSY, árg. 1962
CHEVROLET, sendill, árg. 1966
CORTINA, árg. 1965, í sérflokki
MOSCHVITS, station, árg. 1971
OPEL REKORD 1700, árg. 1968
OPEL REKORD 1900, árg. 1968
OPEL REKORD 1900 SL Coupe, árg. 1969, innfl.
OPEL COMMANDORE, árg. 1967, innfluttur
RAMBLER AMERICAN, 1967, glæsilegur bíll
SKODA 1000 MB, árg. 1966, mjög góður
SKODA OKTAVIA COMBI, árg. 1967, mjög góður
TAUNUS 17 M, station, árg. 1967
VW 1600 FASTBAC, árg. 1967
VAUXHALL VIVA, árg. 1971
Veitum allar upplýsingar um hinn glæsilega
MAZDA BÍL
Einnig innfl. VÖRUBÍLA.
Opið laugard. og sunnud. kl. 2—7.
BÍLAVER S.F.
2
ALÞÝÐUBANDALAGSBLAÐIÐ