Morgunblaðið - 11.02.2022, Page 14

Þ
að er margt sem heillar
við Liv Bergþórsdóttur
forstjóra sem erfitt er að
setja fingur á. Ætli það
sé ekki hvað hún nær að
halda í að vera jákvæð í
lífinu, sama hvað gengur
á. Hún hefur sinn smekk
á fólki og veit fátt jafn sjarmerandi og
fólk sem þorir að hugsa stórt.
Liv er einmitt fyrirmynd margra hvað
varðar að sækja tækifæri og leiða upp-
byggingu fyrirtækja í nýjum bransa. Þótt
lífið virðist alltaf leika við Liv þarf hún,
rétt eins og við hin, stundum að bretta
upp ermarnar og takast á við það. Hún
kann hvergi eins vel við sig og í spenn-
andi vinnu.
Hún starfaði í fjarskiptageiranum í tvo
áratugi og hefur setið í stjórnum fjölda
fyrirtækja. Í dag er hún forstjóri ORF
Líftækni sem er hvað þekktast fyrir Bio-
effect-húðvörurnar. Hún er einnig
stjórnarformaður Iceland Seafood.
Liv er gift Sverri Viðari Haukssyni og
hafa þau hjónin mikinn áhuga á við-
skiptum og vinnu almennt. Þau hafa verið
góð í að deila lífshlaupinu hvort með öðru
og hafa í gegnum árin alið hvort annað
upp eins og Liv segir sjálf.
„Ég er með meira vesen en hann meira
jafnaðargeð. Skilin á milli vinnu og frítíma
hafa alltaf verið frekar óljós hjá okkur
Sverri, en þannig var það líka heima hjá
mér í æsku. Ég kem úr ágætlega samheld-
inni fjölskyldu þar sem báðir foreldrar
unnu úti. Foreldrar mínir hjálpuðu mér
Hefur alltaf viljað
fara sínar eigin leiðir
Liv Bergþórsdóttir veit fátt skemmtilegra en að takast á við nýjar áskoranir
í lífinu. Hún kann að meta fólk sem hugsar stórt og framkvæmir.
Elínrós Líndal | elinros@mbl.is
Morgunblaðið/Kristinn Magnússon
Liv var einstæð móðir þegar hún
hnaut um Sverri manninn sinn. Þá
átti hún eitt barn og hann tvö og
svo eignuðust þau eitt barn saman.
5 SJÁ SÍÐU 16
30 Day Treatment er
virkasta varan frá BIO-
EFFECT sem inniheldur
þrenns konar prótín úr byggi
sem þétta og slétta húðina
og vinna saman gegn sjáan-
legum öldrunarmerkjun: fín-
um línum, svitaholum,
þurrki, litabreytingum og
slappleika húðar.
Vor- og sumarlína
Acne Studios er
glæsileg að þessu
sinni en tískuhúsið
er í uppáhaldi hjá
henni og hefur
verið lengi.
14 MORGUNBLAÐIÐ FÖSTUDAGUR 11. FEBRÚAR 2022
WWW.ASWEGROW.IS