Víkurfréttir - 18.07.2021, Blaðsíða 4

Sýnileiki Reykjaness eykst
Nýir liðsmenn hafa skilað gríðarlegri aukningu
í aðsókn á miðla Markaðsstofu Reykjaness
Sambandi sveitarfélaga á Suðurnesjum hefur borist öflugur liðsauki í
sumar en þrír starfsmenn voru ráðnir til þess að sinna verkefnum fyrir
Markaðsstofu Reykjaness og Reykjanes UNESCO Global Geopark.
Starfsmennirnir eru Hörður Krist­
leifsson, ljósmyndari, Gunnhildur
Björg Baldursdóttir og Smári Hólm
Jónsson og voru þau ráðin með styrk
frá Vinnumálastofnun.
Verkefni þeirra eru öll á sviði
markaðsmála og má þar nefna upp­
færslu á nýrri vefsíðu Markaðsstof­
unnar, samskipti við fjölmiðla og
greinaskrif, sem og birtingu efnis á
samfélagsmiðlum. Liðsaukinn hefur
þegar skilað Markaðsstofunni gríðar­
legri aukningu á miðlum og má þar
nefna að fylgjendur YouTube­rásar
Markaðsstofu Reykjaness (Visit
Reykjanes Iceland) eru nú orðnir
yfir 1.400. Sýnileiki Reykjanessins
hefur því verið aukinn margfalt í
sumar og þá hefur nýjasta viðbótin,
eldgosið í Geldingadölum, haft mikið
aðdráttarafl og verið góð kynning
fyrir Reykjanes.
Rétturinn
Ljúengur
heimilismatur
í hádeginu
Opið:

11-13:30
alla virka daga
  Bílaviðgerðir
Smurþjónusta
   Varahlutir
Brekkustíg 38 - 260 Njarðvík
sími 421 7979
www.bilarogpartar.is
Fagradalshraun skal það heita
Lilja Alfreðsdóttir, mennta­ og menningarmálaráðherra, hefur staðfest
ákvörðun bæjarstjórnar Grindavíkurbæjar um að það hraun sem nú
rennur við Fagradalsfjall verði nefnt Fagradalshraun.
Grindavíkurbær óskaði í lok mars
eftir tillögum frá almenningi að
heitum á ný náttúrufyrirbæri innan
sveitarfélagsins. Alls bárust 339 hug­
myndir að heiti á hraunið. Bæjar­
stjórn samþykkti örnefnið Fagradals­
hraun á fundi sínum þann 25. maí
og vísaði örnefninu til staðfestingar
mennta­ og menningarmálaráðherra
með vísan til laga nr. 22/2015.
Forliðurinn vísar til Fagradals­
fjalls sem dregur nafn sitt af dal,
vestan í fjallinu. Fagradalsfjall
var og er eitt þekktasta örnefnið
í nágrenni hraunsins. Þá vísar for­
liðurinn einnig til Fagradalsfjalls­
kerfisins sem hraunið rennur úr en
það er eitt af nokkrum eldstöðva­
kerfum á Reykjanesskaga.
Ljósmynd: Jón Steinar Sæmundsson
Götuheiti í nýtt hverfi Reykjanesbæjar
Leitað eftir nöfnum sem enda á ...dalur
Nýtt hverfi er í undirbúningi í
Reykjanesbæ og er framhald af
Dalshverfi. Eins og gefur að skilja
fylgja nýju hverfi margar nýjar
götur sem eru nú nafnlausar en
það gengur ekki til lengdar, segir
í frétt á heimasíðu bæjarins. Þess
vegna vill umhverfis­ og skipu­
lagsráð að leita til bæjarbúa um til­
lögur að nýjum götunöfnum.
Götunöfnin verða níu talsins en
einnig þarf nafn á hverfistorgið, við
torgið verður endastöð strætó og
leikskóli. Ekkert hámark eða lág­
mark er á fjölda tillagna og ekki
þarf, þó heimilt sé, að tileinka ein­
stökum götum nöfnin.
Skilyrðin eru að ending göt­
unafna sé dalur og nöfnin séu
hverfinu til sóma. Óhætt er að vísa
í þjóðsögur, ævintýri eða kennileiti
og sögu svæðisins. En allar tillögur
eru vel þegnar.
Sett verður saman valnefnd sem
tekur saman álitlegustu nöfnin og
verði fjöldi tillagna í samræmi við
væntingar verður endanlegt val
ákveðið með íbúakosningu. Veittar
verða viðurkenningar fyrir valin
nöfn.
Séð yfir Reykjanesbæ.
Vogar fagna fjölbreytileikanum
Gangbrautir skreyttar með regnbogalitunum
Mikil þátttaka var í vinnuskólanum
í Vogunum þetta sumarið þar sem
ungmenni unnu ýmis störf við garð­
yrkju, vallarumsjón, skráningu fugla,
grasslátt og fleira. Hópur ungmenna
tók að sér að myndskreyta bæinn
og ákveðið var að mála gangbrautir
í bænum í litum regnbogans. Að sögn
Guðmundar Stefáns Gunnarssonar,
íþrótta­ og tómstundafulltrúa Voga
og ábyrgðarmanns vinnuskólans,
var það gert til að fagna fjölbreyti­
leikanum.
„Svo virðist sem mikill einhugur
ríki í bænum því að fleiri en einn
fengu þá hugmynd að sýna stuðning
í verki og mála einhverjar gang­
brautir í bænum í öllum regnbogans
litum. Einn hugmyndasmiðanna,
Jenetta Líf, fékk það verkefni að
mála gangbrautina við skrifstofu
sveitarfélagsins og fékk vinkonu
sína með í það verkefni,“ segir
hann en með skreytingunni vilji
sveitarfélagið sýna að Vogar séu
fyrir alla.
Gangbrautir Voga
eru málaðar í öllum
regnbogans litum
– og í litum Þróttar.
Hyllir undir
lok eldgossins?
Verulega hefur dregið úr virkni
eldgossins í Fagradalsfjalli en
það hefur nú verið í gangi í um
fjóra mánuði. Gosið hófst föstu-
daginn 19. mars og hefur vakið
mikla eftirtekt og verið aðdrátt-
arafl fjölmargra Íslendinga sem
og erlendra ferðamanna.
Magnús Tumi Guðmundsson,
jarðeðlisfræðingur, sagði í sjón-
varpsfréttum RÚV að farið væri
að draga úr hraunflæði úr gos-
stöðvunum á Fagradalsfjalli en
gosvirknin hefur verið stopul frá
því í lok júní og gígurinn jafnvel
legið í dvala dögum saman.
„Af hverju er þetta?,“ spyr
Magnús Tumi. „Þetta bendir til
þess að framboðið, þ.e. magnið
niðri, það sé minna að hafa
og þess vegna verður þetta
óstöðugt. Það getur leitt til þess
að gosrásin taki að þrengjast en
þetta getur tekið langan tíma.“
Magnús Tumi segir hvorki
skjálftavirkni né annað bendi
til að gosið vilji brjótast upp á
öðrum stað þannig að nú sé að
draga úr gosinu og það muni að
öllum líkindum fjara út á næstu
einum til tveimur mánuðum. „En
það er enga ábyrgð hægt að taka
á svona,“ bætir hann við. „Þetta
er bara áframreikningur á þeim
tölum sem við höfum núna
síðast og þetta getur breyst.“
Verslunarmannahelgin hjá Þóru Lind Halldórsdóttur:
Tjaldið í skottinu
og tónlistin í botni
– Hvernig eru
plönin hjá þér
um verslunar­
mannahelgina?
„Planið er að setjast
upp í bíl með vin-
konu minni, vera
með tjald í skottinu,
setja góða tónlist á,
elta góða veðrið og
gera það besta úr
aðstæðunum.“
– Breyttust
plönin eitthvað
vegna covid?
„Já, það má segja
að plönin hafi tekið
stóra U-beygju
vegna covid. Ég var
komin með miða á
Þjóðhátíð og gist-
ingu í Vestmanna-
eyjum alla versl-
unarmannahelgina
en það bíður betri
tíma.“
– Hver er skemmtilegasta minningin þín
af verslunarmannahelginni?
„Ég á nokkrar góðar, til dæmis þegar ég fór á Þjóðhátíð 2014 og var með
stórum vinahópi í húsi alla helgina og það var geggjað veður. Á líka góða
minningu af því að vera upp í sveit þar sem maður fór t.d. á hestbak, fjór-
hjól og hafði það notalegt.“
– Er eitthvað sem þér finnst ómissandi þessa helgi?
„Ég hef í rauninni aldrei átt einhverja hefð varðandi þessa helgi en hún er
alltaf skemmtileg þegar maður eyðir henni í stemmningu í góðra vina hópi
og með fólki sem manni þykir vænt um – en jú lopapeysan er ómissandi!“
Útgefandi: Víkurfréttir ehf. Afgreiðsla og ritstjórn: Krossmói 4a, 4. hæð, 260 Reykjanesbæ, sími 421­0000. Ristjóri og ábyrgðarmaður: Páll Ketilsson, s. 893­3717, pket@vf.is. Fréttastjóri: Hilmar Bragi
Bárðarson, s. 898­2222, hilmar@vf.is Auglýsingastjóri: Andrea Vigdís Theodórsdóttir, s. 421­0001, andrea@vf.is Umbrot/blaðamaður: Jóhann Páll Kristbjörnsson. Dagleg stafræn útgáfa: vf.is og kylfingur.is
Víkurfréttir koma næst út miðvikudaginn 11. ágúst.
Við stöndum vaktina á vf.is alla daga en svörum ekki mikið í síma. Það má samt alltaf ná í okkur með tölvupósti á vf@vf.is, hvort sem þú þarft að auglýsa eða koma efni í okkar miðla.
4 // víkurFrÉttir á SuðurNESjuM í 40 ár