Fylkir - 02.05.2022, Blaðsíða 2

2 FYLKIR - 7. maí 2022
Útgefandi:
Eyjasýn ehf. fyrir hönd
Sjálfstæðisfélaganna
í Vestmannaeyjum.
Umbrot: Leturstofan
Prentun: Stafræna Prentsmiðjan.
Upplag: 1800 eintök.
Ritnefnd:
Eyþór Harðarson, ábm.
Arnar Sigurmundsson
Jarl Sigurgeirsson
Thelma Hrund Kristjánsdóttir
Gísli Stefánsson

Skólagangan er samkvæmt lögum í 10
ár, heill áratugur. Það er langur tími. Þessi
tími skapar óhjákvæmilega mikilvægar
bernskuminningar. Þessar minningar hafa
áhrif á hvort þú hafir áhuga og/eða vilja til að
búa „heima“. Hvað þá að „flytja aftur“ til Eyja.
Það er því einstaklega mikilvægt á þessum
tíma, sem þú ert í skóla, að þér líði vel.

Fjárfestum í vináttumyndun barna
Við foreldrarnir vitum að við erum jafn
hamingjusöm og okkar óhamingjusamasta
barn. Allir foreldrar eru væntanlega sam-
mála um að eitt það mikilvægasta í lífinu er
hamingja barnanna okkar. Félagsleg færni
og tengingar skipta sköpum. Vinir gera
kraftaverk. Við erum sem betur fer jafn ólík
og við erum mörg og ekki erum við öll með
meðfædda hæfileika í félagslegri tengingu.
Eins og með margt í lífinu þarf að æfa og
þroska félagslegu tengingarnar og til þess
þarf aukna stoðþjónustu, fræðslu og átak.
Hér skiptir aðgengi að þroskaþjálfa og
annarri sérþekkingu höfuð máli.

Þú leggur ekki góðan grunn
að framtíðinni ef þér líður illa
Það eru ekki bara hjörtu foreldranna sem
gleðjast yfir vellíðan barnanna. Skólinn gerir
það líka. Allir kennarar geta verið sammála
um að nemanda sem líður illa á erfitt með
nám. Að sama skapi er nemanda sem líður
vel mun líklegri til að ná árangri. Verkefnin
„Kveikjum neistann“ og spjaldtölvuinn-
leiðingin vinna bæði að þessum markmið-
um. Nemendur fá verkefni við hæfi og finna
sína ástríðu. Auk þess gefur tæknin nemend-
um með námsvanda aukin tækifæri til að ná
árangri.

Hugsum okkur nemanda sem getur ekki
setið kyrr. Hann á erfitt með að einbeita sér,
lesturinn þvælist fyrir honum og skriftin
gengur illa. Þessi nemandi er dapur í skól-
anum þó að fyrirferðin á honum sé mikil
og truflunin sem hann veldur hefur áhrif
á aðra nemendur. Sennilega þekkja allir til
nemandans sem um ræðir og við myndum
gjarnan vilja að hann ætti auðveldara um
vik í kennslustofunni, bæði fyrir hann sjálfan
og hina nemendurna. Með spjaldtölvu-inn-
leiðingunni hefur nemandinn fengið
verkfæri í hendurnar. Með skapandi skilum
fær hann betri tækifæri og kvöðin að skrifa
verkefnin upp er farin. Hann fær að nýta sína
styrkleika til að skila verkefnum á því formi
sem hentar honum, nýta áhugasviðið og
skapa með huga og höndum; kannski með
því að setja upp leikrit, smíða frumgerð eða
syngja lag þegar hann leysir skólaverkefnin.
Þetta eru tækifærin sem tæknin gefur okkur;
skapandi skil í námi og gleðinni sem þeim
fylgir.

Höldum áfram og gefum í
Styðjum við það sem vel er gert. Sýnum
hugrekki og höldum áfram að þora að
breyta til. Sjálfstæðisflokkurinn þorir. Áfram-
haldandi stuðning við „Kveikjum neistann“
og spjaldtölvu-innleiðinguna og svo viljann
til að gefa aðeins meira í. Við ætlum að
huga að félagslegum tengingum barna og
andlegri líðan með aukinni stoðþjónustu.
Stoðþjónusta er samheiti yfir stuðningsnet
sem styður við almenna kennslu innan
skólans. Því viljum við fleiri tíma og fjár-
magn fyrir þroskaþjálfa, námsráðgjafa og
sérkennara svo að með samvinnu sé hægt
að finna úrræði sem beinast að því að leysa
erfiðleika nemenda í því umhverfi sem þeir
þekkja. Aukið aðgengi að ráðgjöfum sem
hafa þekkingu og reynslu, er gríðarlega
mikilvægt til að styðja kennara í því krefjandi
hlutverki sem þeir vinna í og geta á sama
tíma mætt þörfum allra nemenda.
Við ætlum að styðja við kennara og stjórn-
endur skólans og upphefja það frábæra starf
sem fram fer í grunnskólanum okkar.

Við þorum og viljum setja kraft í hags-
muni æskunnar, því hér eiga þau heima.
Óskar og Halla
ÓSKAR
JÓSÚASON
7. sæti á D-lista
Sjálfstæðisflokksins
HALLA BJÖRK
HALLGRÍMSDÓTTIR
8. sæti á D-lista
Sjálfstæðisflokksins
Þú ert aldrei hamingjusamari en
óhamingjusamasta barnið þitt
Mundu að sturta, segja kon-
urnar okkar stundum þegar við
erum búnir á klósettinu. Það
er ekkert verra en að koma að
klósetti með öllu gumsinu frá
síðasta notanda. Þetta minnir
mann á það hve sjálfsagt okkur
finnst vera að sturta niður og
óhugsandi þær aðstæður að
það væri ekki hægt. Hér áður
var vatni safnað af þökum húsa
í brunna við heimilin og þá
þótti við hæfi að setja vatn í
bala og öll systkinin sett í sama
fótabaðið. Vestmannaeyingar
voru frægir fyrir það að fara
sparlega með vatn þar sem
brunnurinn mátti ekki tæmast
- eðlilega miðað við það að fólk
vildi geta sturtað niður.
Vatnsleiðslan
Það voru tímamót í Vest-
mannaeyjum sumarið 1968
þegar fyrsta vatnsleiðslan var
tekin í notkun í Eyjum, og fræg
mynd af Nausthamarsbryggju
við það tilefni þegar vatni var
hleypt í gegnum leiðsluna.
Önnur leiðsla kom 1971 og sú
þriðja kom 2008. Sú leiðsla er
sú eina sem er í lagi ennþá og
er orðin 14 ára gömul. Ef hún
gefur sig áður en ný leiðsla
verður lögð, þá fer maður ekki
margar klósettferðir í Eyjum fyrr
en mörgum mánuðum síðar.
Atvinnulífið, heilbrigðiskerfið
og svo má lengi telja verður
ekki starfhæft án vatnsleiðslu til
Eyja. Það er stórt verkefni sem
kallar á aðkomu ríkisins. Við í
Sjálfstæðisflokknum ætlum að
beita okkur í hagsmunagæsl-
unni fyrir Eyjarnar og tryggja
að við náum að sturta niður án
truflana í framtíðinni.
Því hér á ég heima
Eyþór og Gísli
Okkar bestu borgarar
– 60plús skipulagið
Að sturta niður
EYÞÓR
HARÐARSON
1. sæti á D-lista
Sjálfstæðisflokksins
GÍSLI
STEFÁNSSON
3. sæti á D-lista
Sjálfstæðisflokksins

Vitað er að Vestmannaeyjar
standa frammi fyrir ákveðnu
lýðfræðilegu vandamáli. Við
erum með stóra árganga hjá
okkar elstu og reyndustu íbúum
en á sama tíma er talsverður
skortur af ungu fólki sem virðist
ekki vera að skila sér nægilega
vel aftur heim. Þetta virðist
a.m.k. vera sviðsmyndin ef borið
er saman við önnur sveitafélög.
Samkvæmt gögnum hagstof-
unnar eru einungis 12,4% íbúa
Vestmannaeyja á aldrinum
30-39 ára en 16,6% íbúa Reykja-
víkur og 17,4% íbúa Reykjanes-
bæjar.
Sveitarfélög eins og Vestmanna-
eyjar þurfa því að vera undir-
búin fyrir fjölgun eldri borgara
og mæta búsetuþörf þeirra. Þá
þarf einnig að huga að því að
nægt húsnæði sé til staðar fyrir
ungt fólk sem vill snúa aftur
heim. Þegar þetta er skrifað eru
einungis 46 eignir fyrir íbúða-
húsnæði til sölu í Vestmanna-
eyjum og margar kalla á talsvert
viðhald. Tækifærin hafa sjaldan
verið jafn fátækleg.
Við sjáum fyrir okkur íbúða-
kjarna þar sem allar íbúðir
væru sniðnar fyrir fólk sem væri
“60+” í aldri og hefði áhuga á að
halda heimili í smærra sniði en
áður. Þetta ætti að skipuleggja
miðsvæðis í Eyjum. Svona lausn
myndi um leið skapa tækifæri
fyrir ungar fjölskyldur að kaupa
þær eignir sem myndu losna við
þessa framkvæmd. Bæjarfélagið
getur haft forgöngu í svona
verkefni, stutt verktaka við
útfærslu slíkra hugmynda eða
verið leiðandi í að koma því á
koppinn. Það felst þá aðallega í
skipulagsbreytingum og jafnvel
fjárfestinga sem til þyrfti svo
hægt væri að gera þetta hratt
og vel.
Við viljum bjóða okkar reynd-
ustu og bestu borgurum
eignamöguleika við hæfi en líka
fjölga stórum eignum á markaði
fyrir yngri fjölskyldur. Hér á að
vera gott að búa, möguleikar og
frelsi til búsetu fyrir alla.
Því hér eigum við heima
Eyþór og Rut
Margar spennandi útfærslur er hægt að horfa til með
nútíma íbúðakjarna fyrir okkar bestu borgara.
Hér er ein hugmyndaskissa.
EYÞÓR
HARÐARSON
1. sæti á D-lista
Sjálfstæðisflokksins
RUT
HARALDSDÓTTIR
5. sæti á D-lista
Sjálfstæðisflokksins