Víkurfréttir - 22.09.2021, Side 19

Framkvæmdir 1997
Bæjarstjórn Reykjanesbæjar fékk
félaginu afnot af húsnæðinu í árs-
byrjun 1997, ásamt tíu milljónum
króna til framkvæmda. Yfirumsjón
með verkefninu höfðu þeir Jón Páll
Eyjólfsson og Júlíus Guðmundsson
og lögðu þeir nótt og dag við verkið
ásamt öðrum leikfélögum. Það
þurfti að rífa niður, byggja upp,
versla allt sem þurfti, eins og t.d.
pallakerfi, sæti, ljósabúnað o.fl.
Fjölmargir aðilar lögðu verkefninu
lið auk Reykjanesbæjar og má þar
m.a. nefna Harald Valbergsson á
teiknistofunni Örk sem gaf allar
teikningar, Vélaleigu Sigurjóns
Helgasonar sem lagði til tæki og tól
auk Keflavíkurverktaka sem einnig
styrktu verkefnið.
Framkvæmdirnar tóku níu
mánuði og það var stoltur hópur
sem opnaði húsið almenningi með
veisluhöldum 4. október 1997. Þar
sem Guðný Kristjánsdóttir, þá-
verandi formaður, og bæjarstjórinn
þáverandi, Ellert Eiríksson, klipptu
loksins á borðann að inngangi leik-
húss í Keflavík.
Framkvæmdir 2011
Leikfélagið fór svo í fram-
kvæmdir árið 2011 en þá
fengum við afnot af stærri
hluta hússins, eða alla neðri
hæðina. Við færðum búninga-
geymslur, stækkuðum smíða-
verkstæðið, tókum allt í gegn
frammi í anddyri, flotuðum
gólf, máluðum og margt fleira.
Framkvæmdir 2020
Í gegnum árin hefur leikfélagið
ráðist í misstórar framkvæmdir
en árið 2020 var ákveðið að taka
aldeilis til hendinni. Skipt var um
gólfefni á fremri sal, klósettin tekin
í gegn, pallakerfið lagfært og leik-
sviðið stækkað.
Leikfélagar hafa alltaf lagt
metnað í halda húsinu í góðu
standi enda ekki vilji fyrir því að
verða húsnæðislaus aftur. Allt í
áhuga- og sjálfboðavinnu.
Auðvitað er saga Leikfélags
Keflavíkur mun meiri en hér er
upp talið en hér er aðeins stiklað á
stóru og í vinnslu eru ítarleg skrif
sögu Leikfélags Keflavíkur með
viðtölum við fyrrverandi og nú-
verandi félaga sem segja sögur úr
leikhússtarfinu en eins og allir vita
þá getur svona blómleg starfsemi
aðeins gengið með mannskap sem
hefur áhuga, þor og þrek til að gera
hlutina og það fólk höfum við svo
sannarlega haft innan vébanda
þessa frábæra félags, Leikfélags
Keflavíkur.
Brynja Ýr Júlíusdóttir.
Jóhann Friðrik Friðriksson freistar þess að komast á Alþingi
Jóhann Friðrik Friðriksson hefur verið nokkuð áber-
andi í Bæjarstjórn Reykjanesbæjar en hann er oddviti
Framsóknar og hefur forseti bæjarstjórnar helming
kjörtímabilsins. Hann spreytir sig nú á vettvangi Al-
þingis og er í 2. sæti hjá Framsóknarflokknum í Suður-
kjördæmi. Hann nýtti sumarið til að undirbúa það en
kappinn er liðtækur í eldhúsinu en segir að afrekin
heima við séu m.a. við frágang á þvotti.
Hvernig varðir þú sumarfríinu?
„Sumarið var mjög skemmtilegt. Ég fór vítt og breitt
um landið með fjölskyldunni og við áttum gæðastundir
saman, m.a. á Suður- og Norðurlandi. Við vorum heppin
með veður í fríinu, fórum í Borgarfjörðinn til vina og
ættingja, spiluðum Scrabble og svo tókst mér að spila
minn fyrsta golfhring í tíu ár og komst í gegnum þá raun
nokkuð skammlaust.“
Hvað kom skemmtilega á óvart í sumar?
„Það kom skemmtilega á óvart hversu öflug ferðaþjón-
ustan er orðin víða um land. Ég kynntist því reyndar vel í
fyrra en það er ótrúlega mikill dugnaður í fólki, maturinn
góður og þjónustan til fyrirmyndar. Það er líka gaman að
sjá hvað við erum orðin dugleg að hampa því sem fram-
leitt er á hverjum stað fyrir sig.“
Áttu þér uppáhaldsstað til að sækja heim innanlands?
„Borgarfjörðurinn er mér mjög kær. Ég var þar í sveit
og svo eiga foreldrar mínir og tengdaforeldrar sumarhús
þar og því reynum við að heimsækja þau sem oftast yfir
sumarið.“
Hver er helstu afrek þín á heimilinu í hverri viku?
„Ég elda matinn á mínu heimili en það er nú kannski
ekki neitt sérstakt afrek. Ég reyni eftir fremsta megni
að segja börnunum mínum sögu fyrir svefninn sem þau
kunna vel að meta. Helsta afrek mitt að undanförnu lýtur
að þvottinum á heimilinu sem stundum hleðst upp eins
og gengur og þá nýtist tíminn yfir fréttunum á kvöldin
til þess að brjóta saman sokka og strauja nokkrar skyrtur
í leiðinni.“
Uppáhaldsmatur?
„Heit svið eru í miklu uppáhaldi hjá mér og kótilettur
í raspi. Ég reyni að koma við á Réttinum hjá Magga
þegar þær eru í boði enda ómótstæðilegar með rauð-
káli, grænum baunum og sultu.“
Hver er þinn styrkur í matreiðslunni?
„Ég held að ég sé ágætur í því að búa til rétti án þess að
ég þurfi endilega að vera með uppskrift við höndina. Það
lærist smátt og smátt. Sjálfur er ég mikið fyrir ferskar
vörur og vil heldur hafa matinn einfaldan en of flókinn.
Við Íslendingar erum mikið fyrir sósur og margar teg-
undir af meðlæti sem ég er að reyna að venja mig af. Ég
held að minn styrkur í matreiðslunni sé kannski helst
undirbúningur. Það skiptir máli að taka kjöt snemma út
úr kæli og láta kjöt og fisk hvíla aðeins áður en maturinn
er borinn fram. Mér finnst líka róandi og skemmtilegt
að elda og því nýt ég þess að standa í eldhúsinu og elda
góðan og hollan mat.“
Notaðir þú sumarfríið eitthvað til að undirbúa kosn-
ingabaráttuna?
„Já, ég tók þátt í prófkjörsbaráttu í júní sem var
skemmtileg lífsreynsla og svo tók við gott sumarfrí. Mál-
efnastarf Framsóknar var í gangi í byrjun ágúst þar sem
ég tók virkan þátt.“
Hver er tilfinningin fyrir komandi alþingiskosningum
og kosningabaráttunni?
„Mín tilfinning er góð þó svo ég viti að það er á
brattann að sækja í mínu kjördæmi þar sem margir
flokkar bjóða fram. Ég hef unnið að heilindum og eldmóði
í þeim verkefnum sem ég hef tekið mér fyrir hendur á
undanförnum árum og barist fyrir bættum hag íbúa á
Suðurnesjum. Nú vil ég gera það á Alþingi og til þess
þarf ég sérstaklega stuðning í Reykjanesbæ og á Suður-
nesjum.“
Hver eru stærstu málin fyrir Suðurnesin sem þú setur
í forgang?
„Ég hef alltaf lagt mjög mikla áherslu á heilbrigðismál
á Suðurnesjum en einnig menntamál í starfi mínu sem
framkvæmdastjóri Keilis og bæjarfulltrúi. Ég hef góða
menntun og reynslu í hvoru tveggja og veit vel hversu
mikilvægt það er að ríkið jafni fjárframlög til þjónustu
hér á svæðinu. Ný heilsugæsla er nú loksins komin á
fjárlög og geri ég ráð fyrir því að framkvæmdir hefjist
við hana á næsta ári. Að því sögðu þá ættu hér að vera
þrjár heilsugæslur ef tekið er mið af fjölda heilsugæslu-
stöðva á höfuðborgarsvæðinu. Ég ætla mér því að halda
ótrauður áfram að berjast fyrir góðu aðgengi að heil-
brigðisþjónustu og bættri heilsu allra íbúa í kjördæminu
með góðri samvinnu. Framsókn er að leggja til 60.000
krónu vaxtastyrk til allra barna á Íslandi á ári fyrir þessar
kosningar. Styrkurinn er til þess að auðvelda öllum
börnum að taka þátt í íþrótta-, tómstunda- og menn-
ingarstarfi. Það er frábær fjárfesting sem léttir undir með
barnafjölskyldum og veitir börnum tækifæri til þess að
taka þátt í fjölbreyttu starfi óháð efnahag foreldra. Ég
hef lengi barist fyrir þessu og veit að þessi stuðningur
mun nýtast vel. Framsókn vill líka jafna leikinn og taka
upp þrepaskipt tryggingagjald þannig að lítil og meðal-
stór fyrirtæki borgi minna. Það er mjög mikilvægt að
styðja við atvinnulífið, sérstaklega hér á Suðurnesjum.
Það skiptir máli að Suðurnesin hafi öflugan málsvara á
þingi og því býð ég mig fram.“
Hvert er draumaríkisstjórnarsamstarf þitt?
„Mitt draumaríkisstjórnarsamstarf væri samstarf
þar sem lögð er áhersla á að fjárfesta í fólkinu í landinu.
Ísland er ekki bara höfuðborgarsvæðið og við þurfum
að tryggja góða þjónustu um allt land. Það skiptir mjög
miklu máli að sú ríkisstjórn sem tekur við sé tilbúin til
þess að fara í raunhæfar kerfisbreytingar til þess að bæta
heilbrigðiskerfið, leggi ríka áherslu á málefni eldra fólks,
loftslagsmálin og áskoranir á vinnumarkaði vegna fjórðu
iðnbyltingarinnar. Framsókn mun leggja áherslu á sín
stefnumál sem hafa þegar fengið mjög góðan hljómgrunn,
enda bæði raunhæf og líkleg til árangurs. Ef árangurinn í
kosningunum verður góður munum við hafa tækifæri til
þess að láta þau verða að veruleika, íbúum Suðurnesja
og landsins alls til heilla.“
Nýtur þess
að standa í
eldhúsinu og
elda góðan
og hollan mat
Félagar að standa í
framkvæmdum árið 2020.
Þrettándinn 2019.
vÍKURFRÉttIR á sUðURNesJUM Í 40 áR // 19
Staðið í framkvæmdur árið 1997.